InfoHub Logo

سەمەي قالاسى «№44 جوببم» كمم
5 «گ» سىنىپ وقۋشىسى تۋگەلوۆا اينۇر
جەتەكشىسى: اتيمانوۆا نۋرگۋل مينياحمەتوۆنا

تابيعاتتىڭ ءاربىر ماۋسىمى ەرەكشە. ءار ماۋسىمنىڭ وزىنە ءتان قىزىعى مەن سەرۋەنى بار. سونىڭ ىشىندە قىس مەزگىلى دە وزىندىك كىرشىكسىز اپپاق قارىمەن، قاھارلى مىنەزىمەن، سىقىرلاعان ايازىمەن ەرەكشە. بۇل مەزگىلدە ادامدار تابيعاتتىڭ قۇپياسىن، ەرەكشە ءبىر ۇمىتىلماس ساتتەرىن تاماشالايدى. اينالا اپپاق قار.  بالالار دالادا شانامەن سىرعاناپ، كونكي تەۋىپ، اققالا جاساپ كەيبىرەۋلەرى مۇزعا شاڭعىمەن سىرعاناپ، ويناپ ءجۇر. اركىم بۇل مەزگىلدى اسىعا كۇتەتىنى راس. ءبىرى شانالارىن ارقالاپ، بيىك جوتالارعا، ءبىرى تاۋلى قىراتتارعا بەت تۇزەيدى. دالادا  قولدان سىرعاناق جاسايتىن قىزىقتى كەزدەردە ءوز الدىنا ءبىر بولەك اڭگىمە. قولدارىنا شانا سۇيرەگەن بالالار، جۇزدەرى كۇلكىگە تولى ادامدار بارلىعى بەينە ءبىر قىستىڭ سۋىعىن ەمەس، ونىڭ جىلى نۇرىن، ىستىق تارتار ساۋلەسىن تاۋىپ العانداي قۋانادى. دالانىڭ تابيعاتى تىپ-تىنىش قالپىنان، ماۋجىراعان كۇيىنەن سەرپىلە تۇسكەندەي كۇيدە. قىس مەزگىلىن تاعى دا اسىعا كۇتۋىمىزدىڭ ءبىر سەبەبى - جاڭا جىل. بۇل مەيرامدى ءبىز ەرەكشە كۇتەمىز. بىزدەر اپپاق قاردان اققالا جاساپ، شىرشا بەزەندىرىپ، اياز اتا مەن اقشا قاردى كورۋگە اسىعامىز. بارلىعىمىز اق تىلەكتەرىمىزدى  ءبىلدىرىپ، سىيلىقتارالامىز. قىلىشىن سۇيرەتىپ جەتكەن قاھارلى قىستىڭ بىزگە بەرەر قىزىعى مەن قۋانىشى كوپ. قىس مەزگىلى ەستەن كەتپەس وقيعالارىمەن، قىزىعىمەن تولى دەۋگە بولادى. قىستىڭ عاجايىپ ۇمىتىلماس شاقتارى ادام جانىنا شۋاعىن شاشىپ، نۇرىن توگە تۇسكەندەي، كوتەرىڭكى كوڭىل-كۇي سىيلايدى. قىستىڭ قىزىعى وتە مول. يت جىلى قۇت اكەلسىن! جەر بەتىندەگى بارلىق جاندارعا تەك قانا جاقسىلىق تىلەيمىن!

---