حرۋششيەۆتى تاقىرعا وتىرعىزعان
سامەن وزىنە الدەكىم سىيعا تارتقان كىتاپتى قولىنا الىپ، سامارقاۋ كوز سالىپ وتىر. كەنەت كوزى «حرۋششيەۆتى تاقىرعا وتىرعىزعان» دەگەن تاقىرىپقا تۇسە كەتكەنى.
سول كەزدە مۇنىڭ: «حرۋششيەۆى كىم؟ اتى الەمگە ايگىلى «جۇگەرىشى» حرۋششيەۆ پە، جوق الدە ەكى اۋىلدىڭ بىرىندە اراقتان باسى ارتىلماي جۇرگەن ىشكىشتەردىڭ ءبىرى مە؟»- دەگەن وي يەكتەگەن. «كسرو پرەزيدەنتى...» دەگەن جولداردى وقىعاندا، مۇنىڭ اۋىلداعى اراق كەشكە زارەدەيدە قاتىسى جوق ەكەنىن اڭگىمە «جۇگەرشى» حرۋششيەۆ تۋرالى ەكەنىنە ءشۇباسى قالمادى.
راس، اراگىدىك الدەكىمدەردىڭ ەستەلىگىندە اتى اتالىپ قالعانى بولماسا، قازاق ادەبيەتىندە ازىرشە حرۋششيەۆ تۋرالى قالام تارتۋشى جوقتىڭ قاسى.
اڭگىمە اۆتورى سول كەمشىلىكتىڭ ورنىن تولتىرماق بولدى ما ەكەن؟
تەك كسرو–دا حرۋششيەۆ ەل باسقارعان جىلداردا پرەزيدەنت دەگەن اتىمەن بولماعانىن ەل تاريحىن بىلمەيتىن بۇل نە قىلعان جۋرناليست؟
الدە ەرتەگى مە؟..
ولاي دەۋگە ءبىزدىڭ وڭىردەگى بىردەن-بىر تاۋلى ايماقتىڭ سول جەردە شىعاتىن ءۇنپاراقتىڭ، ءتىپتى باسىلىم باستىعىنىڭ ءاتى-جونى مەن مۇڭدالاپ تۇر. ول از دەسەڭىز، حرۋششيەۆتى الداپ سوعىپ، تاقىرعا وتىرعىزۋشى دا سول باسىلىم باستىعى.
اڭگىمە ارقاۋى: تىڭ ولكەسىن قۇرىپ، قازاقتىڭ اۋزىن اق نانعا تيگىزگەن حرۋششيەۆ كۇندەردىڭ كۇنىندە سول قازاقتاردىڭ مۇنىڭ اتىن الەمگە جايعان جۇگەرىنى قالاي ءوسىرىپ- باپتاپ جاتقانىن ءوز كوزىمەن كورىپ، تانىسپاق بولىپ، سول تۇستاعى سەلينوگرادقا ات باسىن تىرەيدى. ونىڭ ساپارىنىڭ ماقساتىن بىلگەن تۇستا لاۋازىمدى بيلىك يەلەرى شوشىپ كەتسە كەرەك. ويتكەنى جەلكىلدەپ ءوسىپ تۇرعان ەگىستىك القاپ جوق ەدى.
باسشىلاردىڭ ءبىرى ىعىپ، ءبىرى بۇعىپ قالسا كەرەك. سودان ءبىزدىڭ تاۋلى ايماققا حرۋششيەۆ ءوزى جالعىز ۇشادى. سول كەزدە تاۋلى ايماقتى اشسا الاقاندارىندا، جۇمسا جۇدىرىقتارىندا ۇستاپ، جاتقىزىپ، تۇرعىزىپ، جۇرگىزىپ تۇرعان جوعارىداعىلاردىڭ قاس-قاباعىن باعىپ، ولار «ءيىل» دەسە، ءيىلىپ، ولار «بۇگىل» دەسە، بۇگىلىپ وتىرعان تاۋلى ايماق باسشىلارى بيلىك يەلەرىنىڭ ارەكەتتەرىنە سەكەم الىپ سەلت ەتكەن.
حرۋششيەۆ جول باسشىلىققا اۋداندىق ءۇنپاراقتىڭ رەداكتورى وتىرىك وڭباعاروۆتى ۇشاققا جەلكەلەگەندەي جەتەكتەپ كەلىپ مىنگىزىپ جىبەرەدى.
تاۋلى -تاستى ايماققا قۇنارلى قارا توپىراق قايدان كەلسىن؟ جۇگەرى كوكتەي سولعان. سودان وتىرىك وڭباعار ۇلىنىڭ ەسىنە ارپا ەگىلگەن القاپتىڭ كوپكە دەيىن كوكپەڭبەك بولىپ تۇراتىنى تۇسە كەتسە كەرەك. «جۇگەرى ەگىلگەن القاپ انە-مىنە» دەپ قۇس قاناتى تالاتىن بيىكتىكتە ۇشىپ كەلە جاتقان سامولوتتەن ارپا ەگىلگەن ايماقتى كورسەتە بەرىپتى، كورسەتە بەرىپتى...
اناۋ باسىن يزەپ: «جاقسى، جاقسى، ايتارلىقتاي»،- دەۋدەن جالىقپاعان سىڭايلى.
ء-سىزدىڭ اۋدان جۇگەرىدەن مول ءونىم العالى تۇر،- دەگەن.
بۇعان ماساتتانعان رەداكتور ۇشقىشتاردان: «ءسال تومەنىرەك ۇشۋعا بولماس پا ەكەن؟»- دەپ سۇراسا كەرەك.
-ونسىز دا قارعىس اتقىر قارا تاستىڭ قايسىنا سوعىلىپ، كۇل-پارشامىز... مۇنى ەستىگەن حرۋششيەۆتىڭ ەكى كوزى شاراسىنان شىعىپ: «دەرەۋ بيىككە كوتەرىلىڭدەر، قايتامىز!»- دەپتى.
ءسويتىپ، ءبىزدىڭ الدار كوسەدەن اسىپ تۋعان اعامىز حرۋششيەۆتى تاقىرعا وتىرعىزعان ەكەن.
– اپىر-اي، ءا؟!..
ءبىر قاراعاندا، اڭگىمە اۆتورى قازاقتىڭ ەلى مەن جەرىنىڭ حرۋششيەۆتە كەتكەن كەگىن قايتارىپ، يت تەرىسىن باسىنا قاپتاعان سىڭايلى. تەك وتىرىكتىڭ قۇرىعى ءبىر-اق تۇتام.
ول – ءبىر.
ەكىنشىدەن، ساياساتتان دا، تاريحتان دا بەيحابار، ەڭ باستىسى، جازۋ ونەرى تۇسىنە دە كىرمەيتىن قارىنداسىمىزدىڭ ايعا اتىلعان ارىستانداي ويسىز ارەكەتىندەي قازىرگى قازاق جۋرناليستيكاسىندا جۇرگەن شالا - پۇلا، مەنمەن، تالانتسىز دا تالعامسىز كەيبىر جۋرناليستەردىڭ مۇشكىل ءحالى وسىلاي كەتە بارسا، نە بولماق؟..
كوڭىلگە تۇينە تۇيتكىل تاستايدى ەكەن...
You Might Also Like
-
كۇندەلىكتى كۇيبەڭ تىرشىلىكتەن ءبىر ساتكە بولسىن جەڭىلدەۋ ماقساتىندا كوپشىلىگىمىز كوك جاشىكتىڭ كورىنە قامالىپ قالاتىنىمىز بار.ءتۇرلى قىزىقتى باعدارلامالار مەن تەلەسەريالداردى كورگەندە ۋاقىتتىڭ قالاي ز...
-
قالالىق وتباسىلىق «جانۇيا» كلۋبىنىڭ مۇشەسى ءشوپتىباي دياس قايرات ۇلى جەتەكشى: جامەلوۆا ينابات كۇنتۋار قىزى
