جاس قاناتى ەلىمنىڭ
ارىستانداي ايباتتى،
جولبارىستاي قايراتتى،
قىرانداي كۇشتى قاناتتى
مەن جاستارعا سەنەمىن!
ماعجان جۇمابايەۆ
وتكەن عاسىردىڭ جالىندى جىرشىسى، ۇلتىمىزدىڭ بولاشاعىن ويلاعان الاشتىڭ اسا تۋعان ارداقتىسى ماعجان اقىنىمىز جاستارعا دەگەن ۇكىلى ءۇمىتىن ءوزىنىڭ جىر شۋماقتارىمەن ورنەكتەسە، جاڭا عاسىر-عىلىم مەن تەحنيكانىڭ عاسىرى ەلباسىمىزدىڭ «ەلىمىزدىڭ بولاشاعى-جاستاردىڭ قولىندا» دەگەن ءسوزى ارقىلى جاستارعا دەگەن سەنىمدىلىكتىڭ جاڭا جۇگىن الا كەلدى.
قاي كەزەڭدە دە قوعامدى قۇرتاتىن دا، گۇلدەندىرەتىن دە جاستار. وعان تاريح كۋا. تاريحى سان عاسىردىڭ تەرەڭىنە بويلاعان «قازاق» دەپ اتالاتىن حالىقتىڭ ەل باستاعان كوسەمدەرى دە، ءسوز باستاعان شەشەندەرى دە، «ەرتەدەن شاپسا، كەشتە وزعان، ىلديدان شاپسا، توكسە وزعان» جۇيرىك اقىنداردى دا، ەردىڭ قۇنىن ەكى اۋىز سوزبەن شەشكەن دانا بيلەرى دە، قالىڭ جاۋدى جۋسانداي جاپىرعان باتىرلارى دا وسى جاستاردان شىعىپتى.... ازعانتاي عانا عۇمىرىندا جالىنداعان جاستىقتىڭ جالاۋىن جەلبىرەتكەن عالىم شوقاننىڭ، «الۋعا كۇندى بارىپ بەلدى بۋعان» اقىن سۇلتانماحمۇتتىڭ، قازاقتىڭ ۇلتتىق رۋحىن قالام ۇشىنا سىيعىزعان بىلگەن جازۋشى ساتتاردىڭ، ەل تاۋەلسىزدىگى ءۇشىن جانىن شۇبەرەككە تۇيگەن قايرات پەن ءلاززاتتىڭ وشپەيتىن ونەگەلى ءومىرى بۇگىنگى جاستارعا عانا ەمەس، بولاشاق ءۇشىن ۇلكەن ۇلگى بولارى ءسوزسىز.
جاستىق شاقتىڭ شىعارماس شىڭى، جەتكىزبەس قىرى جوق دەسەك تە بولادى. اقيىق اقىن مۇقاعالي دا جاستىقتى وزگەشە باعالاپ، ادام ءومىرىنىڭ وسى ءبىر ەرەكشە كەزەڭىن ولەڭمەن بىلايشا ورەنكتەگەن ەكەن:
جاستىق ماعان وت بەردى جالىندات دەپ،
جاستىق ماعان وق بەردى جاۋىڭدى ات دەپ.
جاستىق مەنىڭ جانىما جىر بايلادى.
جاستىق مەنى جالتارتپاي شىڭعا ايدادى،
جاستىق مەنى شىندادى، شىنىقتىردى،
جاستىق شىركىن ءومىردى شىن ۇقتىردى.
شىنىندا دا، جاستىق-بەرەرى، ۇيرەتەرى مول تاماشا كەزەڭ. مەكتەپتەردىڭ جاپپاي كومپيۋتەرلەنۋى، جاڭا وقۋ ورىندارىنىڭ اشۋىلۋى، ءتىپتى داعدارىس كەزىندە ءبىلىم العىسى كەلگەن جاستارعا تەگىن وقۋعا ەلباسىنىڭ جاعداي ءجاساۋى-بارى-بارى بۇگىنگى جاستار ءۇشىن ۇلكەن باقىت، ۇلكەن قۋانىش.
ەندەشە، ۇكىمەت پەن ەلباسى تاراپىنانا جاسالعان جاقسىلىقتارعا بىزدەردىڭ، جاستاردىڭ جاقسىلىقپەن قايتارىمى بولۋى كەرەك. ەل بولاشاعى-باسقا ەمەس، بىزدەر ەكەندىگىمىزدى ءاربىر جاس سەزىنە بىلسەك قانا، ەل ەرتەڭى ەرتەگىدەي بولار ەدى. عاسىردان عاسىرعا جىبەك جەلى بولىپ جالعاسىپ كەلە جاتقان بابالار اماناتىن ورىنداپ جالعاستىرۋ-جاستاردىڭ ەنشىسىنە تيگەن ارداقتى ءىس. ۇلى ۇستاز،اقىنداردىڭ اقىنى اباي اتامىز:
جاس جۇرەك جايىپ ساۋساعىن
تالپىنعان شىعار ايعا الىس، - دەگەندەي، مەن دە وزگە جالىندى جاستارداي وتانىما ادال قىزمەت ەتىپ، قازاقستان دەگەن ەلدى بۇكىل دۇنيە جۇزىنە تانىتىپ، دامىعان ەلۋ ەل قاتارىنا قوسىلۋ ءۇشىن بار كۇش-جىگەرىمدى ارنايمىن.ءاربىر جاس وركەن ءوز ەلىنىڭ ءتىلىن،تارحىن،ادەبيەتىن قاستەرلەپ، جاقسى وقىپ، شىنايى پاك جۇرەگىمەن ەلىنە ادال ەڭبەك ەتسە عانا ەل بولاشاعى جارقىن بولماق!
بويىنان شابىت، شاتتىق تارقاماعان،
جاستىققا بار سەنىمىن ارتادى ادام،
ورلەي بەر، زامانانىڭ كەرۋەنى،
ءۇمىت پەن باقىت جۇگىن ارقالاعان!
سامعات نارگيز
اتىراۋ مەملەكەتتىك ۋنيۆەرسيتەتى
جۋرناليستيكا 2-كۋرس
You Might Also Like
-
كەشە عانا سەنىڭ حاتىڭدى الىپ، بۇگىن (13/ءحىى.56-ج.) ساعان حات جازىپ وتىرمىن. الىس بولعاندىقتان با، حاتىڭ سمولەنسكى مەن الماتىنىڭ اراسىندا كوپ ۋاقىت ءجۇرىپتى. حاتىڭنان امان-ساۋلىعىڭدى ءبىلىپ، قۋانىپ قا...
