2025 جىلعا قاراي وقۋ گرانتتارىنىڭ سانى 75 مىڭعا جەتەدى
2025 جىلعا قاراي جوعارى ءبىلىم گرانتتارىنىڭ سانى 75 مىڭعا جەتەدى. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ۇكىمەت وتىرىسىندا ءمالىم ەتتى.
«ەلىمىزدە جوعارى ءبىلىم بەرۋ ساپاسىن ارتتىرۋ جۇمىستارى بىرنەشە باعىتتا جۇيەلى تۇردە ءجۇرىپ جاتىر. اتاپ ايتساق، وڭتايلى باسقارۋ جۇيەسى، اكادەميالىق ساياسات، ءبىلىم باعدارلامالارىنىڭ ساپاسى، قولجەتىمدى قارجىلاندىرۋ، كاسىبي وقىتۋشىلار قۇرامى مەن اكادەميالىق ادالدىق پرينسيپتەرىن ساقتاۋ جانە ساپانى قامتاماسىز ەتۋدىڭ ءتيىمدى جۇيەسى»، — دەگەن مينيستر ەلدەگى جوعارى وقۋ ورىندارىنىڭ جارتىسى جەكە مەنشىككە قارايتىنىن ەسكە سالدى.
«نەگىزگى باعىتتارعا توقتالساق، ەلىمىزدەگى 122 ۋنيۆەرسيتەتتىڭ جارتىسى — جەكە مەنشىك ۇيىمدار. باكالاۆريات، ماگيستراتۋرا مەن دوكتورانتۋرا دەڭگەيىندە 600 مىڭنان استام ستۋدەنت ءبىلىم الۋدا. قازاقستاننىڭ 14 جوعارى وقۋ ورنى ەلىمىزدىڭ جانە دۇنيەجۇزىلىك ۇزدىك ۋنيۆەرسيتەتتەر رەيتينگىسىندە تۇر. سوڭعى جىلدارى گرانتتار سانى ەكى ەسەگە جۋىق ءوستى. 2025 جىلعا قاراي گرانتتار سانى كەزەڭ-كەزەڭمەن 75 مىڭعا جەتەدى»، — دەدى اسحات ايماعامبەتوۆ.
You Might Also Like
-
ق ر ءبىلىم جانە عىلىم ءمينيسترى اسحات ايماعامبەتوۆ ۇكىمەت وتىرىسىندا قاشىقتان وقىتۋ بويىنشا شەكتەۋ قويىلعان سالالاردى اتادى.
-
قازاقستان رەسپۋبليكاسىنىڭ "سىبايلاس جەمقورلىققا قارسى كۇرەس" زاڭى سىبايلاس جەمقورلىققا مىنانداي انىقتاما بەرەدى - بۇل مەملەكەتتىك مىندەتتەردى اتقاراتىن ادامداردىڭ، سونداي-اق سولارعا تەڭەس...
