اقپاراتتىق قاۋىپسىزدىك ماماندىعى جايىندا
اقپاراتتىق تەحنولوگيا – 21 عاسىردىڭ جەتەكشى باعىتى. جاڭا تەحنولوگيالار ءقازىر ناقتى ءومىردىڭ ءبىر بولىگىنە اينالدى. سوندىقتان IT سالاسىنداعى ساپالى مامان - تەك پروگرەستىڭ دامۋىنا عانا ەمەس، ادامزاتتىڭ ءومىر سالتىنا دا اسەر ەتە الاتىن قۇندى جانە سيرەك تالانت.
اقپاراتتىق تەحنولوگيالار فاكۋلتەتىنىڭ نەگىزگى مىندەتى – ينفورماتيكا سالاسىندا قولدانبالى جانە عىلىمي-زەرتتەۋ جۇمىستارىن جۇرگىزە الاتىن جانە جۇيەلىك باعدارلامالاۋدان باستاپ فيزيكاعا دەيىنگى بارلىق سالالاردا جوعارى بىلىكتى مامانداردى دايىنداۋ.
ءال-فارابي اتىنداعى قازاق ۇلتتىق ۋنيۆەرسيتەتىندە “اقپاراتتىق تەحنولوگيالار” فاكۋلتەتى 2018 جىلى عانا اشىلعانىنا قاراماستان كوپتەگەن جەتىستىكتەرىمەن قۋانتىپ كەلەدى. بولاشاق ۇرپاققا بەرەتىن بىلىمدەرى مول ماماندارىمەن دە ماقتانا الادى. سان الۋان ماماندىقتاردى قامتيتىن قوعامدا ۇلكەن سۇرانىسقا يە فاكۋلتەتتەردىڭ قاتارىندا. ال فاكۋلتەتتەگى “اقپاراتتىق قاۋىپسىزدىك جۇيەلەر” ماماندىعىنىڭ ورنى تىپتەن ەرەكشە. ەندى وسى ماماندىققا توقتالىپ وتەيىك. اقپاراتتىق قاۋىپسىزدىك- بۇل اقپاراتتى، سونداي-اق ونىڭ ماڭىزدى ەلەمەنتتەرىن پايدالانۋعا، ساقتاۋعا جانە بەرۋگە ارنالعان جۇيەلەر مەن جابدىقتاردى ساقتاۋ ءارى قورعاۋ. باسقاشا ايتقاندا، بۇل اقپاراتتىق قاۋىپسىزدىكتى قورعاۋ ءۇشىن قاجەتتى تەحنولوگيالار، ستاندارتتار مەن باسقارۋ ادىستەرىنىڭ جيىنتىعى.
اقپاراتتىق قاۋىپسىزدىكتى قامتاماسىز ەتۋدىڭ ماقساتى-دەرەكتەر مەن قولداۋ ينفراقۇرىلىمىن كەزدەيسوق نەمەسە قاساقانا ارالاسۋدان قورعاۋ، بۇل دەرەكتەردىڭ جوعالۋىنا نەمەسە ولاردىڭ رۇقساتسىز وزگەرۋىنە اكەلۋى مۇمكىن. اقپاراتتىق قاۋىپسىزدىك بيزنەستىڭ ۇزدىكسىزدىگىن قامتاماسىز ەتۋگە كومەكتەسەدى.
بۇل ورايدا اقپاراتتىق قاۋىپسىزدىكتى قورعاۋدىڭ جۇيەلىك جانە كەشەندى ءتاسىلى عانا قامتاماسىز ەتە الاتىندىعىن ءتۇسىنۋ كەرەك. اقپاراتتىق قاۋىپسىزدىك جۇيەسىندە بارلىق وزەكتى جانە ىقتيمال قاۋىپتەر مەن وسالدىقتاردى ەسكەرۋ قاجەت. ول ءۇشىن ناقتى ۋاقىت رەجيمىندە ۇزدىكسىز باقىلاۋ قاجەت. باقىلاۋ 24/7 جۇرگىزىلۋى كەرەك جانە اقپاراتتىڭ بۇكىل ومىرلىك سيكلىن قامتۋى كەرەك – ول ۇيىمعا كىرگەن ساتتەن باستاپ جويىلعانعا نەمەسە وزەكتىلىگىن جوعالتقانعا دەيىن.
اقپاراتتىق قاۋىپسىزدىك شاراسىنىڭ قاراپايىم مىسالى-كومپيۋتەردە ورناتىلعان انتيۆيرۋس. ءبىراق كوممەرسيالىق قۇرىلىمداردا بۇل ماسەلە اناعۇرلىم بايىپتى جانە كوپتەگەن دەڭگەيلەردە قاراستىرىلادى: قاۋىپسىزدىكتى قامتاماسىز ەتۋ ءۇشىن كوپ نارسە ىستەۋ كەرەك.
اقپاراتتىق قاۋىپسىزدىك قۇرالدارى دەرەكتەردى تاراپ كەتۋدەن، باعدارلامادان، جۇيەدەن جانە جەلىدەن — بۇزۋدان، رۇقساتسىز كىرۋدەن، فايلداردىڭ بۇزىلۋىنان نەمەسە شابۋىلداردىڭ باسقا تۇرلەرىنەن قورعايدى. ەگەر ءبىز كوممەرسيالىق نەمەسە مەملەكەتتىك قۇرىلىمدار تۋرالى ايتاتىن بولساق، وندا اقپارات تىڭشىلاردان نەمەسە ۇجىمنىڭ ىشىندەگى ىقتيمال زيانكەستەردەن قورعايدى.
بۇل ماماندىق قازىرگى تەحنولوگيالار دامىعان زاماندا ەڭ وزەكتى ماماندىقتاردىڭ ءبىرى. الەمدە كۇن سايىن جاڭا تەحنولوگيالار پايدا بولىپ، اقپاراتتار ۇزدىكسىز ءجۇرىپ جاتىر. وسىنداي كەزەڭدە اقپاراتتاردى قورعاۋ وتە ماڭىزدى ەكەنى بەلگىلى. بۇل ىسپەن، ارينە، اقپارتتىق قاۋىپسىزدىك ماماندىعىنىڭ ماماندارى اينالىسىپ، جاڭعىرتىپ جاتىر. جاڭا زاماننىڭ تالابىنا ساي جاڭا ماماندىق پەن ءبىلىمدى ماماندار جارقىن بولاشاقتىڭ كەپىلى دەپ ويلايمىن.
ءال-فارابي اتىنداعى ءقازۇۋ-نىڭ اقپاراتتىق تەحنولوگيالار فاكۋلتەتىنىڭ ستۋدەنتى - يبراگيموۆا ايمان
جەميليەۆا مادينا ماراتوۆنانىڭ جەتەكشىلىگىمەن
You Might Also Like
-
استانادا وقۋشىلار اراسىندا روبوتوتەحنيكا بويىنشا Central Asia FIRST Championship حالىقارالىق چەمپيوناتى ءوتىپ جاتىر.
-
عۇلاما ءبىر اقساقال شاكىرتتەرىمەن اڭگىمە بارىسىندا: “30 جىل بۇرىن “ءالحامدۇليللاھ” دەگەنىم ءۇشىن 30 جىل بويى ءتاۋبا ەتىپ كەلەمىن،” — دەيدى. شاكىرتتەرى تاڭ قالىپ، مۇن...
