InfoHub Logo

الماس شاعىن اۋىلدا اجەسىمەن بىرگە تۇراتىن. ول ساباقتى ناشار وقىدى. اناسى جۇمىس بارىسىمەن باسقا قالالاردا جۇرەتىن. ول ۇيگە سيرەك كەلسەدە، ءار جولى الماسقا سىيلىقتار اكەلەدى. 

الماستىڭ سۇيىكتى ءىسى بالىق اۋلاۋ بولدى. ول ءوزىنىڭ مىسىعى مۋركانى ءاردايىم قاسىنا الىپ جۇرەتىن.  

ءبىر كۇنى اناسى الماسقا سىيلىق رەتىندە ەرەكشە بالىق اۋلايتىن قارماق اپەرەدى. ساباقتى ۇمىتقان الماس، بالىق اۋلاۋعا ارنالعان جاڭا قۇرالعا تامسانىپ ءجۇردى. كۇندەردىڭ ءبىر كۇنى الماس تەڭىزدە بالىق اۋلاپ جاتىپ، قارماققا ءبىر نارسە ىلىنگەنىن بايقايدى. ونىڭ قۋانىشىندا شەك بولمادى، سەبەبى، بۇل التىن بالىق بولاتىن! الايدا، ول بالىق كەنەت سويلەپ كەتتى: بالاقاي، مەنى جىبەر، ول جەردە مەنىڭ كىشكەنتاي بالالارىم بار. مەن ساعان كومەكتەسەمىن!"، - دەيدى. 

الماس مىسقىلداپ كۇلىپ: "سەن ماعان نەگە كەرەكسىڭ؟ مەن سەنى ۇيگە اپارامىن، اجەم بالىق سورپاسىن پىسىرەدى". التىن بالىق تاعى دا جالىنادى: "بالاقاي، مەنىڭ بالالارىما بارۋعا رۇقسات ەتشى، مەن سەنىڭ بارلىق تىلەكتەرىڭدى ورىندايمىن. ەندى نە قالايسىڭ؟" الماس وعان: «مەن ۇيگە بارعاندا، بارلىق تاپسىرمالارىم ورىندالىپ تۇرسىن!» دەپ جاۋاپ بەرەدى. التىن بالىق وعان: «ساعان بىردەڭە كەرەك بولسا، جاي عانا ايت» دەيدى دە بۇيرىعىمەن، الماستىڭ قالاۋى ورىندالسىن... ،- دەيدى. وسى سوزدەردەن كەيىن الماس التىن بالىقتى وزەنگە جىبەردى، ال ول قۇيرىعىن بۇلعاپ، ءجۇزىپ كەتتى. سونىمەن الماستىڭ ءومىرى وزگەرە باستادى. ونىڭ ساباق ۇلگەرىمى جاقسارىپ، اجەسىن قۋانتىپ ءجۇردى. 

بىردە الماس سىنىپتاسىنىڭ كومپيۋتەرىن كورىپ، قىزىعىپ كەتەدى. ءسويتىپ ول دەرەۋ تەڭىزگە قاراي اسىقتى. «التىن بالىق!التىن بالىق!» دەپ داۋىستاپ شاقىردى. وعان التىن بالىق ءجۇزىپ كەلىپ: - نە بولدى، بالاقاي؟ الماس وعان جاۋاپ بەرەدى: «مەن ينتەرنەتى بار كومپيۋتەردى قالايمىن!». التىن بالىق وعان: «قىمباتتى بالاقاي، ءبىزدىڭ تەڭىزدە مۇنداي تەحنيكانى بەرەتىن بالىق ءالى پايدا بولمادى، رۋحاني جاڭعىرۋ بىزگە جەتكەن جوق، مەن ساعان بۇل جاعىنان كومەكتەسە المايمىن، قازىرگى زاماندا اركىم ءوز بەتىمەن جۇمىس ىستەۋى كەرەك»، - دەپ جاۋاپ بەردى. وسى سوزدەردەن كەيىن التىن بالىق جوعالىپ كەتتى. 

الماس تىلەگىنىڭ ورىندالماعانىنا قايمىعىپ، ۇيىنە رەنجىپ قايتتى، ەندى ساباقتى ءوزىنىڭ وقۋىنا تۋرا كەلەدى. ول بۇل تۋرالى ۇزاق ويلانىپ، ەندى بالىق اۋلاماي، ساباق ۇلگەرىمىن ءوز كۇشىمەن جاقسارتۋعا كوشتى. ونىڭ ءتارتىبى تۇزەلىپ، قاتارلاستارىنىڭ اراسىندا ەش قىسىلماي جۇرە الاتىن بولدى. الماس اناسى مەن اجەسىن قۋانتىپ، ءوز ومىرىنە ءدان ريزا. ال جاقسى ۇلگەرىمى ءۇشىن اناسى الماسقا ينتەرنەتى بار جاڭا كومپيۋتەر سىيلادى. مىنە، ەڭبەكتىڭ جەمىسىن كورۋ دەگەن وسى، بالاقاي!

---