InfoHub Logo

الاكول – الماتى مەن شىعىس-قازاقستان وبلىستارىنىڭ شەكاراسىندا ورنالاسقان تۇزدى سۋ قويماسى. بۇل كولدىڭ سۋى – ەجەلدەن بەرى ءوزىنىڭ ەمدىك قاسيەتتەرىمەن بەلگىلى. الاكولدى كول دەپ اتاۋ قيىن، سەبەبى، ونىڭ اۋماعى تەڭىز سياقتى ۇلكەن.

بىزگە دەيىن جەتكەن مالىمەتتەر بويىنشا، شىڭعىس حان، جارالانعان جاۋىنگەرلەرىن الاكولگە ەمدەلۋگە جىبەرىپ وتىرعان. ال، كەڭەس وداعى كەزىندە، عارىشكەرلەر وسى جەردە رادياسيادان تازارعان

قاراپ وتىرسام، ۇلكەن تۇلعالاردىڭ ءبارى وسى اۋىلدان شىققان. مەنىڭ دە اۋىلىم كىشكەنتاي بولعانىمەن، ءوز ەرەكشەلىگى بار. الاكول اۋدانىنىڭ اۋماعىندا ورنالاسقان، شاعىن اۋىل بولسا دا، ماعان سونداي - ىستىق. ەشبىر قالالارعا تەڭگەرمەيمىن. وزەنىندە بالىعى تايداي تۋلاعان، شۇرقىراپ جىلقى سۋعا قۇلاعان، قوزى – لاعى ماڭىراپ شۋلاتقان اۋىلدىڭ تىنىس تىرشىلىگىنىڭ ءوزى ءبىر عانيبەت ەمەس پە؟ جازدا بالالار الاكولگە ءتۇسىپ، بالىق اۋلاپ دەمالىستارىن قىزىقتى وتكىزەدى. اۋاسى قانداي! جۇتا بەرگىڭ كەلەدى، جۇتا بەرگىڭ. قىستا ەكى بەتىمىز الماداي قىزارىپ، ءبىر – بىرىمىزبەن قار اتىسىپ، سىرعاناق تەۋىپ مارە –سارە بولىپ قالامىز. قىس قىزىعىن تاۋىسىپ ايتا المايسىڭ عوي. قالادان بۇنىڭ ءبىرىن كورمەيسىڭ. سەبەبى، دەمالىسقا قالادان كەلگەن جيەنىمىز وسىنداي قىزىقتىڭ ءبارىن كورگەننەن كەيىن، كەتكىسى كەلمەي قالادى. كەلەسى جىلى تاعى اۋىلعا كەلەم،ەندى بارلىق دەمالىسىمدى اۋىلدا وتكىزەمىن دەپ كەتەدى. اۋىل مىنە وسىنداي. ادامدارى باۋىرمال، بىر-بىرىنە كومەككە دايىن تۇرادى. قانداي ءىستى باستاساڭ دا اۋىلدىڭ ادامدارى جابىلىپ، كومەكتەسىپ جىبەرەدى. جالعىز اتىن سويىپ، شاپان جاۋىپ جىبەرۋى دە اۋىل ادامدارىنا ءتان. بىزدە وسىلاي. مىنە، مەنىڭ اۋىلىم وسىنداي. وسىنداي اۋىلدا تۋىپ، ءوسىپ جاتقانىما قۋانامىن. ەرتەڭ وسكەندە اۋىلىمدى كوركەيتۋگە مەن دە ءوز ۇلەسىمدى قوسامىن.

اسحات قىزى اليا

الماتى وبلىسى الاكول اۋدانى بۇلاقتى ورتا مەكتەبىنىڭ 6 سىنىپ وقۋشىسى

---