اكە - اسقار تاۋ
سەمەي قالاسى «№44 جوببم» كمم
5 «گ» سىنىپ وقۋشىسى ماگريپوۆ ازامات
جەتەكشىسى: اتيمانوۆا نۋرگۋل مينياحمەتوۆنا
ءسىزسىز اكە - ەڭ اقىلدى، ەڭ شىنشىل،
ءسىزسىز اكە - ەڭ جاقىنىم، ەڭ سىرشىل.
شۋاق شاشقان قاشاندا اسىل جۇرەگىڭ،
جانىمداسىڭ، قامقورىمسىڭ بىلەمىن.
قابىل العىن بالا – جۇرەك تىلەگىن.
ءار وتباسىندا اكەنىڭ ورنى ەرەكشە. اكە - وتباسىنىڭ اسىراۋشىسى، وتباسى مۇشەلەرىنىڭ تىرەگى، قامقورشىسى. اكەنىڭ مىنەز - قۇلقى، وزگەلەرمەن قارىم - قاتىناسى، ونەرى مەن ءبىلىمى وزىمە ۇلگى، ونەگە الاتىن، وعان قاراپ وسەتىن نىسانام. وتباسىنىڭ بەرەكە، ىنتىماعى ءۇشىن اكەمنىڭ ءادىل، ۇستامدى بولۋى مەن ءۇشىن وراسان ماڭىزعا يە. وتباسىمىزدىڭ ۇيىتقىسى، بەرەكەسى، مەيىر - شاپاعات كوزى – مەنىڭ اكەم.
اكەم مەنىڭ اسقار تاۋىم، تىرەگىم،
بارىنەن دە سەن قىمباتسىڭ بىلەمىن.
قانات قاعىپ كەتسەم الىس قياعا،
سەن دەپ سوعار جۇدىرىقتاي جۇرەگىم.
«اكە - اسقار تاۋ، انا قاينار بۇلاق، بالا جاعاسىنداعى قۇراق» دەگەندەي «اكە» دەگەن ءسوز قانداي جاقىن، قانداي ىستىق دەسەڭشى!. ومىردە اكەسىن جاقسى كورمەيتىن بالا جوق شىعار، ويتكەنى ءبىز ءۇشىن اكەنىڭ ورنى بولەك قوي. مەنىڭ ومىردەگى قىمبات، ەڭ قىمبات ادامىم ول - مەنىڭ سۇيىكتى اكەشىم. اكەم مەنىڭ كىشكەنتايدان اقىلشىم، قامقورشىم. مەن سىزدەن كوپ تاربيە الدىم.
«اكەڭ باردا ورىندالار ارمانىڭ» دەگەندەي، ومىردەگى كەرەگىڭدى الدىمەن ءبىر اللا، ەكىنشى اكەڭ بەرەرى انىق. بۇل دۇنيەدە الۋان ءتۇرلى تاعدىر بار. سول تاعدىردىڭ باستى سەبەپكەرى - ءبىز سياقتى بالالار. الايدا ءومىردىڭ ەسىگىن كوزى تىرناپ اشا سالىسىمەن اكەنىڭ «بالام، بوتام» دەگەن ەركەلەتەر ءسوزىن ەستىمەي جەتىم نەمەسە تاستاندى بالا بولىپ دۇنيەگە كەلىپ جاتقان سابيلەر دە بار. ءسابي كوڭىل اكەسى ءتىپتى ول ويلاعانداي جاقسى ادام بولماسادا، «شىركىن، مەنىڭ اكەم بولسا قانداي جاقسى بولار ەدى!» دەپ ارماندايدى. وسىنداي بالالاردى كورگەنىمدە ءوزىمنىڭ انام دا، اكەم دە بار ەكەنىنە ءوزىمدى باقىتتى سانايمىن. سول باقىتىمدى ەشقاشان ايىرماسا ەكەن دەيمىن. تاماعىمنىڭ توقتىعى، كيىمىمنىڭ بۇتىندىگى، وقۋىمنىڭ ساپاسى، ۇيقىمىزدىڭ تىنىشتىعى - وسىنىڭ ءبارى دە اسقار تاۋداي ايباتتى اكەلەردىڭ ارقاسى. ەندەشە بار بالانىڭ باقىتىنا ءبىر اللادان كەيىنگى پاناسى «اكەلەر» امان بولسا ەكەن دەيمىن.
ارداقتى جان ومىردە اكە دەگەن.
باقىتتىمىن ومىردە اكەم باردا،
سول باستاۋشىم - بيىككە جەتەلەگەن.
اسقار تاۋىم امان ءجۇر، اياۋلى اكەم،
جاقسى ونەگە بەردىڭىز ماقتان ەتەم.
كىپ-كىشكەنتاي جۇرەگىم سەندىرەدى،
مەن ءوزىڭدى، اكەتاي، باقىتتى ەتەم!
You Might Also Like
-
ءوزىڭىز وڭاي-اق ازىرلەي الاتىن تاعامدارعا ۇلكەن سومادا قاراجات جۇمساۋ مۇلدە قاجەت ەمەس. ەگەر ءسىز تاماق ازىرلەگەندى ۇناتاتىن بولساڭىز، وندا ءبىز جيناقتاعان مەيرامحانا تاعامدارىنىڭ ءۇي رەسەپتتەرى توپتام...
-
جۇڭگو ەلىنىڭ عالىمدارى ميكروتيامەن، ياعني قۇلاعى تۋمىسىنان جوق نەمەسە دامۋى جەتىلمەگەن بەس بالاعا قۇلاق «ءوسىرىپ» بەردى.
