بولاشاقتىڭ ماماندىعى — نانوتەحنولوگيا
نانوتەحنولوگ — ماتەريالداردى مولەكۋليارلى جانە اتوم دەڭگەيىندە زەرتتەيتىن جانە نانو ولشەمگە يە كومپونەنتتەردەن وبەكتىلەر جاسايتىن عالىم، مامان. ول ءۇشىن اتومدار — جاڭا ماتەريال قۇراستىراتىن كىرپىشتەر.
ماماندىقتىڭ ەرەكشەلىكتەرى
نانوتەحنولوگتار ناقتى بەرىلگەن اتومداردىڭ قۇرىلىسى بار جاڭا ماتەريالدار ازىرلەيدى. مۇنداي ماتەريالداردى «جيناۋ» ءۇشىن جەكە مولەكۋلالارمەن جانە اتومدارمەن باقىلاناتىن مانيپۋلياسيالار — نانوتەحنولوگيا. ۇساق ەلەمەنتتەرمەن جۇمىس جوعارى اجىراتىلىمدى قۋاتتى ەلەكتروندى ميكروسكوپتىڭ ارقاسىندا جاسالۋى مۇمكىن. ماسەلەن، سكانەرلەۋشى اتوم ءۇشىن — كۇش ميكروسكوپى، راسترلى ەلەكتروندى ميكروسكوپ قاجەت. نانوتەحنولوگيالارعا سونىمەن بىرگە مولەكۋلا نەمەسە اتوم كولەمىندەگى ەلەمەنتتەرگە نەگىزدەلگەن ەلەكتروندى سىزبالاردى ازىرلەۋدى جانە جاساۋدى جاتقىزادى. مولەكۋلا كولەمىندەگى روبوتتاردى (نانوماشينالار، نانوروبوتتار) ازىرلەۋدى دە. جانە دە وسىنداي وبەكتىلەردى زەرتتەۋ ادىستەرىندە جاتقىزادى. وسىلايشا، نانوتەحنولوگيا — عىلىم (فۋندامەنتالدى جانە قولدانبالى) مەن تەحنيكانىڭ تۇيىسكەن جەرىندە ورنالاسقان سالا.
نەگە سوڭعى كەزدە بۇل باعىت وسىنشا وزەكتى بولدى؟ ويتكەنى نانوتەحنولوگيا — بۇل بۇگىندە ماتەرياعا بارىنشا تەرەڭ جانە باعىتتى ارالاسۋ. بۇل ناقتىلىقتىڭ ساپالى جاڭا دەڭگەيى. نانوماتەريالدار جاساۋ قاعيداسى (جەكە اتومداردى مانيپۋلياسيالاۋ) ءداستۇرلى ادىسپەن قول جەتكىزۋگە مۇمكىن ەمەس قاسيەتتەرگە قول جەتكىزۋگە مۇمكىندىك بەرەدى. سەبەبى ءداستۇرلى ءادىس (حيميالىق رەاكسيالاردى جۇرگىزۋ) – بۇل ميللياردتاعان اتومداردان تۇراتىن زاتتىڭ بولىگىمەن جۇمىس.
ماماندىقتىڭ بولاشاعى
نانوتەحنولوگتار ادامزاتتى اشتىق پەن اۋرۋدان قۇتقارادى دەگەن پايىم شىندىققا جاقىن سياقتى. مىسالى، عالىمدار ءدارىنىڭ ۇلكەن مولشەرىن تىكەلەي راك جاسۋشالارىنا جەتكىزەتىن نانوپوليمەردىڭ كومەگىمەن ىسىكتى ەمدەۋدىڭ ادىستەرىن ازىرلەدى. بۇل ءادىستىڭ جاعىمسىز اسەرلەرى ءداستۇرلى حيميوتەراپياعا قاراعاندا ازىراق. عالىمدار اعزا جاسۋشالارىن قالىپقا كەلتىرۋدىڭ ادىستەرىن ازىرلەدى (نانوپلاستىر).
ەندى نانوتەحنولوگيا — بۇل بيزنەس پەن باسكەلەستىك ءۇشىن جاڭا مۇمكىندىكتەر ەكەنى ايقىن. بۇگىن دە بۇل سالا قارىشتاپ دامۋدا. ەۋروپالىق ساراپشىلاردىڭ پىكىرى بويىنشا بۇل سالادا جاقىن ارادا 2 000 000 مامان جۇمىس ىستەيتىن بولادى.
You Might Also Like
-
افريكا — ىستىق قۇمدى ءشولدى، تىعىز ورماندى، شەكسىز جاسىل جازىقتىقتى ۇلكەن قۇرلىق. افريكانىڭ ءار جەرىندە ادامدار ءار ءتۇرلى ءومىر سۇرەدى. كەيبىر جەرلەرىندە پاتشالىقتار باسقارعان. باتىس افريكادا ورن...
-
جاستار اراسىندا سالاۋاتتى ءومىر سالتىن قالىپتاستىرۋ — قازىرگى ۋاقىتتاعى ەڭ وزەكتى ماسەلەلەردىڭ ءبىرى بولىپ وتىر. ادامنىڭ ءوز دەنساۋلىعىنا كوزقاراسىن وزگەرتۋى، ەڭ الدىمەن، تاربيەلىك ماسەلە. دۇرىس...
