InfoHub Logo

كەشە عانا سەنىڭ حاتىڭدى الىپ، بۇگىن (13/ءحىى.56-ج.) ساعان حات جازىپ وتىرمىن. الىس بولعاندىقتان با، حاتىڭ سمولەنسكى مەن الماتىنىڭ اراسىندا كوپ ۋاقىت ءجۇرىپتى. حاتىڭنان امان-ساۋلىعىڭدى ءبىلىپ، قۋانىپ قالدىم.

يا، مەن دە ادەبيەتتى سۇيەمىن. ودان جوعارى تۇرعان مەن ءۇشىن ەش نارسە جوق امال قانشا، ادەبيەتتى ازىرگە قويا تۇرىپ، مىنەكي، يۋريسپرۋدەنسيامەن اينالىسىپ كەتتىم. بۇعان وكىنبەيمىن. بۇل ادەبيەتكە جول اشپاسا، بىتەمەيدى.

ەگەر سەنىڭ ءوزىڭنىڭ تىلىڭە، ءوزىڭنىڭ ادەبيەتىڭە دەگەن ىنتاڭ بولسا، سەن باسقانىڭ كومەگىنسىز-اق مەڭگەرىپ، ۇيرەنىپ كەتۋىڭ وڭاي.

ءوز انا تىلىنەن بولەك، باسقا ءبىر ءتىلدى جاقسى ءبىلۋ، انا ءتىلىن ۇمىتتىرماسا كەرەك؛ قايتا انا ءتىلىندى تەرەڭىرەك، تولىعىراق مەڭگەرۋگە ۇيرەتەدى.

مىسالى، لەنيندى الشى. فرانسۋز، نەمىس، ت.ب. شەت تىلدەرىن بىلگەن. ال ونىڭ ۇستىنە ءوزىنىڭ ورىس ءتىلىن، انا ءتىلىن قانداي تاماشا بىلەدى! لەنيندەي ورىس ءتىلىن مەڭگەرگەن ورىس ازىرگە تۋىلعان جوق.

پۋشكيندى ال. ەسىڭدە مە، پۋشكين ءومىر سۇرگەن عاسىردا ورىستىڭ مادەنيەتتى قاۋىمى فرانسۋز، ودان قالسا نەمىس بولىپ كەتۋگە از-اق قالعان. ءبىراق پۋشكين فرانسۋز ءتىلىن انا تىلىندەي بىلە تۇرا ورىس ءتىلىن (ءوزىنىڭ ءتىلىن) قانداي مەڭگەرگەن. شەت ءتىلىن بىلگەنى ونىڭ ءوز ءتىلىن ۇمىتتىردى ما؟ جوق، ۇمىتتىرعان جوق، قايتا ونىڭ سوزدىك قورىپ مولايتتى.

اقىر سوڭىندا، ءبىزدىڭ مۇحتاردى الىپ قارا (اۋەزوۆتى ايتام). ورىس ءتىلىن مۇحتارداي بىلەتىن قازاق بالاسى جوق شىعار. ال ونىمەن قوسا مۇحتار ءوزىنىڭ ءتىلىن قالاي بىلەدى؟ ونىڭ "ابايىن" وقىدىڭ با؟ ءوز تىلىڭدە.

مۇحتاردىڭ "ابايىنىڭ" 4 كىتابىن قازاق تىلىندە وقىپ شىققان ادام – سول قازاق.

سەن قازاقسىڭ عوي، باۋىرىم. ورىس ءتىلىن نەعۇرلىم جاقسى بىلگەن سايىپ ءوز ءتىلىڭ دە بايىي بەرۋى كەرەك.

بىلەسىڭ بە، ادەبيەتكە قۇمار ادامدار بار دا، ادەبيەتكە ءبىر تامشى ۇلەس قوساتىن ادامدار بار. ادەتتە رومانداردى كەزەك-كەزەگىمەن اۋدارىپ، وعان دون كيحوتشا ەلىكتەگەن ادام، سول باياعى قالپىمەن (سەرۆانتەسگىڭ "دون كيحوتىپ" وقىعان شىعارسىڭ)، "ادەبيەت اۋرۋىمەن" ("ليتەراتۋرنايا بولەزن") اۋىرىپ قالىپ قويادى. بۇدان ساق بول. ەلىكتەۋ جاقسى، اتتەڭ، سوعان جەتۋگە ىنتىقساڭ، ۇمتىلساڭ.

ۋنيۆەرسيتەت، ينستيتۋتتى بىتىرگەندە "جازۋشى"، "اقىن" دەگەن ديپلوم بەرمەيدى عوي. "اگرونوم"، "زووتەحنيك" ت.ب. دەگەن ديپلوم بەرەدى. كوردىڭ بە، اقىن مەن جازۋشىنى دايارلاپ شىعاراتىن وقۋ ورنى ءالى جوق دەمەك، ولاردى ءومىردىڭ ءوزى ازىرلەپ، ءوزى ۇيرەتەدى. ولاردىڭ جولى بۇراڭ، سوقپاعى، كولدەنەڭى كوپ. ول جولدى تاڭداپ، سول جولعا تۇسكەن ادام ءبارىن دە باسىنان وتكەرگەنى ءجون-اۋ دەيمىن. ۇلى جازۋشىلاردىڭ ومىرلەرىمەن تانىستىڭ با؟ وقى، تانىس سولاردىڭ ومىرىمەن.

ۇمىتپاي تۇرىپ ايتىپ قويايىن، ەگەر تاپساڭ، مىنالاردى وقىپ شىقشى:

1. كونست. پاۋستوۆسكيي "زولوتايا روزا" ("وكتيابر" جۋرنالىنىڭ 1955-ج. جاڭىلماسام، 8-9-10-11-نومەرلەرىن قارا).

2 "و پيساتەلسكوم ترۋدە". بىرنەشە جازۋشىلاردىڭ قالاي جازعاندىعى تۋرالى پىكىرلەرى بار.

3 "جيزن زامەچاتەلنىح ليۋدەي" سەريامەن شىعاتىن كىتاپتار بار (چەحوۆتىكى بولەق دوبروليۋبوۆتىكى، ت.ب.).

ەگەر سوندا جوق بولسا، لاشىنعا جاز. باندەرول ەتىپ جىبەرسىن. بىزدىكىندە بار.

ءوزىڭ كورگەن الماتى باياعى قالپىندا. ۇلكەن-ۇلكەن ۇيلەر كوبەيۋدە. اسىرەسە تۇرعىن ۇيلەر كوپ سالىنۋدا. ءدال وسى قالپىندا بولسا، ەندى ءبىر 4-5 جىلدا الماتىدا ءۇي ماسەلەسى تولىق شەشىلەدى. قالا كۇننەن-كۇنگە كوركەيۋدە.

شىركىن-اي، ماعان قانداي قىمبات الماتى! اتلانت مۇحيتىنىڭ ار جاعىنا اپارىپ تاستاسا دا، cay بولسام، الماتىعا قايتا ورالار ەدىم.

...ءازىر زاچەتتى باستادىق. ەكزامەن 5-يانۆاردان 25-يانۆارعا دەيىن بولماق. كىم ءبىلسىن، قالاي بولارىن. ايتكەنمەن، قالايدا "وتليچنو" تاپسىرۋعا كۇش سالىپ ءجۇرمىن.

ساباقتىڭ ءبارى ورىسشا، سونىڭ ءۇشىن دە بىزدەر (قازاقتار) ءۇشىن وتە قىيىپ. قازاقتار ءۇشىن عىلىم ەمەس، اۋەلى ءتىل ۇيرەنۋ كەرەك قوي.

ەڭ ءبىر قيىن ساباق – سپەسپودگوتوۆكا. سۋببوتا كۇنى 8 ساعات وقيمىز.

1. ينجەنەرنوە دەلو.

2. ۆوەننايا تيپوگرافيا.

3. بويەۆايا سترويەۆايا پودگوتوۆكا.

4. ۋستاۆى (كاراۋلن. گورنيزون. ي ت.د. ي ت.پ.).

5. زاششيتا پروتيۆ اتوم، ي ۆودورودن. بومب.

مىنە، وسى سياقتى. كىشى وفيسەر دەپ اتاق بەرەتىن بولسا كەرەك.

5-كۋرس ءبىتىپ، گوسەكزامەن بىتكەننەن سوڭ 4 اي سلۋجباعا جىبەرەدى، سودان كەلگەننەن سوڭ ديپلوم بەرەدى. جاتاقحانادا تۇرامىن. اۋىل امان-ساۋ، حات الىپ تۇرام. الماتىدا كازىر كۇن جىلى. ءالى قار جوق.

حوش، ساۋ بول! حات جاز.

مۇقا-عالي. 13/ءحىى. 1956-ج.

---