ادىلەتتى مەملەكەت. ءبىرتۇتاس ۇلت. بەرەكەلى قوعام
ق ر پرەزيدەنتى ق.ك.توقايەۆتىڭ “سىندارلى قوعامدىق ديالوگ - قازاقستاننىڭ تۇراقتىلىعى مەن وركەندەۋىنىڭ نەگىزى” اتتى قازاقستان حالقىنا جولداۋىنىڭ اياسىندا “ادىلەتتى مەملەكەت.ءبىرتۇتاس ۇلت.بەرەكەلى قوعام” تاقىرىبىندا ۋنيۆەرسيتەتتىك شارا وتكىزىلدى.
2022 جىلدىڭ جەلتوقسان ايىنىڭ 8-جۇلدىزىندا ماتەماتيكا فاكۋلتەتىندە تاريح فاكۋلتەتىنىڭ قازاقستان تاريحى كافەدراسىنىڭ پروفەسسورى قوزىباقوۆا فاتيما اقىنباي قىزىنىڭ "ماتەماتيكا" توپتارىنىڭ ۇيىمداستىرۋىمەن كەمەڭگەر ديپلومات، سارابدال ساياساتكەر، ەلىمىزدى بولاشاققا باستاۋشى – قاسىم-جومارت كەمەل ۇلى توقايەۆتىڭ ءومىرى مەن قىزمەت جولىن ستۋدەنتتەر اراسىندا كەڭىنەن تالقىلاپ، كونفەرەنسيا وتكىزىلگەن بولاتىن. جەتەكشىسى :قوزىباقوۆا فاتيما اقىنباي قىزى. كونفەرەنسيادا پرەزيدەنتىمىزدىڭ جولداۋى مەن ەلىمىز ءۇشىن تاريحي كۇن – سايلاۋدى كەڭىنەن تالقىلاپ، پىكىرتالاس ۇيىمداستىرىلدى.
عىلىمي كونفەرەنسيا بارىسىندا ستۋدەنتتەر مەملەكەت باسشىسىنىڭ ءومىر جولى مەن ەڭبەكتەرىن ەرەكشە تاسىلدەر ارقىلى تانىستىرىپ ءوتتى. اتاپ ايتقاندا، ستۋدەنتتەردىڭ ازىرلەگەن جۇمىستارى رەفەرات، كارتامەن جۇمىس جانە پرەزەنتاسيا رەتىندە كورسەتىلدى. سونىمەن قاتار، جازعان ەڭبەكتەرى مەن كىتاپتارى، گازەت-جۋرنالداعى تاڭداۋلى ماقالالارى كورمە رەتىندە تانىستىرىلدى. وسىنداي ەرەكشە ءادىس اۋديتوريانىڭ كوڭىلىن دەمدە باۋراپ، حالقىنىڭ قالاۋلىسىنا اينالعان تۇلعا– پرەزيدەنتىمىزدىڭ تاۋەلسىزدىك العان جىلداردان باستاپ قازىرگى كەزگە دەيىنگى تاعىلىمىمەن تانىسىپ، جولداۋدىڭ ءمان مەن ماعىناسىنا تەرەڭىنەن ءۇڭىلىپ، ءبىلىم كوكجيەگىن كەڭەيتۋگە مۇمكىندىك بەردى.
قاۇۋ ستۋدەنتتەرى
You Might Also Like
-
2026 جىلعا دەيىن 400-دەن استام جاڭا مەكتەپ اشىلادى. بۇل تۋرالى ق ر ۇكىمەتىنىڭ كەڭەيتىلگەن وتىرىسىندا پرەمەر-مينيستر ءاليحان سمايىلوۆ ايتتى.
