InfoHub Logo

عۇلاما ءبىر اقساقال شاكىرتتەرىمەن اڭگىمە بارىسىندا: “30 جىل بۇرىن “ءالحامدۇليللاھ” دەگەنىم ءۇشىن 30 جىل بويى ءتاۋبا ەتىپ كەلەمىن،”  — دەيدى. شاكىرتتەرى تاڭ قالىپ، مۇنىڭ ءمانىن سۇراعاندا، الگى اقساقال بىلاي دەپ تۇسىندىرەدى: “ساۋدا ورنىندا ۇلكەن ءورت شىعىپ، كوپتەگەن ساۋداگەرلەردىڭ دۇكەندەرى ورتەنىپ، يەلەرى ۇلكەن شىعىنعا ۇشىرايدى. ءورت تۋرالى ماعان حابار جەتكەندە مەن “سەنىڭ دۇكەنىڭە ەشتەڭە بولماپتى” دەگەن ءسۇيىنشى حابارعا ابايسىزدان “ءالحامدۇليللاھ” دەي قالدىم. كەيىن وسى ارەكەتىمە قاتتى وكىندىم – مۇسىلمان باۋىرلارىمنىڭ مال-مۇلكى جانىپ كەتكەن كەزدە، وزىمدىكى امان قالدى دەپ شۇكىر ەتكەنىم شىنايى مۇسىلماندىققا جاراسپادى دەپ قاتتى قوبالجىدىم، ەڭىرەپ ءتاۋبا ەتتىم. كەيىن ورتتەن زيان كورگەن مۇسىلمان باۋىرلارىما ورتاقتاس بولايىن دەگەن ماقساتپەن، دۇكەنىمدەگى بارلىق زاتتاردى كەدەيلەرگە تاراتىپ بەرسەم دە، سول كۇننەن بەرى 30 جىل بويى ءتاۋبا ەتسەم دە، ءالى دە جانىم تىنىشتىق تاپپادى. مەن ولگەن كەزدە ەشكىم بىلمەيتىن، ادام جۇرمەيتىن ءبىر جەرگە اپارىپ جەرلەۋلەرىڭدى سۇرايمىن. توپىراق مەنى قابىلداماي قويسا، دوستارىمنىڭ الدىندا ۇيات بولماسىن.

---