«التىن بەلگى» يەگەرلەرىنىڭ ءبىرشاماسى مەملەكەتتىك گرانت الا المايتىن بولدى
ءبىلىم بەرۋ گرانتتارىن بەرۋ جونىندەگى رەسپۋبليكالىق كونكۋرستىق كوميسسياسى جۇمىسىنىڭ الدىن الا قورىتىندىلارى بويىنشا «التىن بەلگى» مەدال يەگەرلەرىنىڭ ءبىرشاماسى مەملەكەتتىك گرانت ەسەبىنەن ءبىلىم الا المايتىندىقتارى بەلگىلى بولدى. بۇل تۋرالى ق ر ءبىلىم جانە عىلىم مينيسترلىگىنىڭ باسپا ءسوز قىزمەتى حابارلادى.
«بيىل 2059 «التىن بەلگى» يەگەرى وقۋىن ەلىمىزدىڭ جوو-دا جالعاستىرۋعا نيەت ءبىلدىردى. الايدا، ولاردىڭ دەنى باسەكەلەستىك دەڭگەيى جوعارى قارجى-ەكونوميكالىق نەمەسە الەۋمەتتىك-گۋمانيتارلىق باعىتتاعى ماماندىقتاردى تاڭداپ الىپ وتىر. كوپشىلىك ەلىمىزدە سوڭعى جىلدارى يندۋستريالىق-يننوۆاسيالىق دامۋ باسىمدىقتارىنا كوپ كوڭىل ءبولىنىپ جاتقانىن ەسكەرمەي كەلەدى. بيىل دا مەملەكەتتىك گرانتتاردىڭ كوپ بولىگى اتالعان باسىمدىقتاردى جۇزەگە اسىرۋدى كوزدەپ، ەڭبەك نارىعىنىڭ قاجەتتىلىكتەرىنە باعىتتالىپ وتىر»، - دەلىنگەن حابارلامادا.
ق ر ءبىلىم جانە عىلىم مينيسترلىگى جوعارى وقۋ ورىندارىنىڭ باسشىلىعىمەن بىرلەسىپ، مەملەكەتتىك گرانتتاردى الا الماي قالعان «التىن بەلگى» يەگەرلەرىنىڭ ىستەرىن جەكە-جەكە قاراستىرىپ، ولاردىڭ جوو قاراجاتى ەسەبىنەن ءبىلىم الۋ مۇمكىندىگىن قاراستىرماق.
You Might Also Like
-
جاس وتاۋدا باقىت تاڭى اتقان كۇن (جاس جۇبايلارعا تىلەك)
