InfoHub Logo

2021 جىلى 25-قىركۇيەك الماتى قالاسى اكىمدىگى قوعامدىق دامۋ باسقارماسى جانە الماتى قالالىق “جاس وتان” جاستار قاناتىنىڭ قولداۋىمەن، "ۆولونتەرلار ليگاسى" قوعامدىق قورى جانە الماتى پىكىرسايىس فەدەراسياسىنىڭ ۇيىمداستىرۋىمەن قالالىق “ALMATY CUP 1” اپف فورماتىنداعى ءتۋرنيرى ءوتتى.

تۋرنير «DEPO Evolution Park» جاستار لوفت-ورتالىعىندا، كوللەدج جانە ۋنيۆەرسيتەت ستۋدەنتتەرىنىڭ قاتىسۋىمەن «ءسوز بوcتاندىعى» تاقىرىبىندا ءوتتى.  

اتالمىش تۋرنير الدىندا شەشەندىك ونەرگە بايلانىستى ZOOM قوسىمشاسى ارقىلى ونلاين ماستەر-كلاسس ۇيىمداستىرىلىپ، كەلەسى كۇنى وففلاين دەباتتىڭ ماۋسىماشارى ءوتتى..

ماۋسىماشار پىكىرسايىسقا دەبات مايتالماندارى قاتىستى. تورەشىلەر ويىنعا تىركەلگەن 24 فراكسيانى ءوزارا ءبولىپ، تۋرنير بارىسىن ءتۇسىندىرىپ ءوتتى. 1-راۋند – ىرىكتەۋ، فراكسيالارعا «بۇل پالاتا ەۋروپالىق وداق رەتىندە ترانساتلانتيكالىق ساۋدا جانە ينۆەستيسيالىق سەرىكتەستىككە كەلىسىمىن بەرەدى» اتتى رەزوليۋسيا بەرىلدى. 2-راۋندقا جاعداياتتىق قارار ۇسىنىلدى. 3- راۋند بويىنشا «بۇل پالاتا حالىقارالىق قاۋىمداستىق رەتىندە تاليبان ۇكىمەتىنە اۋعانستان رەزەرۆتەرىن پايدالانۋعا رۇقسات بەرەدى» دەگەن رەزوليۋسيا ءبولىندى. 3 راۋندتان سوڭ تىركەلگەن 24 فراكسيانىڭ 8ء-ى قالىپ، «بۇل پالاتا لۋكاشەنكو رەتىندە بەلارۋس رەسپۋبليكاسى باسشىسى بولعانشا رەسەي قۇرامىنداعى بەلارۋس وبلىسىنىڭ گۋبەرناتورى بولعان ءتيىمدى دەپ ەسەپتەيدى» اتتى قارار بويىنشا پىكىرتالاس باستالدى. ودان سوڭ جارتىلاي فينالعا 4 كوماندا قالىپ، فينالدا «بۇل پالاتا 30 جىلدا ەڭ جاقسى دامۋ جولىن كورسەتكەن پوستكەڭەستىك رەسپۋبليكانى كورسەتەدى» اتتى رەزوليۋسيا بەرىلدى. «ۇزدىك تورەشى» نوميناسياسىن ءالىشباي مۇحامەدالى، «ۇزدىك ۇيىمداستىرۋشى» نوميناسياسىن جەڭىسحان قىزى ايدانا يەلەندى. فراكسيالار بويىنشا، 4-ورىنعا «فەنيكس»، 3-ورىنعا «ءادىل ساياسات»، 2-ورىنعا «فەنومەن» جانە 1-ورىنعا «جاستار ارلانس» فراكسياسى يەلەندى.

---