اكە وسيەتى
ءبىر جاس بالا كوشەدە شىلىم تارتىپ تۇرادى. بالانىڭ ءتارتىبىن كوڭىلى ۇناتپاعان ءبىر قاريا ۇرىسقىسى كەلىپ، بالاعا قاراي بۇرىلادى. شالدىڭ نە ءۇشىن بۇرىلعانىن بالا دا ءتۇسىنىپ قالادى. ءبىراق شىلىمىن تاستامايدى. ودان سايىن قۇمارتا سورىپ ءتۇتىنىن بۋداقتاتا تۇسەدى.
— بالام، نە ىستەپ تۇرسىڭ؟ — دەپ سۇراپتى قاريا بالادان بىردەن دۇرسە باس سالماي.
— اكەمنىڭ ايتقان وسيەتىن ورىنداپ تۇرمىن، اتا، — دەپتى بالا.
— اكەڭ نە ىستە دەپ ەدى ساعان؟
— اكەم «بالام، ولە-ولگەنشە ءتۇتىنىڭدى سوندىرمە. ءتۇتىنىڭدى ەل الىستان كورەتىن بولسىن» دەگەن ەدى، — دەپتى بالا.
شال بالانىڭ تاۋىپ ايتقان دالەلىنە كوڭىلى تولىپ، كۇلكىسى كەلىپ، ۇرسۋعا دارمەنى بولماي، بۇرىلىپ جۇرە بەرىپتى.
You Might Also Like
-
ءبىر جىگىت وزىمەن قاتتى قالجىڭداسىپ ويناپ-كۇلىپ جۇرگەن دوسىنىڭ ناۋقاستانىپ، اۋىر حالدە جاتقانىن ەستيدى. كوڭىلىن سۇرايىن دەپ كەلسە، دوسى وتە جۇدەپ قالىپتى. قالعان ۋاقىتىن ساناۋعا كىرىسكەنىن سەزەدى. د...
-
مەنىڭ ناعاشىلارىم شانشار ەلىنىڭ ادەت-عۇرپىن ەسكە الىپ، مىناداي ءبىر اڭگىمە ايتتى.
