جۇڭگو عالىمدارى ادامنىڭ قۇلاعىن قالپىنا كەلتىرۋدىڭ تىڭ ءادىسىن ويلاپ تاپتى
جۇڭگو ەلىنىڭ عالىمدارى ميكروتيامەن، ياعني قۇلاعى تۋمىسىنان جوق نەمەسە دامۋى جەتىلمەگەن بەس بالاعا قۇلاق «ءوسىرىپ» بەردى.
ورگاننىڭ ءاربىرى پاسيەنتتەردىڭ ءوز جاسۋشالارىنان الىنعان. قۇلاقتىڭ قاجەتتى ءپىشىنىن ماماندار 3D-پرينتەر تەحنولوگيالارى ارقىلى جاساعان.
ستاتيستيكا بويىنشا، الەمدەگى بەس مىڭ بالانىڭ بىرەۋى ميكروتيامەن ومىرگە كەلەدى ەكەن. ادەتتە، ونداي ءسابيدىڭ قۇلاعىنىڭ ورنىنا – كىشكەنتاي تومپاق ىسىك ءوسىپ شىعادى. كوپ جاعدايدا ول قاتارداعى بالالاردىڭ ەستۋ قابىلەتى ناشار كەلەدى. بۇرىن ميكروتيا پلاستيكالىق حيرۋرگيانىڭ كومەگىمەن ەڭسەرىلىپ جۇرگەن. ناقتىرا ايتقاندا قۇلاق جاساندى ماتەريالداردان نەمەسە قابىرعانىڭ شەمىرشەكتى بولىگىنەن جاسالىپ، باسقا جالعانعان.
ءبىراق، جاقىندا اتالعان وتالار جاڭا تەحنولوگيالار بويىنشا جاسالا باستايدى دەگەن سەنىم بار. سەبەبى، جۇڭگو عالىمدارىنىڭ ەستۋ ورگانىن پاسيەنتتىڭ ءوز جاسۋشالارى ارقىلى جاساۋ بويىنشا تاجىريبەلەرى ءساتتى وتكەن. ول ءۇشىن قۇلاقتىڭ زاقىمدالعان ميكروتياسىنان نەگىزگى جاسۋشالىق شەمىرشەكتى ءتىندى (تكان) – حوندروسيتتەردى ءبولىپ الىنعان. بۇدان كەيىن ولاردىڭ ورنىن ارنايى بيوبولشەكتەنەتىن قاڭقامەن تولتىرىپ، جالعانعان قۇلاق ءۇش اي بويى وسىرىلگەن. جاڭا شەمىرشەكتى ءتيىستى قالىپقا كەلتىرۋ ءۇشىن ماماندار كت-سكانەرلەۋ مەن 3D-پرينتەردە باسىلعان پاسيەنتتەردىڭ ساۋ قۇلاعىنىڭ مودەلىن قولدانعان.
«3D-پرينتەر – بۇل جاي عانا جاسۋشالاردى كەلتىرۋ ءادىسى. ونىڭ ەڭ باستى جەتىستىگى – ءبىرشاما جاسۋشالاردىڭ ءتىندى قالىپتاستىرا الاتىنداي جاعدايعا جەتكىزىلۋى. بۇعان قوسا تىنگە اينالىپ شىعا كەلەتىن ءىزباسار-جاسۋشالاردى ەنگىزە ءبىلۋ كەرەك. ءبىراق، بۇل جاسۋشالار الدىمەن ءبولىنىپ الىنۋى ءتيىس. بۇل جەردە وقپاندى جاسۋشالار سالاسىنداعى جەتىستىكتەردىڭ ماڭىزى ەرەكشە»، - دەيدى ا.ن. بەلوزەرسكيي اتىنداعى ماسكەۋ مەملەكەتتىك ۋنيۆەرسيتەتىنىڭ فيزيكا-حيميا مەن بيولوگيا باعىتىنداعى عزي عىلىمي قىزمەتكەرى الەكسەي نەستەرەنكو.
دەرەككوزى: russian.rt.com
You Might Also Like
-
سەمەي قالاسى «№44 جوببم» كمم 5 «گ» سىنىپ وقۋشىسى ماگريپوۆ ازامات جەتەكشىسى: اتيمانوۆا نۋرگۋل مينياحمەتوۆنا
-
"وزەكتى ءجاڭالىق-وز ۋاقىتىندا" دەمەكشى، بۇگىنگى جاعا ۇستاتارلىق جاڭالىقتان سوڭ ءمان بەرمەي ءوتۋ مۇمكىن ەمەس بولدى. جاسىراتىنى جوق، وسى وقيعا ءوزىمنىڭ دە باسىمنان وتكەن. شاكير حاxازوۆ مىرزانىڭ...
