بيىل ەلىمىزدە 5 مىڭ ستۋدەنتكە جاتاقحانا بەرىلەدى
بيىل 5 مىڭ جاتاقحانا ورنى پايدالانۋعا بەرىلەتىن بولادى. بۇل تۋرالى بۇگىن ۇكىمەتتىڭ سەلەكتورلىق رەجىمدەگى وتىرىسىندا ق ر ءبىلىم جانە عىلىم ءمينيسترى ەرلان ساعادييەۆ ايتتى.
ءمينيستردىڭ ايتۋىنشا، جاتاقحانالاردا جاڭا ورىنداردى پايدالانۋعا بەرۋ جۇمىستارى جالعاسۋدا.
«وسى 2019 جىلى 5 مىڭ ورىندى پايدالانۋعا بەرۋدى جوسپارلاپ وتىرمىز. قازىرگى ۋاقىتتا، 3 جارىم اي ىشىندە بىزگە 11 مىڭنان استام ورىنعا 20 ءوتىنىش كەلىپ ءتۇستى. 6 مىڭ 500 ورىنعا 12 شارت جاسالدى. ولاردىڭ كوبى سالىنا باستادى. قازىرگى ەسەپ بويىنشا 5 مىڭ ورىن تولىعىمەن بيىلعى جىلى بەرىلەدى. سونىمەن قاتار، وسى ايدىڭ سوڭىنا دەيىن 4 مىڭ التى ءجۇز ورىنعا تاعى 8 شارت جاساۋ جوسپارلانۋدا. ول كەلەسى جىلى بەرىلەتىن جوبالار»، - دەدى ەرلان ساعادييەۆ.
ونىڭ ايتۋىنشا، جوبا ىسكە اسقاننان باستاپ ءبىلىم بەرۋ ۇيىمدارى ءوز قاراجاتى ەسەبىنەن 3 مىڭعا جۋىق ورىندىق 10 جاتاقحانانى وزدەرى سالىپ پايدالانۋعا بەردى. ولار: الماتى، شىمكەنت، اتىراۋ، قاراعاندى، شىعىس قازاقستان جانە تۇركىستان وبلىستارى.
«جالپى، 2022 جىلدىڭ سوڭىنا دەيىن 75 مىڭ جاڭا ورىندى پايدالانۋعا بەرۋ ءۇشىن بارلىق جاعداي جاسالعان. 170 جەر ۋچاسكەسى انىقتالعان. ولاردىڭ 121ء-ى ءبىلىم بەرۋ ۇيىمدارىنا تيەسىلى، 49-ىن اكىمدىكتەر بولگەن. 27 ۇيىم جوبالىق-سمەتالىق قۇجاتتاما ازىرلەدى، 62ء-سى ازىرلەنىپ جاتىر. ءبىز ازىرلەنگەن جانە ۇلگىلىك جسق بانكىن قۇردىق، ونى جوبانىڭ جاڭا قاتىسۋشىلارى پايدالانا الادى»، - دەدى ەرلان ساعادييەۆ.
مينيستر دەرەگىنشە، 107 جوبا بويىنشا قارجىلاندىرۋ كوزدەرى انىقتالدى. 50 جوبانى جوعارعى وقۋ ورىندارى مەن بانكتەردىڭ قاراجاتى ەسەبىنەن، 57 جوبانى ينۆەستورلاردىڭ قاراجاتى ەسەبىنەن ىسكە اسىرۋ جوسپارلانىپ وتىر.
You Might Also Like
-
ءسىز وسى سوڭعى كۇندەرى كەشىپ جۇرگەن ومىرىڭىزدە "ءولىم" جايىندا ويلانىپ كوردىڭىز بە؟
