الەمدەگى ەڭ ماڭىزدى ورىننىڭ ءبىرى
ءبىز مىنا جارىق دۇنيەنىڭ ءارتۇرلى كەرەمەتتەرى مەن اسەم عيماراتتارىنان بولەك، جەر بەتىندە ولاردان دا ماڭىزدىراق قۇرىلىمنىڭ بولۋى مۇمكىن ەكەنىن ويلاي بەرمەيمىز. شپيسبەرگەندەگى «دۇنيەجۇزىلىك تۇقىم ساقتاۋ قويماسى» دەپ اتالاتىن نىساننىڭ ماڭىزى ءبىزدىڭ بولاشاعىمىز ءۇشىن زور بولۋى مۇمكىن.
بۇل عيمارات نورۆەگيادا وتە سۋىق كليمات جاعدايىندا، 120 مەترلىك تەرەڭدىكتە، لونگيير اۋىلدىق وكرۋگىندە تەڭىز دەڭگەيىنەن 130 مەتر بيىكتىكتە ورنالاسقان. جوبا الەمدەگى بارلىق اۋىلشارۋاشىلىق وسىمدىكتەرىنىڭ تۇقىمدارىن ساقتاۋعا ارنالعان. كليمات وزگەرسە دە، يادرولىق سوعىس بولسا دا قويماداعى تۇقىمداردىڭ قاۋىپسىزدىگى ساقتالا بەرەدى. تۇقىمداردىڭ كوپ بولىگىن سىرتقى جاعدايلارعا قاراماستان، جۇزدەگەن، ءتىپتى مىڭداعان جىلدار بويى ساقتاۋعا بولاتىنى بولجانۋدا.
تۇقىم ساقتاۋ قويماسى 4،5 ميلليون ءدان تۇرلەرىنە شاقتالىپ جاسالعان. جەر بەتىندەگى ءار ەلدىڭ، ونىڭ ىشىندە سوعىستى باستان وتكەرىپ جاتقان ەلدەردىڭ دە وسى قويمادا ءدان سالىنعان قۇتىلارى بار. ماسەلەن، راكەتالىق وق جاۋدىرۋلاردىڭ كەسىرىنەن ءداندى-داقىل ونىمدەرىنە زالال كەلگەن سيريا ۇكىمەتى وزدەرىنىڭ قۇتىسىنان داقىلدارىنىڭ ءبىر بولىگىن پايدالانۋعا العان.
ايتۋلى نىسان ءشليۋزدى كامەرامەن جانە جارىلىسقا قارسى ەسىكپەن جابدىقتالعان. توڭازىتقىش قوندىرعىلارى داندەردىڭ ساقتالۋىن قامتاماسىز ەتەدى، ءتىپتى، قۇرىلعىلار ىستەن شىقسا دا، نىسان ىشىندەگى تەمپەراتۋرا بىرنەشە اپتاعا دەيىن 3 °C-دەن جوعارى اسپايدى.
تۇقىمداردىڭ مەتابوليكالىق بەلسەندىلىگىن ساقتاۋعا وڭتايلى تەمپەراتۋرا -18 °C بولعاندىقتان، ولار سول تەمپەراتۋرادا ساقتالادى. ايتا كەتەرلىگى، مۇندا ەشقانداي دا زاڭسىز وسىمدىكتەر ساقتالمايدى ەكەن.
You Might Also Like
-
قىز بالانىڭ تاربيەسى-حالىقتىڭ قىمبات بايلىعى. ءيا، قىزدىڭ تاربيەسى-ۇلتتىڭ تاربيەسى دەگەن تاعى بار.وتكەنگە كوز جۇگىرتسەك،قىز بالاسى قاشان دا يناباتتىلىعىمەن،ادەپتىلىگىمەن،وزىندىك ۇياڭدىعىمەن دارالانعا...
-
تاستى حولەسيستيت (ءتۇرلى سەبەپتەردەن پايدا بولعان تاستاردان ءوت قالتاسىنىڭ قابىنۋى)، نەمەسە ءوتتاس اۋرۋىنا الەمدەگى ءاربىر جەتىنشى ادام شالدىعادى ەكەن. ولاردىڭ كوپشىلىگى ايەلدەر كورىنەدى. ونىڭ سەبەبى ءا...
