InfoHub Logo

اقتاۋدا 7 قاراشا، جەكسەنبى كۇنى كەشكە ەكى قاباتتى كافەدە جارىلىس بولىپ، عيمارات تولىعىمەن قيرادى. ابىروي بولعاندا زارداپ شەككەن جاندار جوق.

"جارىلىسقا بايلانىستى اۋرۋحانالارعا ءالى ەشكىم جۇگىنگەن جوق"، — دەدى جەرگىلىكتى بيلىك جەكسەنبى كۇنى كەشكە تاراتقان مالىمدەمەسىندە. جەكسەنبى كۇنى كەشكە توتەنشە جاعداي ورنىندا ونداعان قۇتقارۋشىلار مەن ارنايى تەحنيكا جۇمىس ىستەدى. "جارىلىستىڭ سەبەبى مەن بۇزىلۋ اۋماعى انىقتالۋدا"،-دەپ ءتۇسىندىردى جەرگىلىكتى باسپا ءسوز قىزمەتى.

جول بويىنداعى كەشەندەگى جارىلىس ءساتى بەينەباقىلاۋ كامەرالارىندا تىركەلدى.

دەپارتامەنت باسشىسى ورىنباسارىنىڭ ايتۋىنشا، جارىلىس ورنىندا زارداپ شەككەندەر تابىلعان جوق. بۇعان دەيىن ول "شەرقالا" ساۋدا كەشەنىنىڭ يەسى قىزمەتكەرلەردىڭ جارىلىس بولعان عيماراتتان جەرگىلىكتى ۋاقىت بويىنشا 20:00-گە دەيىن (ماسكەۋ ۋاقىتىمەن 18:00) كەتكەنىنە سەندىردى.

اقتاۋ قالاسىنىڭ اكىمى نۇرداۋلەت قيلىباي جارىلىس بولعان جەردە كينولوگتار جۇمىس ىستەپ جاتقانىن، ازىرگە زارداپ شەككەندەردىڭ ەشقايسىسى مەديسينالىق كومەككە جۇگىنبەگەنىن اتاپ ءوتتى، دەپ حابارلايدى جەرگىلىكتى پورتال informburo.kz. قۇتقارۋشىلاردىڭ ايتۋىنشا، جارىلىس سالدارىنان كافەنىڭ جانىندا ورنالاسقان 11 كولىك زارداپ شەككەن. پورتالدىڭ مالىمەتىنشە، ەكى قاباتتى "شەرقالا" كەشەنىندە "ايانات" ءدامحاناسىنان باسقا تىگىن فابريكاسى، قويما جانە تەحنيكالىق قىزمەت كورسەتۋ ستانسياسى بولعان.

جارىلىس، جەرگىلىكتى تۇرعىنداردىڭ ايتۋىنشا، 7 قاراشا كۇنى كەشكە ساعات 21:20-دا (ماسكەۋ ۋاقىتىمەن 19:20) بولعان. كاسىپكەرلەردىڭ ايتۋى بويىنشا، ءورت سوندىرۋشىلەر ۇيىندىلەر استىنان تاعى كوگىلدىر وتىن تولى ەكى باللوندى ىزدەپ جاتىر.

اباي امىرەيەۆ، جەكە كاسىپكەر: – بالا-شاعامدى الىپ شىعىپ كەتكەنمىن. ساعات 19.30 شاماسىندا. ءوزىم جاۋىپ قۇلىپتاپ كەتكەنمىن. قاسىمدا توكار بار، ەلەكتريك بار. ارعى جاعىمدا تاعى ەلەكتريكتەر، اسحانا بار. ولاردى ەندى مەن بىلمەيمىن. جاۋاپ بەرە المايمىن.-دەيدى. 

ايتا كەتەيىك بۇنداي جاعدايلار ەلىمىزدىڭ ءبىراز وڭىرىندە ورىن العان. سەبەپ كوگىلدىر وتىندى دۇرىس پايدالانباۋ دەپ تۇيدىك.

دەرەككوزدەر: 24.kz سايتى،informburo.kz،  tengri.news.

اقەركە بيسەنعالي

---