الدانعان قاراقشى
ورازا كەزىندە قوجاناسىر ءبىر اۋىلدان قايىر-ساداقا جيناپتى. حالىقتىڭ نيەتى ءتۇزۋ ەكەن، ورازا بىتكەندە، قوجا ۇيىنە ءاميانى تولى اقشامەن قايتادى. ءبىراق جول ۇستىندە سالت اتتى قاراقشى توقتاتادى.
— ەي، قوجا! سەن كوپ اقشا جيناپ الدىڭ. مەنىمەن ءبولىس ساعان تىم كوپ، — دەيدى ايقايلاپ.
قوجاناسىر جىبەر دەپ ارى جالىنادى، بەرى جالىنادى، قاراقشى كاززاپ كونەر ەمەس. ءتىپتى وشارىلىپ اتىنان تۇسەدى. سول ۋاقتا قوجاناسىر ءبىر تاستى الىپ، ورامالىنا تەز وراي قويادى دا:
— باسقا تۇسسە، قايتەمىز، باسقا امالىم جوق، مىنە، اقشا. اقشادان دا ايىرىلعىم كەلمەيدى، ساعان دا ۇستاتقىم كەلمەيدى. مەن اقشانى انا ءشوپتىڭ ۇستىنە لاقتىرىپ تاستايمىن. سەن سول جەردەن ال، مەن سەنىڭ العانىڭدى كورمەي اۋلاققا كەتەيىن، — دەيدى.
— قاراقشى بۇعان كەلىسەدى. قوجاناسىر ورالعان تاستى الىسقا لاقتىرىپ تاستايدى. ارانى اشىلعان قاراقشى قوجاعا دا قاراماستان تۇرا جۇگىرەدى. قاراقشىنى ءوستىپ ءبىر قاتىرعان قوجا لىپ ەتىپ اتقا ءمىنىپ، اۋلىنا قاراي جاندالباس شاپقان ەكەن»، — دەيدى.
You Might Also Like
-
جامبىل وبلىسىندا ون توعىزىنشى عاسىردىڭ اياق كەزىندە ءبىر بايدىڭ اسى بولىپ، ۇلكەن جيىن بولعان ەكەن. سول كوپ جيىننىڭ ىشىندە وڭتۇستىك قازاقستاننان ءبىر سال، ارقادان ءبىر سال كەلگەن ەكەن. ول ەكەۋىنىڭ دە ءوز...
-
ءبىر كۇنى قوجاناسىر ءۇيىن ساتپاق بولادى، ءبىراق يەلىك قاعازدا ءبىر شارت جازىلۋى قاجەت ەكەن. بۇل شارت بويىنشا، ۇلكەن بولمەدەگى شەگە قوجانىڭ يەلىگىندە قالادى. بۇل شەگەنى قوجا ءوز قالاۋىنشا پايدالانا الادى.
