InfoHub Logo

زاماناۋي جاھاندىق ەكونوميكانىڭ الپاۋىتتارىنىڭ ءبىرى Samsung ونەركاسىپتىك توبىنىڭ تاريحى، 1938 جىلى  كورەي ەلىندە باستالدى. تەگۋ قالاشىعىنىڭ ىسكەر تۇرعىنى ساۋداگەر بونگ چحۋل لي ءوز كاسىبىن كەڭەيتۋگە شەشىم قابىلداپ، قىتايلىق سەرىكتەستەرىمەن بىرگە كۇرىش ساۋداسىمەن اينالىساتىن فيرمانىڭ نەگىزىن قالايدى. ءىسى وڭعا باسىپ، كومپانيا قىزمەتتىڭ بارلىق جاڭا سالالارىن يگەرىپ، شتاتى ۇلعايدى، ال 1948 جىلى كاسىپورىننىڭ اتاۋىن Samsung Trading Co دەپ وزگەرتتى.

 

كۇرىشتەن گورى جارتىلاي وتكىزگىشتەر جاقسى
فيرما تاريحىنداعى ناعىز شارىقتاۋ كەزەڭى 1969 جىلى، ول جاپونيانىڭ Sanyo كومپانياسىمەن بىرلەسە وڭتۇستىك كورەيادا اق-قارا ءتۇستى جاپون تەلەديدارلارىن قۇراستىرۋ بويىنشا سەح اشقان ۋاقىتتا ورىن الدى. وسىلايشا 1973 جىلى سۋۆون قالاسىندا ءار ءتۇرلى تۇرمىستىق ەلەكترونيكالاردىڭ تولىققاندى اۋقىمدى ءوندىرىسى جولعا قويىلدى، ال بىرلەسكەن كاسىپورىن تولىعىمەن Samsung Trading Co كاسىپورنىنىڭ باقىلاۋىنا ءوتىپ، Samsung Electronics كورپوراسياسىنا اينالدى. 
تۇرمىستىق ەلەكترونيكا نارىعىنداعى ءوز قىزمەتىن ەڭ باسىنان باستاعان Samsung Electronics بىرنەشە جىلدان كەيىن بۇل نارىقتى ەلەۋلى ورىن الا باستادى. جابدىقتاۋعا Sanyo تەحنولوگياسىن الىپ، كەيىننەن جارتىلاي وتكىزگىشتەر وندىرىسىنە تۇراقتالا وتىرىپ، كورپوراسيا ۋاقىت وتە كەلە الەمدەگى ءىرى ءارى تانىمال ەلەكترونيكا وندىرۋشىلەردىڭ بىرىنە اينالدى.

بۇگىنگى كۇنى Samsung بولىمشەلەرى بىرلەسە ارەكەت ەتپەيتىن ونەركاسىپ سالاسىن تابۋ وڭايعا سوقپاس. بۇل برەند تۇرىمەن بارلىعى دەرلىك وندىرىلەدى: قىسقا تولقىندى پەشتەر مەن توستەرلەردەن باستاپ ساندىق فوتوكامەرالار مەن ستەرەوجۇيەلەرگە دەيىن، اۆتوموبيلدەردەن باستاپ مۇحيت كەمەلەرى مەن ۇشاقتارعا دەيىن. وڭتۇستىك كورەيانىڭ ىشكى نارىعىندا Samsung Group قارجىلىق وپەراسيالارمەن دە، ساقتاندىرۋ جانە كۇزەت قىزمەتىمەن دە اينالىسادى، ناتيجەسىندە ەل بيۋدجەتىنىڭ 50%-ىنان استامىن قالىپتاستىرادى. كورپوراسيانىڭ بۇكىل الەمدەگى وكىلدىكتەرىندە جارتى ميلليونعا جۋىق جۇمىسشىلار ەڭبەك ەتەدى، ال Samsung Electronicsء-تىڭ شتاب-پاتەرى ورنالاسقان وڭتۇستىك كورەيالىق سۋۆون قالاسىن بۇرىننان-اق «سامسۋنگ-سيتي» دەپ اتايدى.

اتاۋىنىڭ ماعىناسى
Samsung (سامسون دەپ وقىلادى) ءسوزىنىڭ شىعۋ تەگى تۋرالى ءبىر ماعىنالى نۇسقاسى جوق، الايدا كورەي تىلىنەن اۋدارعاندا «ءۇش جۇلدىز» دەگەندى بىلدىرەدى دەگەن نۇسقاسى كوبىرەك تارالعان. كورپوراسيا اتاۋىنىڭ تاڭدالۋى كومپانيانىڭ نەگىزىن قالاۋشى بونگ چحۋل ءليدىڭ ءۇش ۇلىنا قاتىستى بولۋى مۇمكىن، ولاردىڭ ءبىرى كۋن حي لي قازىرگى ۋاقىتتا ونەركاسىپتىك توپتى باسقارادى. 
ايتپاقشى، كومپانيانىڭ ەرتەرەكتەگى لوگوتيپتەرىندە ءدال سول ءۇش جۇلدىزدىڭ سۋرەتى بار بولاتىن. الايدا 1993 جىلى Samsung باستاپقى لوگوتيپ حالىقارالىق كورپوراسيانىڭ بەت-بەينەسىنە ساي كەلمەيدى دەپ ساناپ، ونى اۋىستىرۋعا شەشىم شىعارادى. مىنە ءدال سول ۋاقىتتا قازىرگى ۋاقىتتاعى ءبىزدىڭ كوزىمىز ۇيرەنگەن – سەرپىلە يىلگەن كوك ەلليپستىڭ ىشىنە فيرما اتى جازىلعان تانىمبەلگى جارىققا شىقتى. تاماشا ديزاين مەن اۋقىمدى جارنامالىق ناۋقان ءوز جۇمىسىن ورىندادى: لوگوتيپ الەمدەگى ەڭ تانىمالدىلاردىڭ بىرىنە اينالدى. الدىڭعى قاتارلى جوعارى وقۋ ورىندارىنىڭ جارنامالاۋشى-ستۋدەنتتەرى بۇگىنگى كۇنى Samsung لوگوتيپىن اۋىستىرۋدى ناعىز ءساتتى شىققان رەبرەندينگ رەتىندە قاراستىرادى.

جاڭا تانىمبەلگىنى جاساۋ كەزىندە شىعىس فيلوسوفياسى دا شەت قالعان جوق. Samsung ماركەتولوگتارىنىڭ نۇسقاسى بويىنشا، «لوگوتيپتىڭ ەلييپستىك ءپىشىنى ۇنەمى جاڭارۋ مەن جەتىلدىرۋ يدەياسىن كورسەتە وتىرىپ، كەڭىستىكتەگى الەمدىك قوزعالىستى بىلدىرەدى».

فوتوسۇيگىشتىك
اۋەسقوي فوتوتەحنيكا نارىعىنا شىعۋ كوپتەگەن تابىس اكەلۋى مۇمكىن ەكەندىگى تۋرالى Samsung Electronicsء-تىڭ بيزنەس-ستراتەگتەرى 1970-جىلداردىڭ ورتاسىندا ويلانا باستادى. سول وي جەتەگىنىڭ ناتيجەسى – 1979 جىلى العاشقى Samsung فوتواپپاراتتارى پايدا بولا باستادى. SF-A ۇلگىسىنىڭ ايقىن كەسكىن بەرەتىن قابىلەتى بولعان جوق: ول جاي عانا جارقىلداعى بار جاقسى «ايعىزداعىش» بولدى، ونى ءبارى پايدالانا الاتىن. الايدا كومپانيا تەحنيكالىق شەبەرلىك جاساۋعا ۇمتىلعان دا ەمەس – باستى مىندەت تۇتىنۋشى حالىق ءۇشىن قاراپايىم فوتوكامەرا ءوندىرۋ بولاتىن. جانە دە تۇتىنۋشى بۇقارا حالىق قىزىعۋشىلىقپەن قابىلدادى، ويتكەنى Samsung-تىڭ العاشقى كامەرالارى ءوز توبى ءۇشىن اسا قىمبات ەمەس، باسقارۋعا بارىنشا سەنىمدى جانە قاراپايىم بولاتىن.
شاعىن Samsung فوتوكامەرالارىنىڭ ودان ءارى دامۋى فوتوتەحنولوگيانىڭ دامۋىمەن قاتار ءجۇردى: بارىنشا قۋاتتى جارقىلداقتار، ءۇلدىردى ورىنداۋعا ارنالعان موتورلار، دح-كودتاردى اۆتوماتتى تۇردە ساناۋ فۋنكسياسى، «كوزدىڭ قىزارۋىنان» ساقتاۋ جۇكتەلەتىن قىزىل لامپالار، سونىمەن قاتار تولىققاندى اۆتوفوكۋس جانە اينىمالى فوكۋستىك اراقاشىقتىعى بار وبەكتيۆتەر – زۋمدار پايدا بولدى. Samsung ءونىمى بارلىق وسى جاڭالىقتارمەن دامي وتىرىپ، باسقا كامەرالاردىڭ اراسىندا اسا ەرەكشەلەنە  دە قويعان جوق، الايدا فۋنكسيونالدىلىعى مەن ساپاسى جاعىنان وسى سالاداعى الدىڭعى قاتارلى تاۋار وندىرۋشىلەردىڭ «ءبىر كلاسستى» ۇلگىلەرىنەن ارتتا قالعان ەمەس.
اۋەسقويلىق جيناقتى جەتىلدىرە وتىرىپ، Samsung ينجەنەرلەرى جوعارى كلاسستى وپتيكانى پايدالانبايىنشا ناقتى ساپالى كەسكىن الۋ مۇمكىن ەمەستىگىن جاقسى ءتۇسىندى. ءوندىرىستى قايتادان جاقسى وپتيكالىق اينەكتەن باستاۋ – ۇلكەن قارجىلىق جانە ينتەللەكتۋالدىق رەسۋرستاردى تالاپ ەتەتىن توتەنشە ماشاقاتى كوپ جۇمىس بولدى. ناتيجەسىندە Samsung كومپانياسى باسقا جولدى تاڭدادى: 1995 جىلى نەمىستىڭ وپتيكا شىعاراتىن Schneider-Kreuznach كونسەرنىمەن سەرىكتەستىك كەلىسىم جاسادى، وبەكتيۆتىڭ وپراۆاسىندا شىعارىلعان ونىڭ اتاۋى فوتوگرافيامەن تانىس كەز-كەلگەن ادامعا ساپا كەپىلدىگى بولىپ تابىلدى. سودان بەرى Samsung فوتوكامەرالارىنىڭ بارلىق توپ-ۇلگىلەرىنىڭ وبەكتيۆتەرىندە نەمىس ءالىپبيى ارىپتەرىنىڭ ايتىلۋى قيىن تىركەسى پايدا بولدى.
ارينە، ەشكىم دە بۇل وبەكتيۆتەردى گەرمانيادا جاساعان جوق جانە كورەي كامەرالارىنا ولاردى بەكىتىپ وراپ قويعان جوق. فيرمالىق «شنايلەرلىك» وپتيكانىڭ ءوندىرىسى Samsung زاۋىتتارىندا ليسەنزيا بويىنشا جانە نەمىس كونسەرنىنىڭ ايقىن قاداعالاۋىمەن جولعا قويىلدى. ءبىز بىلەتىندەي، جاپوندىقتار دا ساندىق داۋىرگە وسىنداي جولمەن كەلدى: Leica AG-مەن كەلىسىم جاساعان Panasonic كومپانياسى جانە Carl Zeiss وپتيكاسىن كەڭىنەن قولداناتىن Sony كورپوراسياسى. 

ەڭ قىزىعى، Samsung كومپانياسى 1990 جىلداردىڭ سوڭىندا اينالى كامەرالار بۋىنىندا Schneider-Kreuznach وپتيكاسىمەن ءوزىنىڭ العاشقى اۆتوفوكۋستىق ەمەس Samsung SR4000 ايناسىن شىعارىپ، «كوشباسشى بەستىكپەن» (ول كەزدەرى الدىڭعى قاتارلى فوتوتەحنيكا ءوندىرۋشى جاپون فيرمالارى اتالاتىن: Canon، Nikon، Olympus، Minolta جانە Pentax) باسەكەلەسۋگە تىرىسقانى.
كامەرا جامان بولعان جوق، باسقارۋى الدىن الا ويلاستىرىلعان جانە كورپۋسى «ۇستاۋعا يكەمدى»، ال Schneider وپتيكالىق سىزىقشاسىندا، شتاتتىق ەلۋلىكتەن باسقا، اينىمالى فوكۋستىق اراقاشىقتىعى بار ءۇش وبەكتيۆ قامتىلعان. الايدا، ايقىن قۇندىلىعىنا قاراستان، فوتواپپارات قانداي دا ءبىر ايقىن قىرىمەن ەرەكشەلەنگەن جوق، سوندىقتان اتى جاقسى شىققان فوتووندىرۋشىلەردىڭ ونىمدەرى اراسىنا «ەنىپ كەتتى». Samsung كومپانياسى فوتونارىقتا ءالى كۇنگە دەيىن اۋەسقوي جيناقى-كامەرالاردى ءوندىرۋشى رەتىندە عانا قابىلدانىپ كەلدى. وسىلايشا، «ءۇلدىر ءداۋىرىنىڭ» سوڭىنا قاراي رەسەيدىڭ بارلىق جەرىندە Samsung ۇلگىلەرىنىڭ ءۇش فوتوكامەراسى ساتىلدى. ءبىرىنشىسى، ەڭ قاراپايىمى – f/4.5 جارىق كۇشى بار 30 ميلليمەترلىك تياناقتالعان وبەكتيۆىمەن، جارقىلداعى بار جانە ءۇلدىرى اۆتوماتتى تۇردە ورالاتىن Fino 40s. ەكىنشىسى، بارىنشا فۋنكسيونالدىسى – وپتيكالىق ترانسفوكاتورى بار، 35-تەن 70 مم-گە دەيىنگى فوكۋستىق اراقاشىقتىقتى قامتيتىن Vega 700. جانە ءۇشىنشىسى، ەڭ «جاڭاسى» – امبەباپ زۋم-وبەكتيۆى 28-90 مم فوكۋستىق اراقاشىقتىقتان وقي الاتىنداي نەگىزگى ەرەكشەلىگى بار جانە ۇستالىمدى قولمەن (bulb) باسقارۋ مۇمكىندىگى مۇنداي كامەرا ءۇشىن كۇماندى Vega 290W. ايتارلىقتاي فوتووندىرۋشىلەردىڭ قاتارىنان تابىلۋ ءۇشىن، بۇنىڭ جەتكىلىكسىزدىگى ايقىن ەكەندىگى راس قوي. الايدا، ءبىز ءقازىر كورىپ وتىرعانىمىزداي، ول كەزدە Samsung كومپانياسىنىڭ كەلەشەگى ءالى الدا بولدى.

ساندىق فيلوسوفيا
«Samsung Electronics» كومپانياسى ءوزىن «ريەۆوليۋسيالىق ساندىق جۋىقتاۋ ءداۋىرىنىڭ» كوشباسشىسى رەتىندە كورەدى؛ ءبىزدىڭ مىندەتىمىز – ءبىزدىڭ كومپانيانى ساندىق – Digital-ε Company كومپانياسىنا اينالدىرا وتىرىپ، وسى كورگەنىمىزدى شىندىققا اينالدىرۋ – كورپوراسيانىڭ رەسمي سايتىندا Samsung Electronics فيلوسوفياسىنىڭ ءمانى وسىلاي تۇجىرىمدالعان. بۇل فيلوسوفيانى ومىردە ءوز قىزمەتىنىڭ بارلىق سالالارىندا، سونىمەن قاتار فوتوتەحنيكا وندىرىسىندە دە، جۇزەگە اسىرۋدى كومپانيا 1990 جىلداردا باستاعان.
1994 جىلى حالىققا سالىستىرمالى تۇردە شاعىن Samsung SSC-410N ساندىق فوتوكامەراسى ۇسىنىلدى، ول ءپىشىنى بويىنشا زاماناۋي ءدۇربىنى نەمەسە كىشىگىرىم ۆيدەوپروەكتوردى ەسكە سالاتىن، ول 768 ح 484 پيكسەلدىك انىقتىعى بار 1/3-ديۋيمدىك سسD-ماتريسامەن، 40-120 مم-لىك فوكۋستىق اراقاشىقتىققا ساي زۋم-وبەكتيۆپەن جانە كولەمى 4 مب بولاتىن كىرىكتىرىلگەن جادى مودۋلىمەن جابدىقتالعان. الايدا بۇل قۇرىلعى وندىرىسكە تەك 1997 جىلى جىبەرىلدى، ال بۇدان ءبىر جىل بۇرىن فوتودۇكەندەردە Apple جانە Fujifilm برەندتەرى بويىنشا شىعارىلعان، بارىنشا ءداستۇرلى قۇرىلىمداعى شاعىن ساندىق كامەرا – Samsung Kenox SSC-350N پايدا بولدى. 
Kenox SSC-350N-دا كەسكىندەردى تىركەۋگە 640 ح 480 پيكسەلدىك انىقتىعى بار CCD-ماتريسا جاۋاپ بەرەدى، اقپارات SmartMedia پىشىنىندەگى سالىنبالى جادى كارتاسىنا جازىلادى. ال قالعان ماسەلەدە اپپارات ءوز كەزەڭى ءۇشىن بارىنشا قاراپايىم بولاتىن: پلاستيك كورپۋسى، 38 مم فوكۋستىق اراقاشىقتىققا ساي جيناقتايتىن وبەكتيۆى، ¼-تەن 1/5000-عا دەيىن ۇستالىم دياپوزونى جانە ءبىر عانا مۇمكىن بولاتىن جارىققا سەزىمتالدىق ءمانى – ISO 100 بىرلىگى. ەسەسىنە بۇل قۇنى $1000-دان تومەن بولعان ساندىق فوتواپپاراتتاردىڭ العاشقىلارىنىڭ ءبىرى بولدى، سوندىقتان Kenox SSC-350N كومپانيانىڭ جەكە مەنشىك ءونىمى بولماعان دەگەن ەسكەرتپەمەن، Samsung-تى ساندىق فوتوتەحنيكا ءوندىرىسىنىڭ پيونەرى دەپ سەنىمدى تۇردە ايتۋعا بولادى.
كوممەرسيالىق جەتىستىكتەن ناقتى ۇمىتكەر بولا الاتىن Samsung ساندىق جيناقتامالارىنىڭ مودەلدىك ونىمدەرى العاش PMA 2002 كورمەسىندە تانىستىرىلدى.  
3 ەسەلى زۋمى بار 2-مەگاپيكسەلدىك Samsung Digimax 230 ساندىق جيناقتاماسى مودەلدىك تىزبەكتى باستادى، ودان كەيىن 3-مەگاپيكسەلدىك Digimax 340، ونىڭ سوڭىنان – ودان ءسال فۋنكسيونالدى، 3-مەگاپيكسەلدىك قۇرىلعىمەن جابدىقتالعان Digimax 350SE كەلە جاتتى، ال بۇل ءتىزىمدى 4-مەگاپيكسەلدىك Digimax 410 اياقتايدى.
2004 جىلى قازان ايىندا گادجەت سۇيەر قاۋىم Samsung Electronics كومپانياسى الەمدەگى ەڭ العاشقى ماتريساسىنىڭ انىقتىعى 5-مەگاپيكسەل بولاتىن كامەروفون شىعارعانىن قۋانا ەسىپ جاتتى، ال كەلەسى كوكتەمدە 7-مەگاپيكسەلدىك كامەراسى بار العاشقى كورەي تەلەفونى شىعارىلدى. الايدا شىن مانىندە فوتوكامەرا ءوندىرۋ ىسىندە ءبارى تاماشا بولا قويعان جوق: ولار جەتىلدىرىلدى، ءبىراق ءالى دە كوپتىڭ ءبىرى بولىپ قالا بەردى. كورەي كورپوراسياسى تۋرالى ەرەكشە ءفوتووندىرۋشى رەتىندە ايتىلۋى ءۇشىن، ايقىن، ناعىز  جاڭاشىل ءونىم شىعارۋ قاجەت بولدى. مۇنداي ءونىمدى، شىندىعىندا – ولاردىڭ سەريالارىن شىعارۋعا، Samsung Electronics ماماندارى 2005 جىلى كىرىستى.

شوكولادتى ينتەرفەيس
كوپتەگەن ماركەتينگتىك زەرتتەۋلەر جۇرگىزىلگەننەن كەيىن «ارمان بولعان كامەرانى» ازىرلەۋشى توپ الەۋەتتى تاسىمالداۋشىلاردىڭ ءۇش نەگىزگى پىكىرىن نازارعا الدى:
-    مەن ءفوتوتۇسىرىلىم تۋرالى ەشنارسە بىلمەيمىن، ءبىراق ءبارىبىر دە كاسىبي مامان رەتىندە كورىنگىم كەلەدى؛
-    ماعان جۇقا ءارى ادەمى ديزاين ۇنايدى؛
-    فوتوكامەرا ءوز تاعايىندالىمى بويىنشا ساقتالىمدى.
باسقاشا ايتقاندا، ولاردىڭ الدىندا ءسىزدىڭ قولىڭىزدا فوتواپپاراتتىڭ ناق ءوزى ەكەندىگىنە ەشكىمنىڭ كۇمانىن تۋدىرمايتىنداي ۇزدىك ديزاينمەن، تەحنيكالىق جاعىنان ءمىنسىز فوتواپپاراتتار سەرياسىن جاساۋ تۇردى.
شىعىس تۇسىنىگىندە، ءوز كورپوراسيالارىنا جان-تانىمەن بەرىلگەن، ال باتىس تۇسىنىگىندە دالەلدى قۇراستىرۋشىلار ءوز كەڭسەلەرىندە وتىرىپ، ەشكىمگە تۇسىنىكسىز بىردەڭەلەردى ايتىپ جۇرەتىن زومبيلارعا ۇقساپ كەتتى. بەلگىلى تەحنيكالىق سيپاتتامالارعا سۇيەنگەن بەc جۇزدەن استام سىزبالىق نۇسقالار جاسالدى؛ ولاردىڭ بارلىعى دا كورنەكتى بولىپ شىقتى، ءبىراق ءبىر عانا ەستە قالارلىق ديزاين جەتكىلىكسىز بولدى: كامەرانى باسقارۋ قاعيداسىنىڭ وزىندە جاڭاشىل شەشىمدەر بولۋى تالاپ ەتىلدى. وسى كەزەڭدەردى ەسكە الا وتىرىپ، ازىرلەۋشىلەر وزدەرىنىڭ وتە كوپ مولشەردە تۇتىنعان شوكولادتارىنىڭ ارقاسىندا ءتىرى قالعاندارىن مويىندايدى. ءبىر كۇنى «كەڭسە تۇتقىندارىنىڭ» ءبىرى جۇمىس ۇستەلىندە جەي باستاعان شوكولادىنا تەسىلە قاراپ وتىرىپ، كەنەت: «ءبىز مازىردەگى ورنالاستىرۋ باتىرمالارىنا توعىز كىشى بولىكتەردەن تۇراتىن شوكولاد تاقتاسىنىڭ ءپىشىنىن بەرە الامىز» دەيدى. بارلىعى بۇل ءسوزدى قالجىڭ رەتىندە قابىلدادى، سودان كەيىن ازىق بولىپ باستالىپ، اۋرەگە سالعان كەسكىننىڭ سوڭعى نۇسقاسى بولعان ويعا جارماستى. وسىلايشا، سك-ديسپلەيدىڭ شەتىندە ورنالاسقان سەنسورلىق باتىرمالاردىڭ كومەگىمەن كامەرانى باسقارۋ قاعيداسى ومىرگە كەلدى، ول باسقا كامەرالاردىڭ كوپشىلىگىندە قولدانىلاتىن، ادەتتەگى ءتورت باتىرمالى دجويستيكتەردەن ايرىقشا ەرەكشەلەنەتىن. وسى تاماشا ەستە قالارلىق ديزاينى بار جانە فۋنكسيونالدىق مۇمكىندىكتەرگە باي ءبىرتۋما، مۇلدە جاڭا تۇتىنۋشىلىق ينتەرفەيس NV (New Vision) سەريالارىنىڭ Samsung كامەرالارىنا 2006 جىلى فوتونارىقتا ەڭ كورنەكى جاڭا ونىمدەردىڭ ءبىرى بولۋعا مۇمكىندىك بەردى.

---