InfoHub Logo

بۇگىن قاتقىل قىس تونىن ەرىتىپ، قارا جەردىڭ كورىنگەنى كۇنى. اعارىپ اتقان تاڭ نۇرى، كوكجيەككە ەركەلەپ كەرىلىپ تۇرعانداي. جىل بويى بىزبەن بىرگە بولعان تورعاي شىرىلى مەن قىستاپ كەلگەن قۇستار ءۇنى تاپ ءبىر تابيعات وركەستىرى دەرسىڭ. تابيعات تىنىسىن سەزىنىپ تۇرعان مەن جەر انانىڭ دەمالىستان كەلگەنىن قۇتتىقتاپ تۇرعانداي، تاڭ ازانىمەن تۇرىپ وسى اسەم كورىنىستى تاماشالاۋدى ءجون كوردىم. بۇل عالاماتتان مەندە قالىس قالمايىن دەگەندەي الپىسپاي اتانىڭ اتەشىدە شاقىرا جونەلدى. كۇن شۋاعى جەر بەتىنە ءالى تۇسپەسەدە، اۋىل ادامدارى ەندىگى تۇرىپ جاتسا كەرەك. كەشە عانا تەرەزە الدىندا گۋىلدەپ سوعىپ تۇرعان بورىنىڭ، كوكتەم اتتى ارۋدان ۇيالىپ ات تونىن الا قاشقانداي. كوكتەمنىڭ كەلگەنى بۇگىن بولسادا “بايشەشەك”دەيتىن بوبەكتى اسىعا كۇتىپ جۇرگەن مەن عانا ەمەس. كارى ەمەن اعاشى مەن قاراعايدىڭ ۇستىندەگى اق كامزولى شەشىلىپ، كۇن شۋىعانان ءنار الىپ تۇرعانداي. ءاي دەگەنمەن كوكتەمنىڭ كەلگەن العاشى شۋاعىن، ادامدار عانا ەمەس اقساقال ەمەننىڭ سەزىنگەنىن كەيىن بولدى عوي. بۇل ءساتتى ۇزاق كۇتتىم دەگەنمەن ىستىق توسەكتى تاستاپ، تىرلىشىكتىڭ تەرەڭ ۇيقىدان ويانعانىن تاماشالاۋ كەزى مەن ءۇشىن كوركەم قۇبىلىس. جالىنداعان جازدىڭ كۇندەرىندە اۋىل بالالارى بولىپ جينالىپ ىستىق دەمىمىزدى باسىپ “باسقان” وزەنىنە سۇڭگىپ-اق كەتۋشى ەدىك. قىراۋلى قىستا قايماق بەتى مۇز بولىپ اۋىل بالالارى قىزىق كورىپ سىرعاناپ، وزەن جانىنداعى جالعىز باس ۇيدەگى قاريا امانباي اتا ءبىزدى قۋىپ الەك بولعان مەكەن، مىنەكەي بۇگىن مۇزى ەرىپ سۋى مولدىرەپ تۇر. الىپ اعاش شىبىقتارى دا، كۇنى ەرتەڭ بۇرشىك اتامىز عوي دايىندالا بەرەيىك دەپ تۇرعانداي. ەندىگى كەزەك وسىلاردىڭ گۇل اشىپ، كوشە ءىشىن نازىك يىسكە تولتىرار ءساتى. ويحويي كوكتەم قىزىعى ءالى الدىدا. ەڭ باستىسى تىرشىلىكتىڭ بۇگىن وياناعى ەمەس پە؟

قاستەر ايجان

---