قاتتى كەرەك بولسا - قالتالارىنان تولەپ اپەرسىن
بۇگىن ماجىلىستەگى كوممۋنيستەر فراكسياسىنداعى ايقىن قوڭىروۆ باستاعان دەپۋتاتتار ءبىلىم جانە عىلىم ءمينيسترى ە.ساعادييەۆ پەن سۋ جاڭا قورعانىس ءمينيسترى س.جاسۇزاقوۆقا قىزىق ءارى ادىلەتتى تالاپ قويدى.
دەپۋتاتتار كۇندەلىكتى، مەرەكەلىك جانە سپورتتىق بولىپ ءۇش تۇرگە بولىنگەن مەكتەپ فورماسى ءبىلىم ءمينيسترىنىڭ 2016 جىلدىڭ 14 قاڭتارداعى بۇيرىعىمەن بەكىتىلگەنىن ەسكە سالادى. «جازعان قۇلدا شارشاۋ بار ما» دەگەندەي ءححى عاسىر ەسىكتە تۇرعاندا بالالاردىڭ ءبارىن ينكۋباتوردان شىققانداي ءبىر ءتۇستى ەتكەنگە اتا-انالار كونىپ، قالتالارىن قاعىپ بالالارىنا فورما اپەردى دەيدى دەپۋتاتتار. ءسويتىپ، بالاسىن مەكتەپكە جىبەرگەن 10-11 سىنىپتارداعى بالالاردىڭ اتا-انالارىنا تاعى ءبىر مازاسىزدىق تۋىپتى. سويتسە، باستاپقى اسكەري دايىندىقتان بەرەتىن ءمۇعالىم مەنىڭ ساباعىما كامۋفلياجدى كوستيۋممەن كەلەسىڭدەر دەپ قيعىلىقتى سالىپ جاتقان كورىنەدى. وندايدىڭ باعاسى 20 مىڭنان باستالىپ، ودان ءارى وسە بەرەتىن كورىنەدى. قالت-قۇلت ەتىپ، كۇندەرىن زورعا كورىپ وتىرعان كەيبىر اتا-انالار «بالالارىمدى مەكتەپكە جىبەردىم-اۋ، ايتەۋىر» دەپ «ۋح» دەگەندە تاعى مىناداي تالاپ شىعىپتى. بۇل تالاپتىڭ شەتى مەن شەگى بولا ما دەگەن ءبىر توپ اتا-انا ماجىلىستەگى كوممۋنيستەر فراكسياسىنا شاعىم ايتا كەلىپتى.
كوممۋنيست دەپۋتاتتار ءبىلىم جانە عىلىم ءمينيسترىنىڭ جوعارىدا اتالعان بۇيرىعىندا مۇنداي تالاپتىڭ جوق ەكەنىن ايتىپ، ەگەر سپورتتىق فورمامەن ءسىزدىڭ ۆەدومستۆوڭىزعا قارايتىن ءپاندى وتكىزۋگە مۇمكىنشىلىك بولماسا كامۋفلياجدى كوستيۋمدەردىڭ قىسقى-جازعى تۇرلەرىن مەكتەپتەرگە مينيسترلىكتىڭ ەسەبىنەن الىپ بەرىڭىزدەر دەگەن تالابى بار دەپۋتاتتىق ساۋال جولدادى. ابدەن ادىلەتتى ەكەنى كورىنىپ تۇر، ءبىراق سوعان جاڭا مينيستر كونە قويسا جاقسى عوي...
س.ەلەۋ، ساراپشى.
You Might Also Like
-
1 قىركۇيەك كۇنى ومبىداعى №130 ورتا مەكتەبىندە قازاق ءتىلىن وقىتۋ ورتالىعىنىڭ تۇساۋكەسەرى ءوتتى. بۇل - وبلىستا سوڭعى ەكى جىلدا اشىلعان جەتىنشى ورتالىق. قازاق ءتىلىن وقىپ-ۇيرەنگىسى كەلەتى...
-
الماتى قالاسىنىڭ تۇرعىنى، كوپ بالالى انا جاننا كيم «قازاقپارات» حاا تىلشىسىنە بالالارى نە ءۇشىن جاڭا وقۋ جىلىندا ساباقتان قالعانىن ايتىپ بەردى.
