ەلىمىزدە 117 مەكتەپتە ءۇش ءتىلدى وقىتۋ جۇيەسى ەنگىزىلدى
قازاقستاننىڭ 117 مەكتەبىندە ءۇش ءتىلدى وقىتۋ جۇيەسى ەنگىزىلدى. بۇل تۋرالى بۇگىن ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا ق ر بعم ۆيسە-مينيسترى تاقير بالىقبايەۆ ءمالىم ەتتى.
«باستاپقىدا ىلكى جوبا رەتىندە ءۇش ءتىلدى وقىتۋ 33 مەكتەپكە ەنگىزىلگەن بولاتىن. بۇگىندە 117 مەكتەپتە وقۋشىلاردى ءۇش تىلدە وقىتۋ جۇيەسى بار. بۇل شامامەن 63 مىڭ وقۋشى»، - دەپ اتاپ ءوتتى ول. - ارينە، بۇل مەكتەپتەردە قازاق، ورىس جانە اعىلشىن تىلدەرى تەرەڭ وقىتىلادى. سونىمەن قاتار جاراتىلىستانۋ عىلىمدارىنىڭ ءبىرقاتار پاندەرى اعىلشىن تىلىندە بەرىلەدى».
ونىڭ ايتۋىنشا، بۇگىندە 42 جوعارى وقۋ ورنىندا تەك اعىلشىن تىلىندە وقىتاتىن بولىمدەر بار.
«قازىرگى ۋاقىتتا 7 900-دەن استام ادام ءۇش ءتىلدى ءبىلىم الىپ شىقتى. سونىمەن بىرگە قازاق، ورىس، اعىلشىن تىلدەرىن جەتىك مەڭگەرگەن پروفەسسورلىق-وقىتۋشىلىق قۇرام جاساقتالعان»، - دەپ ءتۇيدى ءسوزىن ت.بالىقبايەۆ.
مينيسترلىكتىڭ مالىمدەۋىنشە، 2015 جىلدىڭ قاراشا ايىندا قازاقستاندا ءۇش ءتىلدى ءبىلىم بەرۋ جۇيەسىن دامىتۋدىڭ 2015-2020 جىلدارعا ارنالعان جول كارتاسى قابىلداندى.
inform.kz
You Might Also Like
-
2018 جىلدان باستاپ بارلىق مەكتەپتەردە «قازاقستان تاريحى» ءپانى قازاق تىلىندە وقىتىلادى. بۇل تۋرالى بۇگىن ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا ق ر بعم ۆيسە-م...
-
زاماناۋي سوعىستاردا تانكىنىڭ ءرولى، ماڭىزدىلىعى قانداي بولسا، ەسكى زامان سوعىستارىندا دا سونداي ءرولدى پىلدەر اتقارعان. ارنايى جەتىلدىرىلگەن سوعىس پىلدەرى جەڭىسكە جەتۋدىڭ نەگىزگى قوزعاۋشى كۇشتەرى بو...
