InfoHub Logo

بۇگىندە وقۋ ىزدەگەن جانعا ساپالى ءبىلىم الىپ، مىقتى مامان بولۋى ءۇشىن ەلىمىزدە بارلىق جاعداي جاسالعaن. ءتىپتى مۇحيت اسىپ تاجىريبە جيناقتايمىن دەگەن جاستارعا دا ەشقانداي بوگەت جوق. قازىرگى كۇننىڭ وزىندە تالاي جاستار شەتەلدىك جوعارعى وقۋ ورىندارىندا بىلىمدەرىن تولىقتىرىپ جاتقانى بەلگىلى. دەسە دە،بۇگىنگى جاستار شەت ەلدەردە وقۋعا نەگە قۇمارتادى؟ ستۋدەنت بولىپ بارىپ،سول جاقتا تۇراقتالىپ قالاتىن قازاقستاندىقتاردىڭ مۇنداي شەشىم قابىلداۋىنا نە سەبەپ؟

ورتا ءبىلىمدى ەندى عانا ءتامامداپ وزگە ەلگە اياق باسقان جاس ستۋدەنتتەردىڭ كوپ بولىگى اقش، كانادا، گەرمانيا سەكىلدى دامىعان مەملەكەتتەردى تاڭدايدى ەكەن. جالپى، مەكتەپ جاسىنان ەندى اسقان جاستاردىڭ شەتەلگە كەتۋىنە بىرنەشە سەبەپ بار.ەلىمىزدە ءبىلىمدى سەرىك ەتكەن كوپ جاستاردىڭ قازاقستانداعى جوعارعى وقۋ ورنىنىڭ ءبىلىم بەرۋ دەڭگەيى مەن جۇيەسىنە سەنگىسى جوق. بۇل تۋرالى مەملەكەت باسشىسى نۇرسۇلتان نازاربايەۆ «قازاقستاندىقتاردىڭ ءال-اۋقاتىنىڭ ءوسۋى:تابىس پەن تۇرمىس ساپاسىن ارتتىرۋ» اتتى جولداۋىندا جاستاردىڭ باسقا ەلدەردىڭ جوو-دا ءبىلىم الۋى تۋرالى ايتقان بولاتىن. پرەزيدەنت: «ماسەلەن،جاستار نەگە كورشى رەسەيگە وقۋعا تۇسۋگە كەتىپ جاتىر؟ جارايدى، سولتۇستىك وڭىرلەردىڭ جاعدايى بەلگىلى. ءبىراق،سوڭعى كەزدەرى تالدىقورعان،الماتى وبلىسىنىڭ جاستارى دا سول جاققا كەتە باستادى. نەگە سولاي؟»،-دەي كەلە: «بۇل حالىقتىڭ جوو-عا بەرگەن باعاسى.حالىق ءوزىمىزدىڭ جوعارعى وقۋ ورىندارىنا سەنبەيدى»،- دەپ،كەسىپ ايتقان بولاتىن.

جاستاردىڭ ءوزىمىزدىڭ جوعارعى وقۋ ورنىن تاڭدامايتىن تاعى ءبىر سەبەبى – ۇلتتىق ءبىرىڭعاي تەستىلەۋ. شەتەلدىك ۋنيۆەرسيتەتتەر ۇبت جاعىنان قاتتى تالاپ قويماعاندىقتان، بۇل سىناقتى تاپسىرعىسى كەلمەيتىن نەمەسە تاپسىرا الماعان جاستار ەۋروپا، رەسەيدەگى جوو-ىن تاڭداۋىنا مۇمكىندىگى بار. 

بۇگىنگى كۇنى مىڭداعان قازاقستاندىق ستۋدەنتتەر شەت مەملەكەتكە ءدارىس تىڭداپ،ءوز كوكجيەكتەرىن كەڭەيتىپ،ەلىمىزگە ءوز پايداسىن تيگىزىپ جاتقانى دا قانشاما.بۇلاي بولۋى دا زاڭدىلىق. ماسەلەن،وسىعان وراي «بولاشاق» باعدارلاماسى ءوز جۇمىسىن اتقارىپ كەلە جاتىر. شەتەلدە ءبىلىم الۋعا ىنتا-جىگەرى بار ستۋدەنت ءوزى قالاعان جوعارعى وقۋ ورنىنا  ورنالاستىرىلىپ، وقۋىن اياقتاعانشا ونى قاداعالاپ،سوسىن ەلگە قايتقان كۇندە جۇمىسپەن قامتۋ جاعدايىندا جاساپ قويعان. دەسە دە،شەتەلگە وقۋعا كەتىپ،كەرى ورالماي قالعان ازاماتتار دا جەتەرلىك. ءتىپتى،ءوز مەملەكەتىمىزدە ءبىلىم الىپ،ءتۇرلى سەبەپتەرمەن شەتەلگە قونىس اۋدارعانى دا بارشىلىق. «بولاشاق» باعدارلاماسىنىڭ تۇلەگى دارىن ماۋلەنوۆتىڭ baribar.kz سايتىنا بەرگەن سۇحباتىندا: «شەتەلدىك وقۋ ورنىن بىتىرگەن تۇلەك مەملەكەتتەن تولەنەتىن 100 مىڭ تەڭگەنى قاناعات تۇتپايدى.سول ءۇشىن جۇمىسسىز، بوس جۇرگەندەرى دە جەتەرلىك» دەلىنگەن. شىنىنا كەلسەك بۇل باعا تەك شەتەلدەن كەلگەن ستۋدەنتتەردى عانا ەمەس قاراپايىم حالىقتىڭ دا كوڭىلىنەن شىقپايتىن سەكىلدى. Finprom.kz پورتالىنىڭ دەرەگى بويىنشا ەلدەن كەتكەن: 

ەكونوميكا ماماندارى  - 3،6 مىڭ

بيزنەس سالاسىندا جۇرگەندەر – 2،8 مىڭ

مەديسينا ماماندارى – 1،8 مىڭ 

پەدوگوگيكا ماماندارى – 2،6 مىڭ .

قونىس اۋدارعان ءاربىر ەكىنشى ازاماتتىڭ جوعارعى ءبىلىمى بار. دەمەك،قونىس اۋدارعان ازاماتتاردىڭ باستى سەبەبى – تۇرمىس جاعدايى. جوعارىدا اتالىپ كەتكەن مامانداقتاردىڭ كوپ بولىگىنە جاعداي جاسالماعان،مەملەكەت تاراپىنان بەرىلەتىن جالاقى ماردىمسىز. سالىستىرمالى تۇردە الار بولساق ءبىزدىڭ ەلدە قارا جۇمىس سانالاتىن سانتەحنيك،ەلەكتريك ماماندارى شەت ەلدە وتە جوعارى دەڭگەيدە باعالانادى.                

ازاماتتارىمىزدىڭ شەتەلگە كوپتەپ كەتۋىنىڭ تاعى ءبىر سەبەبى، ءبىزدىڭ ەلدە ادىلەتتىلىك وتە تومەن. ەكونوميستتىڭ ورنىنا ءمۇعالىم،ءجۋرناليستتىڭ ورنىنا ءانشى جۇرەدى. ديپلومى قولىندا، ءبىراق، ءوز ماماندىعى بويىنشا جۇمىس تاپپاي، ساندالىپ جۇرگەندەرگە بۇل دا ءوز كەسىرىن تيگىزىپ وتىر. 

قاي ەل بولسا دا،قانداي جوعارعى وقۋ ورنى بولسا دا قازاق جاستارىنىڭ ءبىلىم كوكجيەگىن كەڭەيتىپ،باسەكەگە قابىلەتتى بولۋ ءۇشىن بار جاعداي جاسالعان. ايتقانداي –اق، سول ءۇشىن ءار ءتۇرلى باعدارلامالار دا جۇمىسىن جاساپ جاتىر.تەك، وزگە ەلگە كەتكەن قانداستارىمىز ەلىنە دەگەن پاتريوتتىق سەزىمىن جوعالتپاي،ەلى مەن جەرىنىڭ كوركەيۋىنە ءوز پايداسىن تيگىزسە دەيمىز. 

باكتىلى بەرەنيازوۆا

---