InfoHub Logo

ءال-فارابي اتىنداعى قازاق ۇلتتىق ۋنيۆەرسيتەتى “فيلوسوفيا جانە ساياساتتانۋ” فاكۋلتەتى  “ءدىنتانۋ جانە مادەنيەتتانۋ” كافەدراسى ءدىنتانۋ ماماندىعى 3-كۋرس ءقادىرالى راحيما

جەتەكشى: قازۇۋ اعا وقىتۋشىسى كۋدەرينا ايجان نۋرحاميتوۆنا

اعىمداعى جىلدىڭ 14-15 قىركۇيەگىندە الەمدىك جانە ءداستۇرلى دىندەر كوشباسشىلارىنىڭ VII سەزى وتكەن بولاتىن. بۇل جولعى سەزد باسقالاردان ەرەكشە فورماتتا باستالدى سەبەبى، بۇل جولى كۇللى الەمدە ءارتۇرلى دەرتتەن قازا بولعان جانداردىڭ رۋحتارىنا  دۇعا جاساۋ ءۇشىن ءبىر مينۋتتىق ۇنسىزدىك ساقتالدى. سونىمەن قاتار سەزدە ريم پاپاسىنىڭ ەرەكشە ءسوز باستاۋى بولدى. ول قازاق حالقىنا دەگەن قۇرمەتى مەن ءىلتيپاتىن بىلدىرگىسى كەلىپ  ءوز ءسوزىن قازاقتىڭ ۇلى اقىنى اباي قۇنانبايەۆتىڭ قارا  سوزدەرىن مىسالعا كەلتىرىپ كەتكەن ەدى.«ادامنىڭ نەگىزگى سيپاتى – ونىڭ السىزدىگى. سوندىقتان بيلىك پەن مەسسيالاردىڭ قۇربانى بولماي، العا ۇمتىلۋعا ءتيىسپىز. ءبىز قارجى تابۋ جولىندا قۇربان بولماۋىمىز كەرەك،» - دەدى ۆاتيكان جانە كاتوليك شىركەۋىنىڭ باسشىسى،كۇللى الەمدى تىزەرلەتكەن ريم پاپاسى. ول كوروناۆيرۋس پاندەمياسىنان كەيىن،ادام ومىرىندە ءدىننىڭ ءرولى قانداي دەگەن سۇراققا كوپ ويلاناتىنىن ايتتى. جالپى كەزدەسۋ بارىسىندا ريم پاپاسى ءوزىن ەركىن ۇستاپ، ناقتى جاۋاپ قايتارىپ وتىردى. 

وسى تۇرعىدا ول قازاقستاننىڭ زايىرلى جانە تاۋەلسىز ەكەنىن دە ەسكە سالا كەتتى. جالپى قازاقستاننىڭ العاشقى ەلباسىمىز ن.نازاربايەۆ: «زايىرلى مەملەكەت پەن قوعام بۇل – ءبىزدىڭ تاريحي تاڭداۋىمىز. زايىرلى اتەيستىك دەگەندى بىلدىرمەيدى. زايىرلى دەگەنىمىز بۇل – وزىق، تولەرانتتى، اشىق قوعام. ءبىز ءداستۇرلى دىندەرگە قولداۋ كورسەتىپ، كەز كەلگەن ەكسترەميزم ءتۇرىن ۇزىلدى-كەسىلدى مويىندامايمىز» دەپ اتاپ كورسەتكەن ەدى. سونىمەن قاتارزايىرلى مەملەكەتتىڭ ماڭىزدى سيپاتتارىنىڭ ءبىرى – ءدىني سەنىمدەرى مەن كوزقاراستارى ءار ءتۇرلى ازاماتتاردىڭ بەيبىت قاتار ءومىر ءسۇرۋى. ياعني زايىرلى مەملەكەت رۋحاني سالاداعى كوپتۇرلى قارىم-قاتىناستىڭ قۇقىقتىق نەگىزدەرىن قامتاماسىز ەتەدى.   
كەزدەسۋ  بارىسىندا قازاقستان پرەزيدەنتى مەن يىۇ-نىڭ باس حاتشىسى ايماقتىق جانە حالىقارالىق كۇن تارتىبىندەگى وزەكتى ماسەلەلەر تۋرالى، سونداي-اق قازاقستان مەن يسلام ىنتىماقتاستىعى ۇيىمى اراسىنداعى ىقپالداستىقتى ودان ءارى تەرەڭدەتۋدىڭ پەرسپەكتيۆالارى جونىندە پىكىر الماستى. بۇل جولعى سەزگە الەمنىڭ 51 ەلىنەن 100-دەن استام دەلەگاسيا قاتىستى. ولاردىڭ باسى ريم پاپاسى فرانسيسك، ءال-ازحاردىڭ جوعارعى يمامى شەيح احماد ات-تايەب، ءيزرايلدىڭ باس اشكەنازي ءراۆۆينى داۆيد لاۋ، ءيزرايلدىڭ باس سەفارد ءراۆۆينى يسحاك يوسيىف، يەرۋساليم پراۆوسلاۆيە شىركەۋىنىڭ پاتريارحى فەوفيل III جانە باسقا دا كورنەكتى ءدىني جەتەكشىلەر قاتىسىپ ولار دا ءوزىنىڭ نەگىزگى تاقىرىپتارىن ايشىقتادى.

---