الەۋمەتتىك جەلىنىڭ پايداسى مەن زيانى
قازىرگى تاڭدا قاتتى دامىپ كەتكەن جايتتاردىڭ ءبىرى، ول- الەۋمەتتىك جەلى. كۇندەلىكتى ءومىردىڭ جارتىسىن، كەيدە ودان دا كوپ بولىگىن الىپ كەتىپ جاتادى. بەسىكتەگى بالاعا دا، ەڭكەيگەن كارىمىزگە دە الەۋمەتتىك جەلى قىزىق. بەينە ءبىر ءومىردىڭ ءمانى سەكىلدى. ال ءبىز بۇل الەۋمەتتىك جەلى ارقىلى قانشا ۋاقىتىمىزدى زايا كەتىرىپ جاتىرمىز.ءتىپتى ەشبىر بالا دالاعا شىعىپ ءبىر- بىرىمەن وينامايدى، ۇلكەندەرىمىز نەمەرەلەرىنە ەرتەگى ايتۋدان قالدى. ال وقۋشىلار مەن ستۋدەنتتەر كوپ كىتاپ وقۋدىڭ ورنىنا وسى الەۋمەتتىك جەلىدە بوس ۋاقىتتارىن وتكىزەدى. ادام ءاربىر مينۋتىن باعالاۋ كەرەك. ءومىردى بوس الەۋمەتتىك جەلىگە ۇنىلۋمەن وتكىزبەۋ كەرەك. وزىنە كەرەكتى، پايدالى ىسپەن اينالىسۋ كەرەك. سەبەبى «ۋاقىتتىڭ بوس وتكەنى - ءومىردىڭ بوس كەتكەنى». سوندىقتان ادام ءاربىر ۋاقىتىن ءتيىمدى جۇمساۋ كەرەك.
ادامدار الەۋمەتتىك جەلىگە نە ءۇشىن كىرەدى؟ بارلىعى نەگە تاۋەلدى؟ - دەگەن سۇراقتار تۋىندايدى. قازىرگى كەزدە الەۋمەتتىك جەلىلەردىڭ دامىعانى سونشالىق ءتۇرلى سايتتار پايدا بولىپ جاتىر. ولاردىڭ ىشىندە كوپ ادامدار قولداناتىنى: Instagram، ۆكونتاكتە، Facebook، You Tube، ودنوكلاسنيكي جانە باسقالارى. بۇل پروگراممالار نەسىمەن قىزىق؟ بىرىنشىدەن، جۇلدىزدار مەن تانىمال تۇلعالاردىڭ ومىرىنە قاراپ، جاستاردا تانىمالدىلىققا قىزىعۋشىلىق پايدا بولادى. تانىمال بولامىز دەپ ءارتۇرلى نارسەلەر جاسايدى. ەكىنشىدەن، پاراقشالاردا جاس ەرەكشەلىگى كورسەتىلمەگەندىكتەن، كەيبىر بەينەفيلمدەر بالانىڭ پسيحيكاسىنا كەرى اسەرىن تيگىزەدى، مىسالى، بىرەۋدى ۇرىپ- سوعىپ جاتقان، جانۋارلاردى قيناپ، مازاق ەتىپ تۇسىرىلگەن بەينەفيلمدەر جاستاردى قاتىگەزدىككە باۋليدى. ۇشىنشىدەن، ازاننان كەشكە دەيىن ۇيالى تەلەفوندا نەمەسە كومپيۋتەردە وتىرا بەرۋ كوز قىزمەتىنىڭ بۇزىلۋىنا الىپ كەلەدى.تورتىنشىدەن، الەۋمەتتىك جەلى ادامدى بەلسەندى ەمەس تۇتىنۋشىعا، ياعني ادامدى جالقاۋ تۇلعاعا اينالدىرادى.
ارينە، الەۋمەتتىك جەلىنى ادامدار ءارتۇرلى ماقساتتا پايدالانادى، ونىڭ ىشىندە جاڭا نارسەلەردى جاساپ، سونى جۇرتقا ۇسىنۋعا دا مۇمكىندىك بار. ءبىراق كوپ ادامدار جاڭا نارسە جاساعاننان، ۇسىنىلىپ جاتقان اقپاراتتاردى تۇتىنعاندى ءجون سانايدى.
تاياقتىڭ ەكى ۇشى بولاتىن سياقتى، الەۋمەتتىك جەلىنىڭ دە پايداسى از ەمەس. الەۋمەتتىك جەلىنى دۇرىس قولدانىپ جۇرگەندەر دە بار. الەۋمەتتىك جەلى كومەگىمەن بىرەۋ ءوز بيزنەسىن جۇرگىزىپ جاتسا، بىرەۋ قايىرىمدىلىق جۇمىستارىن وتكىزىپ جاتىر، ەندى بىرەۋى ءوزىنىڭ وقىپ، كورىپ، بىلگەن-تۇيگەنىن جۇرتپەن ءبولىسىپ جاتىر. بۇرىن تانىمايتىن، بىلمەيتىن ادامدارمەن ارالاسىپ، پىكىر الماسۋعا جانە ءوز پىكىرلەستەرىڭدى تابۋعا كومەكتەسەدى. الەۋمەتتىك جەلى ارقىلى سوڭعى جاڭالىقتار مەن وقيعالاردان ءاردايىم حاباردار بولىپ وتىراسىڭ. وعان قوسا الەۋمەتتىك جەلى ارقىلى ءتۇرلى كوڭىل كوتەرەتىن مۋزىكالار مەن اندەر، فيلمدەر مەن كىتاپتار، لەكسيالار مەن ماقالالاردى دا قالاعانىڭشا تاۋىپ وقۋعا بولادى.
ەندى الەۋمەتتىك جەلىگە كىرەر الدىندا ءسىز قانداي ماقساتپەن كىرىپ جاتقانىڭىزدى ويلانىڭىز؟! التىن ۋاقىتىڭىزدى بوس كەتىرمەي، جاقىندارىڭىزعا، دوستارىڭىزعا ارناڭىز.
«بوگەتساي مەكتەپ-گيمنازياسى» كمم
9-سىنىپ وقۋشىسى امانيازوۆا مەيرىم
جەتەكشىسى: ماحانالينا باگداگۋل رازاكبەرگەنوۆنا
You Might Also Like
-
ابىلاي حاننىڭ زامانىندا قالماقتىڭ قوڭتاجى دەگەن حانى قالىڭ قولمەن كەلىپ، قازاقتىڭ بەيبىت جاتقان ەلىن ءبىر شەتىنەن شاۋىپ كەتەدى. قورالى قوي، ءۇيىرلى جىلقى اكەتەدى. قۇل ەتەمىن دەپ ۇل اكەتەدى. كۇڭ ەتەمى...
-
جازعى جاسىل جايلاۋدىڭ كوز قۇرتىن تارتار ءسانىنىڭ ءبىرى — كول جاعالاي، وزەندى بويلاي جۇرەتىن، جايلاۋ ءتوسىن دۋمانعا بولەگەن قاز بولسا كەرەك. اق قانات بالاپاندارىن ارتىنان ەرتىپ، وزىنە ءتان ۇنىمەن ...
