InfoHub Logo

2012 جىلدان بەرى العاش رەت قازاقستاندا جاستار جۇمىسسىزدىعىنىڭ دەڭگەيى تومەندەدى. بۇل تۋرالى بۇگىن استانادا ق ر مەملەكەتتىك حاتشىسى گۇلشارا ءابدىقالىقوۆانىڭ قاتىسۋىمەن وتكەن كاسىپتىك-تەحنيكالىق ءبىلىم بەرۋ ماسەلەسىنە ارنالعان كەڭەستە ق ر دەنساۋلىق ساقتاۋ جانە الەۋمەتتىك دامۋ ۆيسە-مينيسترى ءبىرجان نۇرىمبەتوۆ ءمالىم ەتتى.

«بۇگىندە ءبىز ەڭبەك نارىعى اياسىندا ءتۇرلى بولجامدار مەن تالداۋلار جۇرگىزۋدەمىز. بۇل تۇرعىدا بولاشاقتا ەلىمىزدىڭ كاسىپورىندارى مەن ۇيىمدارى كاسىپتىك-تەحنيكالىق ءبىلىمنىڭ كادرلارىندا قاجەتتىلىكتى سەزىنەتىندىگى بايقالۋدا. ماسەلەن، اعىمداعى بولجامعا سۇيەنسەك، قاجەتتىلىكتىڭ 73 پايىزعا جۋىعى قايتا وڭدەۋ ونەركاسىبى سالاسىندا، ياعني تاعام جانە توقىما ونەركاسىبىندە، سونداي-اق قۇرىلىسپەن اۋىل شارۋاشىلىعى باعىتتارىندا بولماق»، - دەپ توقتالدى ۆيسە-مينيستر.

ونىڭ سوزىنە قاراعاندا، جىل سايىن ەڭبەك نارىعىنا 200 مىڭنان استام جاستار، مەكتەپ تۇلەكتەرى، ورتا-ارنايى جانە جوعارى ءبىلىم ۇيىمدارىنىڭ تۇلەكتەرى باعىتالادى. ارينە، مەكتەپتى ءتامامداعان جاستاردىڭ كوبىسى كوللەدجدەر مەن جوو-لارعا تۇسەتىنى تۇسىنىكتى.

«كوللەدجدەر مەن جوو تۇلەكتەرىنىڭ اراسىندا باسىم بولىگى جۇمىسقا تۇرادى. الايدا جىل سايىن 70 مىڭعا جۋىق جاس تۇلەك جۇمىسسىز قالىپ، وزدەرىنە لايىقتى قىزمەت تابا المايدى»، - دەدى نۇرىمبەتوۆ.

ونىڭ ايتۋىنشا، دەگەنمەن دە بۇگىندە جالپى العاندا بۇل باعىتتاعى ءۇردىس وڭتايلى كورسەتكىشتى بايقاتۋدا. 2012 جىلدان بەرى العاش رەت قازاقستاندا جاستار جۇمىسسىزدىعىنىڭ دەڭگەيى جالپى جۇمىسسىزدىق دەڭگەيىنەن تومەن بولىپ وتىر.

«وسى ءتورت جىلدا جاستاردىڭ جۇمىسپەن قامتىلۋى 120 مىڭ ادامعا ءوستى. بۇل ءوز كەزەگىندە وتە قارقىندى وزگەرىپ وتىرعان كورسەتكىش. ەلدە جۇمىسپەن قامتىلعان ادامداردىڭ 2،3 ميلليونىن جاستار قۇراپ وتىر. ەلىمىزدە جالپى جۇمىسسىزدىق دەڭگەيى 5 پايىزدى قۇراپ وتىر، ال بۇگىندە جاستار جۇمىسسىزدىعى 4،5 پايىز دەڭگەيىندە»، - دەدى ۆيسە-مينيستر.

اۆتور: رۋسلان عابباسوۆ