2026 جىلعا دەيىن 400-دەن استام جاڭا مەكتەپ اشىلادى
2026 جىلعا دەيىن 400-دەن استام جاڭا مەكتەپ اشىلادى. بۇل تۋرالى ق ر ۇكىمەتىنىڭ كەڭەيتىلگەن وتىرىسىندا پرەمەر-مينيستر ءاليحان سمايىلوۆ ايتتى.
«ءبىلىم بەرۋ سالاسىندا جىل باسىنان بەرى 34 مىڭ ورىندىق 325 بالاباقشا اشىلدى. 3 جاستان 6 جاسقا دەيىنگى قامتۋ 98 پايىزدى قۇرادى. ءۇش اۋىسىمدى جانە اپاتتى مەكتەپتەردى جويۋ ءۇشىن «جايلى مەكتەپ» ۇلتتىق جوباسى بەكىتىلدى. بيىل 106 مىڭ ورىندىق 201 مەكتەپ اشىلدى. 2026 جىلعا دەيىن 842 مىڭ وقۋشى ورنىنا ارنالعان 400-دەن استام جاڭا مەكتەپ اشىلادى»، - دەدى ۇكىمەت باسشىسى.
ونىڭ اتاپ وتۋىنشە، بۇگىنگى تاڭدا 410 كوللەدج 500-گە جۋىق كاسىپورىنعا مەردىگەرلىككە بەرىلدى. 2025 جىلعا قاراي كوللەدج وقۋشىلارىنىڭ 100 پايىزى تەگىن كاسىپتىك بىلىممەن قامتىلادى.
«دەنساۋلىق ساقتاۋ سالاسىن دامىتۋدىڭ 2026 جىلعا دەيىنگى تۇجىرىمداماسى قابىلداندى. «اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسى بەكىتىلدى. «بيولوگيالىق قاۋىپسىزدىك تۋرالى» جاڭا زاڭ قابىلداندى. مەديسينالىق تەحنيكانى ورتالىقتاندىرىلعان ساتىپ الۋ مەحانيزمى ەنگىزىلدى. وتكەن جىلدىڭ ۇقساس كەزەڭىمەن سالىستىرعاندا حالىقتىڭ جالپى ءولىم-جىتىمى 28 پايىزعا جانە انا ءولىم-جىتىمى 3،5 ەسەگە تومەندەدى. كەلەسى جىلى ونكولوگيالىق اۋرۋلارمەن كۇرەس جونىندەگى 3 جىلدىق كەشەندى جوسپاردىڭ ىسكە اسىرىلۋى باستالادى»، - دەدى ءاليحان سمايىلوۆ.
You Might Also Like
-
ق ر پرەزيدەنتى ق.ك.توقايەۆتىڭ “سىندارلى قوعامدىق ديالوگ - قازاقستاننىڭ تۇراقتىلىعى مەن وركەندەۋىنىڭ نەگىزى” اتتى قازاقستان حالقىنا جولداۋىنىڭ اياسىندا “ادىلەتتى مەملەكەت.ءبىرتۇتاس ۇلت...
-
جاھاندىق مەديسينا ءسات سايىن دامىپ، جاعىمدى جاڭالىقتار جاريالانىپ جاتقانىمەن، ادامزات بالاسى اۋىزدىقتاي الماي وتىرعان كەسەل مەن دەرت ءالى دە از ەمەس. اسىرەسە وتانداستارىمىزدى ونكولوگيالىق اۋرۋلار الا...
