InfoHub Logo

Wealth-X كومپانياسىنىڭ كەلتىرگەن مالىمەتى بويىنشا الەمنىڭ ەڭ باي 50 ادامىنىڭ اقشاسى - 1،46 تريلليون دوللاردى قۇرايدى – بۇل اۆستراليا، يسپانيا نەمەسە مەكسيكانىڭ جىلدىق جالپى ىشكى ونىمىنەن الدەقايدا كوپ. الەمنىڭ 29 باي ادامى – امەريكالىقتار، ەلۋدىڭ شامامەن تورتتەن ءبىرى تەحنولوگيا سالاسىندا تابىسقا جەتكەندەر. بۇل تىزىمگە كىرۋ ءۇشىن بار-جوعى 14،3 ميلليارد دوللار تابىس تابۋ كەرەك. بۇل تىزىمدەگىلەردىڭ كەيبىرى عانا باي وتباسىندا دۇنيەگە كەلگەندەر، كوبى “نولدەن” باستاپ الەمدەگى ەڭ قىمبات كومپانياعا دەيىن جەتكىزگەن. ونىڭ ىشىندە Amazon، Facebook، Oracle بار.

 

10. ينگۆار كامپراد
89 جاستاعى شۆەد كاسىپكەرى ينگۆار كامپراد جيھاز ونىمدەرىن شىعاراتىن IKEA دۇكەنىنىڭ نەگىزىن 17 جاسىندا قالاعان. 1950 جىلى كامپراد قىزمەتكەرىنىڭ ساتىپ الۋشىنىڭ كولىگىنە ۇستەلدى سىيدىرۋ ءۇشىن ونىڭ اياقتارىن بۇراپ، جيناپ جاتقانىن كورەدى. وسىلايشا جىڭىشكە قوراپتارعا قاپتالعان جيھازدار تاريحى باستالادى. 
كامپرادتىڭ داۋلەتى قازىردە 39،3 ميلليارد دوللارعا باعالانادى، ءبىراق ول ءالى كۇنگە دەيىن ەسكى جيھازدارىن پايدالانادى، ەسكى كولىك ايدايدى، ەكونوم-كلاسسپەن ۇشادى، ارزان قوناقۇيلەردە تۇراقتايدى جانە قىزمەتكەرلەرىنە قاعازدىڭ ەكى جاعىن دا پايدالانۋدى ماجبۇرلەيدى. 

 

9. مايكل بلۋمبەرگ
كاسىپكەر مايكل بلۋمبەرگ — Bloomberg اقپاراتتىق اگەنتتىگىنىڭ قۇرىلتايشىسى جانە يەسى. ول ءوز ءمانسابىن Salomon Brothers كومپانياسىندا اكسيالاردى ساتۋمەن جانە اقپاراتتىق جۇيەلەردىڭ جۇمىسىنا جاۋاپ بەرۋمەن باستايدى. 1981 جىلى Salomon ساتىلىپ كەتكەننەن كەيىن ول جۇمىسىنان ايرىلىپ قالادى، ءبىراق Bloomberg LP دەگەن اتاۋمەن قارجى اقپاراتتارىن جينايتىن جانە ساراپتايتىن ءوز كومپانياسىن اشادى. كەيىن ترەيدەرلەرگە ارنالعان اقپاراتتى ساراپتاۋ جۇيەسىن جاساپ شىعارادى جانە اكسيالاردى ساۋدالاۋ قىزمەتىن اشادى. بلۋمبەرگ 1980 جىلدارى ترەيدەرلەر جۇمىسىندا كومپيۋتەردى پايدالانۋدى ءبىرىنشى بولىپ باستايدى. 
ءقازىر مايكل بلۋمبەرگتىڭ داۋلەتى 42،1 ميلليارد دوللارعا باعالانادى. 

8. مارك سۋكەربەرگ
2004 جىلى 19 جاسار گارۆارد تۇلەگى مارك سۋكەربەرگ TheFacebook.com دەپ اتالاتىن الەۋمەتتىك جەلىنى ىسكە قوسادى. وسىدان كەيىن مارك كوللەدجدى تاستاپ، كۇنىنە ميللياردتان استام ادام كىرەتىن Facebook الەۋمەتتىك جەلىسىنىڭ باسشىسى اتانادى. 
Facebook-تىڭ قۇنى 275 ميلليارد دوللارعا باعالانۋدا. وسى الەۋمەتتىك جەلىنى اشۋدىڭ ارقاسىندا مارك سۋكەربەرگ 31 جاسىندا الەمنىڭ ەڭ باي 50 ادامىنىڭ قاتارىنان ورىن الدى. ونىڭ داۋلەتى 42،8 ميلليارد دوللارعا باعالانادى. 
سۋكەربەرگ ايەلىمەن بىرگە Facebook-تەگى اكسياسىنىڭ 99%-ىن قايىرىمدىلىققا جۇمسايمىن دەپ ۋادە ەتتى. 

 

7. لارري ەلليسون
امەريكالىق كاسىپكەر لارري ەلليسون Oracle كومپانياسىنىڭ نەگىزىن قالاۋشى، NetSuite Inc.ء-تىڭ ءىرى اكسيونەرى جانە Salesforce.com-نىڭ ينۆەستورى اتاندى.
1970 جىلداردىڭ باسىندا باعدارلاما جاساۋشى رەتىندە ونىڭ باستى جوبالارىنىڭ ءبىرى وبب دەرەكقورى جۇيەسىن باسقارۋدى جاساۋ بولعان. ول مۇنى Oracle — وراكۋل دەپ اتايدى. 1977 جىلى Ampex-تەگى ارىپتەستەرىمەن بىرگە ەلليسون Software Development Laboratoriesء-تى قۇرادى. ال 1982 جىلى ونىڭ اتىن Oracle دەپ اۋىستىرادى. 
كورپوراسيانىڭ باس ديرەكتورى بولىپ ەلليسون 38 جىل قىزمەت اتقاردى، ءبىراق 2014 جىلى ول قىزمەتىن بوساتىپ، كورپوراسيانىڭ تەحنولوگيالار ديرەكتورى قىزمەتىنە كىرىستى. دەگەنمەن ديرەكتورلار كەڭەسىنىڭ ءتوراعاسى بولىپ قالا بەردى. 
ەلليسوننىڭ 45،3 ميلليارد دوللارعا تەڭ اكتيۆتەرىنە گاۆايداعى شيپاجايى سياقتى جىلجىمايتىن مۇلىكتەرى كىرەدى.

6. چارلز كوح
چارلز كوح، Koch Industries كومپانياسىنىڭ نەگىزىن قالاۋشى فرەد كوحتىڭ ۇلى، وسى كومپانيانىڭ سەو-سى (باس ديرەكتورى) بولىپ تابىلادى. كومپانيا $115 ميلليارد دوللار پايدا اكەلەدى، وندا 100 مىڭنان استام ادام جۇمىس ىستەيدى. كوح ساياسي ومىرگە بەلسەندى ارالاسادى، سول ءۇشىن باسپا ءسوز وكىلدەرىنىڭ شابۋىلىنا ءجيى ىلىنەدى: كەيبىرى ساياسات وعان سىرتقى ورتانى لاستاۋعا سەپتىگىن تيگىزەتىن كوپتەگەن ونىمدەردى شىعاراتىن كومپانياسىن قورعاۋعا مۇمكىندىك بەرەدى دەيدى. 
چارلز كوحتىڭ داۋلەتى 46،8 ميلليارد دوللارعا باعالانادى. 

5. ديەۆيد كوح
چارلز كوحتىڭ ءىنىسى ديەۆيد كوح اكەسى 1940 جىلى نەگىزىن قالاعان Koch Industries كومپانياسىن باسقارادى. بۇل تىڭايتقىشتان باستاپ اسفالتپەن بيوديزەلگە دەيىن كوپتەگەن ءونىم شىعاراتىن مولشەرى بويىنشا الەمدەگى ەكىنشى جەكە كومپانيا. جاس كەزىندە ديەۆيد باسكەتبولمەن اينالىسقان، ءبىراق ول حيميا تەحنولوگياسىنىڭ ماگيسترى اتانىپ، 30 جاسىندا اكەسىنىڭ كومپانياسىندا جۇمىس ىستەي باستايدى. 9 جىلدان كەيىن Koch Engineeringء-تىڭ پرەزيندەنتى اتانادى. 
ديەۆيد كوح ەكى رەت ءولىم اۋزىنان قالعان: 1991 جىلى ءبىرىنشى سىنىپتىڭ بارلىق ادامى قايتىس بولعان كولىك اپاتىندا ءتىرى قالادى، ال كەيىن پروستاتا قاتەرلى ىسىگىن جەڭىپ شىعادى. قاتەرلى ىسىكپەن كۇرەسۋ امالدارىنا، اۋرۋحانالارعا، بىلىمگە جانە ت.ب. كوح ءوز قورىنان 1،2 ميلليارد دوللار بولگەن. 
ديەۆيد كوحتىڭ داۋلەتى 47،4 ميلليارد دوللارعا باعالانادى.

4. دجەفف بەزوس
Amazon كومپانياسىنىڭ نەگىزىن قالاۋشى دجەفف بەزوستىڭ داۋلەتى 56،6 ميلليارد دوللارعا باعالانادى. ەلەكتروندى ساۋدا الىبى 1994 جىلى بەزوستىڭ ءۇي گاراجىندا اشىلعان جانە كىتاپتاردىڭ ونلاين-دۇكەنى بولىپ جۇمىس ىستەگەن. ءۇش جىلدان كەيىن كومپانيا دامي ءتۇسىپ، كەز كەلگەن تاۋارلاردى، جيھازدان باستاپ تاماققا دەيىن ساتۋمەن اينالىستى. 
Amazon-نان باسقا بەزوستا باسقا دا اكتيۆتەر بار – ول ءوزىنىڭ Blue Origin عارىشتىق كومپانياسىنا اقشا قۇيادى. كومپانيا عارىشقا راكەتالاردى اتتاندىرىپ، قوندىرۋمەن اينالىسادى. 2013 جىلى بەزوس Washington Post گازەتىن ساتىپ الدى. 2015 جىلدىڭ قاڭتارىندا بيلل گەيتسپەن بىرگە قاتەرلى ىسىكتىڭ بار-جوعىنا قانعا تەست جۇرگىزەتىن Illumina كومپانياسىنا ينۆەستيسيا قۇيادى. 

3. ۋوررەن باففەت
ءبارىن كەرىسىنشە جاساۋمەن اتى شىققان ۋوررەن باففەت بىرنەشە جىل بويى الەمنىڭ ەڭ باي ادامدارىنىڭ تىزىمىندەگى 2ء-شى جانە 3ء-شى ورىن ءۇشىن امانسيو ورتەگومەن باقتالاسىپ كەلەدى. بالا كەزىندە باففەت ۆەلوسيپەدپەن گازەت تاسيتىن، جانە 11 جاسىندا 38 دوللاردان ءۇش اكسيا ساتىپ الىپ، 5 دوللار پايدامەن ساتىپ جىبەرەدى. 13 جاسىندا ۋوررەن پايدا تابۋ تۋرالى دەكلاراسيا جاسايدى. وندا ول ۆەلوسيپەد قۇنى مەن ساعاتىنا ارتىق تولەۋدى ۇسىنادى. ويتكەنى ونى ساتىپ الۋ ونىڭ گازەت تاسۋ جۇمىسىمەن بايلانىستى بولعان. العاشقى 10 مىڭ دوللارىن باففەت شاشتارازداردا پينبول اۆتوماتىن ورنالاستىرعاننان كەيىن تابادى. ينۆەستيسيا جاساۋدى وعان بەندجامين گرەم ۇيرەتەدى. 
باففەتتىڭ باستى كاپيتالىن امەريكالىق Bershire Hathaway حولدينگتىك كومپانياسىنداعى اكسيالار پاكەتى قۇرايدى. 2000-2010 جىلدارى بۇل كومپانيانىڭ اكسيالارى 76%-عا وسكەن.
85 جاستاعى ۋوررەن باففەتتىڭ داۋلەتى 60،7 ميللارد دوللارعا باعالانادى. بيلل گەيتس جانە تاعى دا باسقا بايلارمەن بىرگە باففەت Giving Pledge اكسياسىنا قاتىسادى — ياعني پايداسىنىڭ جارتىسىن ول قايىرىمدىلىق قورىنا بەرەدى. 

2. امانسيو ورتەگا
79 جاستاعى يسپانيالىق كاسىپكەر امانسيو ورتەگا ءوز ءمانسابىن 13 جاسىندا جەرگىلىكتى كويلەك دۇكەنىندە كۋرەرلىكپەن باستاعان. كەيىن ول ايەلىمەن Inditex كومپانياسىن قۇرادى — بۇل كومپانياعا 77 ەلدەگى 5000 دۇكەن تيەسىلى. ورتەگا جىلجىمايتىن مۇلىك، گاز ونەركاسىبى، تۋريزم مەن بانكتەرگە ينۆەستيسيا جاسايدى. 
Inditex كومپانياسىنا Zara، Pull and Bear، Massimo Dutti، Bershka، Stradivarius، Oysho برەندتەرى كىرەدى.
ءقازىر امانسيو ورتەگانىڭ جاعدايى 66،8 ميللارد دوللارعا باعالانۋدا. 

 

1. بيلل گەيتس
60 جاستاعى بيلل گەيتستىڭ اكتيۆتەرى $87،4 ميللارد دوللارعا باعالانادى. 20 جاسىندا گەيتس بالا كەزىنەن بىرگە وسكەن دوسى پول اللەنمەن Microsoft كومپانياسىنىڭ نەگىزىن قالايدى، جانە توعىز جىلدان كەيىن كومپانيانى IPO-عا شىعارىپ، ميللياردەر اتانادى. 2000-شى جىلعا دەيىن بيلل گەيتس كومپانيانىڭ سەو-سى (باس ديرەكتورى) بولادى، ال كەيىن باسقارما ءتوراعاسى جانە ءىرى اكسيونەرى بولادى.
بيلل گەيتس الەمنىڭ ەڭ باي ادامى رەتىندە عانا ەمەس، جومارت ادام رەتىندە دە تانىمال. 1999 جىلى ايەلى مەليندامەن بىرگە 40 ميللارد دوللاردى باسقاراتىن جانە كەدەيلىك پەن ءتۇرلى اۋرۋلاردى جەڭۋگە باعىتتالعان قور قۇرادى. 
بۇرىنىراقتا ۋوررەن باففەتتىڭ كومەگىمەن گەيتس باسقا دا ميللياردەرلەردى Giving Pledge اكسياسىنا قاتىسۋعا كوندىرەدى: قاتىسۋشىلار ءوز داۋلەتىنىڭ جارتىسىن قايىرىمدىلىققا جۇمسايمىز دەپ ۋادە بەردى. اكسياعا مارك سۋكەربەرگ پەن يلون ماسك تا كىردى، جالپى تىزىمدە 137 ادام بار.

---