«امال» مەرەكەسى — بىرلىكتىڭ نىشانى
ح. دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتى
جۋرناليستيكا ماماندىعىنىڭ lll كۋرس ستۋدەنتى تىلەۋجان ۇلپان
ەلىمىزدىڭ باتىس وڭىرىندە ەرەكشە مەرەكە، ءىلتيپاتتىڭ ءيىسى سەزىلەتىن ءداستۇر بار. ول كوكتەم كەلىپ، جەر كوگەرگەندە، ەل دە قىستان امان شىقتى، تۋعان-تۋىسپەن قاۋىشىپ، مارقايىپ قالسىن دەگەن نيەتتەن تۋىنداعان — «امال» مەرەكەسى. كۇنتىزبە ناۋرىزدىڭ ون ءتورتىن كورسەتكەن بويدا، ەل جۇرت ەلەڭ الاڭنان جاسى ۇلكەنگە سالەم بەرىپ، «جاسىڭ قۇتتى بولسىن" دەسەدى. اتالمىش مەرەكەنىڭ ەرەكشەلىگى — تەك ءبىر كۇن عانا ەمەس، جىل بويى جالعاسىن تابۋىندا.
اتا بابالارىمىز «امال كەلدى، جىل كەلدى» دەگەن. سونداي-اق، حالىق اراسىندا: «امال كۇنى كىمدە-كىم قىرىق اداممەن كورىسەر بولسا، قۇداي تاعالا كۇنالارىن كەشىرىپ، دۇعا-تىلەكتەرىن قابىل ەتەر» دەگەن دە سەنىم بار. ياعني بۇل كۇنى ارازداسقان جان تاتۋلاسىپ، وكپە رەنىشىن ۇمىتۋى ءتيىس.
قازىرگى تاڭدا بۇل ءداستۇر كەڭ ەتەك جايىپ كەلەدى. ءوڭىرارالىق وتكىزىلەتىن ايتىس تا — بۇنىڭ ءبىر دالەلى. اتالمىش ءداستۇردى تەك الەۋمەتتىك جەلى ارقىلى تويلاپ، ءبىر بىرىمەن سۋرەت ارقىلى كورىسەتىندەر دە بار. بۇل ارەكەتتى زاماناۋي تويلاۋ دەيمىز بە...
اباي اتامىزدىڭ «قىرداعى ەل ويداعى ەلمەن ارالاسىپ،
كۇلىمدەسىپ، كورىسىپ، قۇشاقتاسىپ» دەگەن ولەڭىنىڭ ماعىناسىنا تەرەڭ ۇڭىلسەڭىز، بۇل ءداستۇردىڭ ەجەلدەن ماڭىزعا يە ەكەنىن اڭعارۋعا بولادى.
ەندەشە، «امال» مەرەكەسى قۇتتى بولسىن!
You Might Also Like
-
اينۇر بايقارا — قازاقستان-بريتان تەحنيكالىق ۋنيۆەرسيتەتىن بىتىرگەن. قازىرگى ۋاقىتتا اقش-تا پيتتسبۋرگ ۋنيۆەرسيتەتىندە ماگيستراتۋرادا وقيدى. ماماندىعى IT سالاسى. اينۇر، شەتەلگە وقۋعا قالاي تۇسك...
