InfoHub Logo

بىلتىردان باستاپ پەداگوگيكالىق ماماندىقتار بويىنشا وقۋعا ءتۇسۋ تالاپتارى قاتاڭداتىلىپ، مەجەلىك بالل كوتەرىلدى. دەگەنمەن، وسى قاتاڭ تالاپتان سۇرىنبەي وتكەن تالاپكەرلەر ستۋدەنت اتانعاننان كەيىن ەڭ جوعارى شاكىرتاقى الماق. ق ر ءبىلىم جانە عىلىم ءمينيسترى اسحات ايماعامبەتوۆ Facebook پاراقشاسىندا ۇستازدىق ماماندىقتىڭ جاستار اراسىنداعى بەدەلىن كوتەرۋ ءۇشىن وسىنداي قادامدار جاسالعانىن جازدى.

«2021 جىلى ءبىز پەداگوگ بولىپ جۇمىس ىستەگىسى كەلەتىندەرگە جۇمىسقا ورنالاسۋ كەزىندە دە قويىلاتىن تالاپتاردى قاتاڭداتتىق. وسىلايشا، ەندى بۇل ماماندىققا كەز كەلگەن مەكتەپ تۇلەگى تۇسە المايدى، ويتكەنى پەداگوگيكالىق باعىتقا دايىندىقتىڭ بارلىق باعىتتارىنا ۇبت-نىڭ ەڭ جوعارى شەكتى بالى بەلگىلەندى. سونداي-اق پەداگوگيكالىق ماماندىقتار بويىنشا ءبىلىم الۋشىلار الاتىن شاكىرتاقىلاردىڭ كولەمى دە ءقازىر ەڭ جوعارى»، - دەپ جازدى مينيستر.

ونىڭ ايتۋىنا قاراعاندا، جالاقىنى كوتەرۋ، جۇكتەمەنى ازايتۋ، ەسەپتىلىكتى قىسقارتۋ، پەداگوگتەردى وزىنە ءتان ەمەس فۋنكسيالارعا تارتۋعا جول بەرمەۋ شارالارى ماماندىقتىڭ مارتەبەسىن ارتتىرۋدا شەشۋشى ءرول اتقارعان.

«سونىڭ ارقاسىندا ءقازىر ءمۇعالىم ماماندىعىنا ۇزدىك تۇلەكتەر عانا ءتۇسىپ جاتقانىن كورىپ وتىرمىز. وسى ماماندىققا تۇسۋشىلەردىڭ ورتاشا بالى ايتارلىقتاي ارتتى، پەداگوگ ماماندىعىن تاڭداعان «التىن بەلگى» يەگەرلەرىنىڭ سانى ەكى ەسە كوبەيدى»، -دەيدى ۆەدومستۆو باسشىسى.

---