InfoHub Logo

8 - ناۋرىزعا بايلانىستى "اق ارۋ" قىزدار سايىسى(سىنىپتان تىس شارا)

- قۇرمەتتى انالار، ءبىزدىڭ مەكتەپتىڭ ۇستازدارى، قىزدارى!
8 ناۋرىز حالىقارالىق ايەلدەر كۇنى مەرەكەسى قۇتتى بولسىن!
اياۋلى انالارعا ۇزاق عۇمىر، باقىتتى ءومىر، وتباسىلارىنا اماندىق پەن قۋانىش تىلەيمىن.
ال، بۇگىنگى كۇن قىزدارىمىزدىڭ ونەرلەرى مەن بىلىمدەرىن كورسەتۋ ءۇشىن «اق ارۋ» اتتى سايىس وتكىزگەلى تۇرمىز.

ءادىلقازى بولدى بۇگىن،
ۇستازدار عوي بىزدەردىڭ.
ادىلدىكپەن باعالادى،
ونەر ءبىلىم سايىسىن.
(ءادىلقازىلاردى تانىستىرۋ)
قىزداردى تانىستىرىپ، ورتاعا شاقىرۋ.
اققۋ قۇستاي قانات قاعىپ سامعاعان،
ادال جولمەن ارام ىسكە بارماعان.
ادامدىقتى جانى سۇيگەن قاشاننان،
گۇلجان دا قاتارىنان قالماعان.

اتىڭنان اينالايىن نۇرساۋلە دەگەن،
سەنىڭ ىسىنە جاقسى باعا بەرەم.
جەڭىس تۋىن تىگەرسىڭ بولاشاقتا،
ءۇمىتى زور وسى مەكتەپتىڭ ساعان دەگەن.

ءبىلىمدى وقۋ وزاتى سىنىپتاعى،
تالاي قيىن ىستەردى قۇرىقتادى.
گۇلدانانىڭ الدىندا تالاي ءىس تۇر،
بولاشاقتا جاندىرار ءۇمىت وتتى.

9 - سىنىپ وقيتىن،
ورنەكتەپ توقىما توقيتىن،
ءان ايتىپ، بي دە بيلەيتىن.
سۇلۋشاش ونەرلى قىزىمىز.

اق ارۋلار كەلىپ جەتتى تانىسۋعا،
بويىنداعى بار دارىندى دارىتۋعا،
قورىقپاستان ساحناعا كەلىپ جەتتى.
ادەپپەن، ىزەتپەن تانىسۋعا،- دەي كەلە
قىزدارىمىز وزدەرىن تانىستىرۋعا ءوتسىن.

باعدارلاما بويىنشا كەلەسى كەزەكتە «بايگە» (ماقال - ماتەلدەردى جالعاستىرۋ)
1 - ارۋ.
1. انانىڭ كوڭىلى بالادا،
............. بالانىڭ كوڭىلى دالادا.
2. اناڭدى مەككەگە 3 رەت ارقالاپ بارساڭ دا،
............ قارىزىڭنان قۇتىلا المايسىن.
2 - ارۋ.
1. انا ءسۇتىن اقتاماعاندى،
............ ەشكىم ماقتامايدى.
2. اتاسىز ءۇي باتاسىز،
............. اناسىز ءۇي پاناسىز.
3 - ارۋ.
1. انانىڭ قۇنى،
............. انانىڭ ءسۇتى.
2. اناسىن سۇيگەننىڭ
.............. بالاسىن ءسۇي.
4 - ارۋ.
1. اتا - انانىڭ ءقادىرىن،
................ بالالى بولعاندا بىلەرسىڭ.
2. اعايىن التاۋ،
................. انا بىرەۋ.

ءىىى. « اتا كورگەن وق جونار،
انا كورگەن تون پىشەر» دەمەكشى، ءبىزدىڭ قىزدارىمىز ويۋ ويۋدان
دا كەمدە ەمەس سياقتى.

ءىۇ. جاڭارعان سانانىڭ
ۇمىتادى مۇنى كىم؟
اتا – سالتى بابانىڭ
الىپ كەلدى وسى كۇن، - دەي كەلە قىزدارىمىز سالت – داستۇرگە بايلانىستى سۇراقتارعا جاۋاپ بەرسىن.
6 – سىنىپ.
1. كۇيشى انا كىم؟ ( دينا نۇرپەيىسوۆا )
2. حالقىمىزدىڭ باتىر قىزدارى؟ ( ءاليا، مانشۇك )
3. « سۇلۋ» دەگەن ءسوزدىڭ ءسينونيمى؟ ( ارۋ)
7 – سىنىپ.
1. ايەلدىڭ كۇشى از، نەسى كوپ؟ ( ايلاسى )
2. كەلىن ءتۇسىرۋ، قىز ۇزاتۋ داستۇرىندە ايتىلاتىن قانداي سالت جىرلاردى بىلەسىڭدەر؟ ( توي باستار، «جار - جار»، « بەتاشار»،
« سىڭسۋ»).
3. ايەل ماحاببات قۇدايىنىڭ قۇرمەتىنە قاي پلانەتا اتالدى؟
(ۆەنەرا پلانەتاسى).
8 - سىنىپ.
1. ايەلى كوركى نەدە؟ (اقىلدا)
2. ادامعا نە قىمبات؟ (بالا)
3. قازاق قىزدارىنىڭ بۇرىمىنا تاعاتىن اشەكەي؟ (شولپى)
9 - سىنىپ
1. ايەلدەردىڭ قىمبات زاتتارمەن اشەكەيلەنگەن مويىنعا تاعاتىن بۇيىمى؟ (القا)
2. م. اۋەزوۆتىڭ «اباي جولى» رومانىنداعى ايگەرىمنىڭ شىن ەسىمىن اتا؟ (شۇكىمان)
3. ناۋرىز كوجە قانشا تاعامنان دايىندالادى؟(7)

ءۇ. ءۇي تاپسىرماسى. (مەرەكەلىك بۇكتەمە جاساۋ جانە مەرەكەلىك تاعام دايىنداۋ)
ءۇى. «شەشەگە قاراپ، قىز وسەر» دەمەكشى قازاق قىزدارى وتە ونەرلى بولعان. جۇننەن ءارتۇرلى توقۋ توقىعان. ءبىزدىڭ قىزدارىمىز ودان دا كەمدە ەمەس، ەندەشە، قىزدارىمىز ەن كونە ءداستۇرىمىزدىڭ ءبىرى – ءجۇن ءيىرۋدى كورسەتسىن.

ءۇىى. كوركەمونەر – جاس بوبەك،
سۇيكىمدى بولار باقپاسا،
تورتاسىن العان بال قايماق،
بويىنا سىلاۋ جاقپاسا
ۇلپىلدەگەن قىزىل شوق،
باسىنا ۇكى تاقپاسا، - دەي كەلە قىزدارىمىزدىڭ ونەرىمەن تانىسايىق.
«جۇزدەن جۇيرىك، مىڭنان تۇلپار شىعادى» دەمەكشى، بۇگىنگى سايىسىمىز دا اياقتالىپ كەلەدى. سىزدەر بۇگىن ارۋلارىمىزدىڭ ونەرلى ەكەنىن بايقادىڭىزدار. ەندى ءادىلقازىلار القاسىنا ءسوز بەرەيىك.

اۆتور: ايشۋاكوۆ مەرلان