InfoHub Logo

ءوزىڭىز وڭاي-اق ازىرلەي الاتىن تاعامدارعا ۇلكەن سومادا قاراجات جۇمساۋ مۇلدە قاجەت ەمەس. ەگەر ءسىز تاماق ازىرلەگەندى ۇناتاتىن بولساڭىز، وندا ءبىز جيناقتاعان مەيرامحانا تاعامدارىنىڭ ءۇي رەسەپتتەرى توپتاماسى سىزگە دە ۇنايتىن بولار.

ءسىز ۇيدە وڭاي-اق ازىرلەي الاتىن تاعامدارعا كەي كەزدە اقىلعا سىيمايتىن قاراجات جۇمساۋ مۇلدە قاجەت ەمەس. سونىمەن قاتار، ءوز جاقىندارىڭىزدى قۋانتۋدىڭ ەڭ ۇزدىك تاسىلدەرىنىڭ ءبىرى – وسى ۇزدىك تاعامداردىڭ ءبىرىن ءوزىڭىزدىڭ ازىرلەۋىڭىز.

ەگەر ءسىز تاماق ازىرلەگەندى ۇناتاتىن بولساڭىز، وندا ءبىز جيناقتاعان مەيرامحانا تاعامدارىنىڭ ءۇي رەسەپتتەرى توپتاماسى سىزگە ۇنايتىن شىعار.

1. كاپرەزە

سىزگە قاجەت:
قىزاناق — 800 گ
موسارەللا — 350 گ
بالعىن ناسىبايگۇل — 8-10 جاپىراقشاسى
ءزايتۇن مايى — ارالاستىرۋ ءۇشىن
تۇز، بۇرىش — دامىنە قاراي

1. قىزاناقتاردى جۇقا ەتىپ دوڭگەلەكتەپ تۋراپ، موسارەللا تىلىمدەرىمەن كەزەكتەستىرە وتىرىپ تارەلكەگە سالىڭىز.

2. سالاتقا ءزايتۇن مايىن قۇيىپ، تۇز بەن بۇرىش قوسىڭىز.

3. بەتىن ناسىبايگۇل جاپىراقشالارىمەن بەزەندىرىپ، سالاتتى داستارحانعا قويىڭىز.

 

2. «ماكارون» پەچەنەسى

سىزگە قاجەت:

بادام ۇنى — 2/3 ستاقان
قانت — 5 اس ق.
ۆانيل سىعىندىسى — 1 اس ق.
قانت ۇنتاعى — 1،5 ستاقان
جۇمىرتقانىڭ اعى — 3 دانا
سارى ماي — 7 اس ق.
ءسۇت  — 3،5 اس ق.
ۆانيل سىعىندىسى — 1 ءشاي ق.
جۇمىرتقانىڭ سارىسى — 2 دانا
قانت نەمەسە قانت ۇنتاعى — 1/4 ستاقان

1. دۋحوۆكانى 120 ºC-قا دەيىن قىزدىرۋعا قويىڭىز، ونىڭ پىسىرەتىن قالىبىنىڭ ىشىنە پىسىرۋگە ارنالعان قاعازدى توسەڭىز.

2. تاباققا قانت ۇنتاعى مەن بادام ۇنىن ارالاستىرىپ، الىنعان قوسپانى ەلەۋىشتەن وتكىزىڭىز.

3. جۇمىرتقانىڭ اعىن ءبولىپ الىپ، ونى جەكە تاباققا ارالاستىرعىشپەن شايقاڭىز دا وعان قانت پەن ۆانيل سىعىندىسىن قوسىپ، قانت ەرىگەنشە شايقاۋدى جالعاستىرىڭىز.

4. ەكى قوسپانى بىرىكتىرىپ، بىركەلكى قوسپا پايدا بولعانشا ارالاستىرىڭىز. دايىن قامىردى كونديتەرلىك قالتاعا سالىپ، پىسكەندە ماكارون پىشىندە بولاتىن كىشىگىرىم دوڭگەلەكتەردى تاباققا سىعىپ شىعارىڭىز. دۋحوۆكادا 15-20 مينۋت ءپىسىرىپ، سودان كەيىن سالقىنداتىڭىز.

5. ەندى اراسىنا سالاتىن سالىندىسىن ازىرلەڭىز. سارى مايدى بىركەلكى ەتىپ ەرىتىڭىز، جۇمىرتقانىڭ سارىسىن قانت نەمەسە قانت ۇنتاعىمەن ارالاستىرىپ شايقاڭىز، ءسۇت قوسىپ تاعى دا شايقاڭىز.

6. تومەن الاۋدا ءجۇمىرتقا-سۇت قوسپاسىن قويۋلانعانشا قىزدىرىڭىز، ال سودان كەيىن بولمە تەمپەراتۋراسىنا دەيىن سالقىنداتىپ سارى مايدى، ۆانيل سىعىندىسىن قوسىپ، بىركەلكى كرەم كونسيستەنسياسى (قويمالجىڭى) پايدا بولعانشا ارالاستىرىڭىز.

7. ماكارونداردىڭ ءبىر بولىگىنە سالىندىنى سالىپ، ەكىنشىسىن سوعان بىرىكتىرىڭىز دە داستارحانعا قويىڭىز.

3. ىرىمشىكتى تارەلكە

سىزگە قاجەت:

جاڭا ازىرلەنگەن ەشكى ءسۇتىنىڭ ىرىمشىگى — 150 گ
بري نەمەسە كامامبەر — 150 گ
سيىر سۇتىنەن ازىرلەنگەن جارتىلاي جۇمساق ىرىمشىك — 150 گ
قاتتى ىرىمشىك — 150 گ
كوك ىرىمشىك — 150 گ
ءجۇزىم — 2-3 شوق ءجۇزىم
گرەك جاڭعاعى — 100 گ
بادام — 100 گ
بال — دامىنە قاراي

1. ىرىمشىكتەردى كەسىپ، كىشىگىرىم اعاش تاقتايعا قويىڭىز. ىرىمشىكتى وتە كىشكەنتاي تىلىمدەرگە بولمەڭىز، ويتكەنى ءىرى ەتىپ كەسىلگەن ىرىمشىكتەر بالعىن كۇيىن ۇزاعىراق ساقتايدى.

2. ىرىمشىكتەردىڭ اراسىنا ءجۇزىم جيدەكتەرى مەن جاڭعاقتاردى ءبولىپ سالىڭىز. ادەمىلىك ءۇشىن گۇلشەتەن بۇتاقشاسى مەن چەرري قىزاناقتارىن قوسۋعا بولادى. ەگەر قالاساڭىز، ىرىمشىكتى تارەلكانى كىشىگىرىم ىدىسقا قۇيىلعان بالمەن بىرگە بەرىڭىز.

4. گرۋزين ءپحاليى

سىزگە قاجەت:

ساۋمالدىق جاپىراقتارى — 500 گ
تازارتىلعان گرەك جاڭعاقتارى — 120 گ
ورتاشا كولەمدى جۋا — 1 دانا
سارىمساق — 2-3 بولىك
بالعىن كۇنزە — 1 بۋما
انار تۇيىرشىكتەرى — بەزەندىرۋ ءۇشىن
حمەلي-سۋنەلي دامدەۋىش — 1 ءشاي ق.
اق شاراپ سىركە سۋى نەمەسە انار شىرىنى — 1 ءشاي ق.
تۇز، جاڭا ۇنتاقتالعان قارا بۇرىش — دامىنە قاراي

1. ساۋمالدىقتى جاقسىلاپ جۋىپ، قايناپ جاتقان سۋدا 5 مينۋتتاي ۇستاڭىز. ءسۇزىپ الىپ، سۋى سورعىعاننان كەيىن سىعىپ، بلەندەردە ۇنتاقتاڭىز.

2. بلەندەردە گرەك جاڭعاقتارىن، سارىمساقتى، ءتۇيىندى پياز بەن كوكونىستى ۇساقتاڭىز، دامدەۋىشتەر، تۇز بەن بۇرىش قوسىڭىز. ارالاستىرىپ، وسى قوسپاعا ۇنتاقتالعان ساۋمالدىقتى قوسىڭىز. سوسىن ازداپ شاراپ سىركە سۋىن قۇيىڭىز.

3. الىنعان قوسپادان ورتاشا كولەمدەگى دومالاق شارلار جاساڭىز. ءپحاليدى انار تۇيىرشىكتەرىن سەۋىپ جانە كۇنزە بۇتاقشاسىمەن بەزەندىرە وتىرىپ ۇسىنىڭىز.

5. ريباي-ستەيك

سىزگە قاجەت:

Cيىر ەتىنەن ستەيك — 300 گ
ءزايتۇن مايى — 3 اس ق.
دامدەۋىش پەن تۇزدىقتار — دامىنە قاراي

1. ستەيكتىڭ ەكى جاعىنا دا ءزايتۇن مايىن جاعىپ، تۇز بەن بۇرىش سەبىڭىز جانە قاجەتتى دامدەۋىشتەردى قوسىڭىز.

2. الدىن-الا قىزدىرىلعان گريل-تاباعا ەتتى سالىپ، ەكى جاعىن دا ءبىر مينۋتتان قۋىرىپ الىڭىز.

3. وتتى تومەندەتە وتىرىپ، ستەيكتىڭ ەكى جاعىن دا 7-10 مينۋتتان قۋىرىڭىز (ۋاقىت ءوزىڭىز قالاعان قۋىرۋ دارەجەسىنە بايلانىستى).

4. دايىن ستەيكتى تۇزدىقپەن، كوكونىس نەمەسە بالعىن كوك شوپتەرمەن بەزەندىرە وتىرىپ، ۇسىنىڭىز.

6. ارقانبالىقپەن جانە پاشوت-جۇمىرتقامەن توست

سىزگە قاجەت:

تۇزدالعان ارقانبالىق — 150 گ
سارى ماي — 50 گ
جۇمىرتقا — 4 دانا
ءبۇتىن دانەكتى ۇننان ازىرلەنگەن نان — 4 ءتىلىم
تۇز جانە بۇرىش ي پەرەس — دامىنەقاراي
بالعىن كوك ءشوپ — بەزەندىرۋ ءۇشىن

1. ناندى تابادا، دۋحوۆكادا نەمەسە توستەردە ازداپ كەپتىرىپ الىڭىز. وعان سارى ماي جاعىڭىز.

2. 4 پاشوت جۇمىرتقا ءپىسىرىڭىز.

3. ارقانبالىقتى جۇقا تىلىمدەرگە ءبولىپ، توستقا سالىڭىز، ال ۇستىنە پاشوت جۇمىرتقالاردى ورنالاستىرىڭىز.

4. بالعىن كوك شوپتەرمەن بەزەندىرە وتىرىپ ۇسىنىڭىز.

7. براۋندار

سىزگە قاجەت:

سارى ماي — 2 وراما
قارا شوكولاد — 250 گ
قوڭىر قانت ساحار — 1 ستاقان
ۇساق قانت — 1 ستاقان
جۇمىرتقا — 4 دانا
تۇز — 1/2 ءشاي ق.
ۆانيل سىعىندىسى — 2 ءشاي ق.
ۇن — 1 ستاقان
ۋاقتالعان گرەك جاڭعاقتارى — 1/2 ستاقان
بالمۇزداق — دامىنە قاراي
بالعىن جالبىز — دامىنە قاراي

1. دۋحوۆكانى 170 ºس-قا دەيىن قىزدىرىڭىز، پىسىرۋگە ارنالعان قالىپتى ازىرلەڭىز، ىشىنە قاعاز توسەپ، ماي جاعىڭىز.

2. تەگەشكە ماي مەن شوكولادتى (سۋ بۋىندا نەمەس قىسقا تولقىندى پەشتە ەرىتىلگەن) جانە قانتتى ارالاستىرىڭىز.

3. بولەك ىدىسقا جۇمىرتقانى، قانت پەن ۆانيل سىعىندىسىن سالىپ، ارالاستىرعىشپەن شايقاڭىز.

4. قوسپالاردى بىرىكتىرىپ، بىرتىندەپ ۇن مەن ۋاقتالعان جاڭعاقتاردى قوسا وتىرىپ تيىسىنشە ارالاستىرىڭىز. بىركەلكى قوسپا الىنۋى ءتيىس.

5. قامىردى قالىپقا قۇيىپ، 35-40 مينۋت ءپىسىرىڭىز. سالقىنداعاننان كەيىن قالاعان پىشىندەگى تىلىمدەرگە ءبولىڭىز.

6. براۋنداردى بالمۇزداق دومالاعى جانە جالبىز بۇتاقشاسىمەن بىرگە ۇسىنىڭىز.

8. كوكونىستەرمەن كومەشتەلگەن ارقانبالىق

سىزگە قاجەت:

بۇرشاققىندى ۇرمە بۇرشاق— 300 گ
قىزىل بۇرىش — 1 دانا
چەرري قىزاناقتارى — 15 دانا
ارقانبالىق (ستەيك) — 4 دانا 125-150 گ-نان
جارتى ليموننىڭ شىرىنى
تۇز، بۇرىش — دامىنە قاراي

1. دۋحوۆكانى170ºس-قا دەيىن قىزدىرىڭىز جانە پىسىرۋگە ارنالعان قالىپتى ازىرلەڭىز، وعان قاعاز توسەپ، بىرنەشە اس قاسىق سۋ سەبىڭىز. بۇرشاقتى قايناعان سۋعا 3-4 مينۋت بۋلاڭىز.

3. قالىپقا ارقانبالىقتى سالىپ، وعان ليمون شىرىنىن سەبىڭىز، تۇز، بۇرىش سەبىڭىز جانە قاجەتتى دامدەۋىشتەردى قوسىڭىز. ۇستىنە كوكونىستەردى سالىڭىز. قالىپتىڭ بەتىن پىسىرۋگە ارنالعان قاعازبەن جابىڭىز.

4. بالىق دايىن بولعانشا شامامەن 20 مينۋتتاي ءپىسىرىڭىز.

9. كلاسسيكالىق جۋلەن

سىزگە قاجەت:

ىرىمشىك — 50 گ
تاۋىق ەتى — 100 گ
شامپينون — 60 گ
ءسۇت — 200 مل
بيداي ۇنى — 15 گ
سۇيىق ماي — قۋىرۋ ءۇشىن
سارى ماي — 30 گ
جەبىرشوپ — 2 گ
سارىمساق  — 1 بولىگى
تۇز، بۇرىش — دامىنەقاراي

1. تاۋىق ەتىن جۇقا تىلكەمدەرگە، ساڭىراۋقۇلاقتى ۇساق بولىكتەرگە كەسىپ ءبولىڭىز، ال ىرىمشىكتى ءىرى ۇككىشتەن وتكىزىڭىز. سارىمساقتى ۇساقتاپ تۋراڭىز.

2. قىزدىرىلعان تاباعا سۇيىق ماي قۇيىپ، تاۋىق ەتىن بىر-ەكى مينۋت قۋىرىڭىز، سوسىن قالعان ينگرەديەنتتەرىن قوسىپ، بارلىعىن بەس مينۋتتاي قۋىرىڭىز. جەبىرشوپ، دامدەۋىشتەر مەن تۇزدىقتار قوسىڭىز. وتتان ءتۇسىرىڭىز.

3. تۇزدىق ازىرلەڭىز. قۇرعاق تابادا ۇندى سارعايعانشا قۋىرىپ، سۇيىق ماي قوسىڭىز، ءسۇت قۇيىڭىز، سوسىن تيىسىنشە ارالاستىرا وتىرىپ، تۇزدىق قايناۋعا اينالعاندا وتتان ءتۇسىرىڭىز.

4. جۋلەنگە ارنالعان كىشكەنتاي تەمىر وجاۋعا تاۋىق ەتى مەن كوكونىستەردى سالىپ، تۇزدىقتى قۇيىڭىز، ۇككىشتەن وتكىزىلگەن ىرىمشىكتى سەۋىپ، الدىن الا 200 ºس-قا دەيىن قىزدىرىلعان دۋحوۆكادا بەس مينۋتتاي ءپىسىرىڭىز.

10. "مارگاريتا" پيسساسى

سىزگە قاجەت:

پيسساعا ارنالعان قامىر — 500 گ
ناسىبايگۇل — 10 بۇتاقشا
تومات تۇزدىعى — 5-6 اس ق.
قىزاناق — 5 دانا
موسارەللا — 250 گ.
ءزايتۇن مايى — 2-3 اس ق.
ورەگانو — بىرنەشە شىمشىم

1. دۋحوۆككانى 180 ºس-قا دەيىن قىزدىرىپ، پىسىرۋگە ارنالعان قالىپتى مايلاڭىز.

2. قامىردى جايىپ، قالىپقا سالىڭىز. وعان ماي، تومات تۇزدىعىن جاعىڭىز، بەتىنە دوڭگەلەكتەي كەسىلگەن قىزاناقتاردى، سوسىن موسارەللانى، سودان كەيىن – ناسىبايگۇل جاپىراقتارىن سالىڭىز.

3. پيسسانى 15-20 مينۋت ءپىسىرىڭىز.

---