9-12 سىنىپ وقۋشىلارى ءۇشىن كاسىپتىك باعدار كۇنى ەنگىزىلىپ جاتىر
ق ر ءبىلىم جانە عىلىم مينيسترلىگى جالپى ءبىلىم بەرەتىن مەكتەپتەردىڭ 9-12 سىنىپ وقۋشىلارىنا ارنالعان كاسىپتىك باعدار كۇنىن ەنگىزىپ جاتىر، دەپ حابارلايدى BNews.kz.
بۇل شارالار وقۋشىلاردىڭ ءبىلىم الۋىنا كەدەرگى كەلتىرمەي، جوعارى وقۋ ورىندارىن جارنامالاۋ جۇيەسىن رەتتەۋدى كوزدەيدى.
«ەندى كاسىپتىك باعدار كۇنى ءار ايدىڭ 2ء-شى جانە 4ء-شى سەنبىسىندە 2 اكادەميالىق ساعات ىشىندە وتەتىن بولادى. مەكتەپتەرگە ارنالعان ءبىرىڭعاي ستاندارتتى كەستە جاسالادى، ول بويىنشا جوعارى وقۋ ورىندارى مەكتەپتەردە وقۋشىلارمەن كەزدەسۋ وتكىزۋ جونىندە ءوتىنىم بەرەدى. جالپى ءبىلىم بەرەتىن مەكتەپتەر ءوتىنىم بەرگەن جوعارى وقۋ ورىندارىمەن توقسان سايىن كاسىپتىك باعدار كۇنىن وتكىزۋ كەستەسىن تۇزەدى»، - دەپ اقپارات تاراتتى ق ر بعم باسپا ءسوز قىزمەتى.
ەگەر جوعارى وقۋ ورىندارى وقۋشىلاردى تەستىلەۋدەن وتكىزۋدى جوسپارلاسا، وندا ونى مەكتەپتەن تىس نەمەسە كوللەدجدە وتەتىن اشىق ەسىك كۇندەرى شەڭبەرىندە ۇيىمداستىرۋى ءتيىس.
كاسىپتىك باعدار كۇنى شەڭبەرىندەگى كەزدەسۋلەر ءار جوو-عا مەكتەپتەردە اقپاراتتىق جۇمىس جۇرگىزۋگە قۇقىق بەرە وتىرىپ، كەشەندى كاسىپتىك باعدارلاۋ جۇيەسىن قۇرۋعا جول اشادى. مەكتەپ تۇلەكتەرىنە وزەكتى ماماندىقتار مەن ءبىلىم الۋ مۇمكىندىكتەرى تۋرالى اقپارات بەرىلەدى. كەزدەسۋلەر سەنبى كۇنى وتكىزىلەتىندىكتەن اتا-انالار بالالارمەن بىرگە جوو-لارمەن جانە كوللەدجدەرمەن تانىسۋعا مۇمكىندىك الادى.
You Might Also Like
-
ءبىر كەزدەرى جاڭا زەلانديادا بيىكتىگى 3،5 مەترگە دەيىن جەتەتىن موا الىپ قۇستارى مەكەن ەتكەن. ولاردىڭ قاناتتارى بولمادى، سول سەبەپتى بايىرعى ماوريلەر ولاردى وڭاي قىرىپ-جويدى. بۇل قۇستار جويىلىپ كەتكە...
-
الماتى وبلىسى بالقاش اۋدانى «№1 باقاناس ورتا مەكتەبى» قۇلىنباي اجار قالي قىزى تاريح ءپانىنىڭ ءمۇعالىمى
