«AMANAT» جاستار قاناتىنىڭ كەزەكتەن تىس سەزى
كەڭەس جۇمىسىنا پارتيانىڭ اتقارۋشى حاتشىسى اسحات ورالوۆ قاتىستى.
«ەلىمىزدىڭ ساياسي جۇيەسىنىڭ ترانسفورماسياسى «AMANAT» پارتياسىنان باستالدى. ءبىزدىڭ پارتيامىز بارلىق ساياسي وزگەرىستىڭ الدىڭعى قاتارىنان تابىلىپ وتىر. جاڭا قازاقستاندى قۇرۋ جاعدايىندا جاستارعا نەگىزگى ءرول بەرىلەدى. سوندىقتان ناۋرىز ايىنان باستاپ جاستار قاناتىن مازمۇندى قايتا جانداندىرۋ بويىنشا ۇلكەن تالداۋ جۇمىستارى جۇرگىزىلۋدە. تاياۋداعى سەزدە جاستار ۇيىمىن ترانسفورماسيالاۋدىڭ جاڭا تاسىلدەرى جاريالانادى. ولاردىڭ ەڭ الدىمەن ەلىمىزدىڭ بارلىق وڭىرىندەگى «AMANAT» پارتياسى جاستار قاناتى مۇشەلەرىنىڭ ۇسىنىستارى مەن پىكىرلەرىن ەسكەرە وتىرىپ دايىندالعانىن اتاپ وتكىم كەلەدى»، - دەدى اسحات ورالوۆ.
ءوز كەزەگىندە جاستار قاناتىنىڭ ءتوراعاسى نۇرجان جەتپىسبايەۆ سەزدە وسىعان دەيىن اتقارىلعان جۇمىستاردىڭ قورىتىندىسى شىعارىلىپ، پارتيانىڭ ترانسفورماسياسىن ەسكەرە وتىرىپ، جاڭا مىندەتتەر ايقىندالاتىنىن اتاپ ءوتتى. قازاقستاننىڭ بارلىق وڭىرىنەن كەلگەن دەلەگاتتار جاستار قاناتىنىڭ قىزمەتىن جاقسارتۋ بويىنشا عانا ەمەس، جالپى مەملەكەتتىڭ دامۋى ءۇشىن ەكونوميكالىق، الەۋمەتتىك، مادەني سيپاتتاعى يدەيالاردى ۇسىنا الادى.
ورتالىق كەڭەستىڭ وتىرىسىندا الماتى قالالىق ءماسليحاتىنىڭ دەپۋتاتى سەرىك ەسماتوۆ، ماڭعىستاۋ وبلىسىنىڭ «جاستار رەسۋرستىق ورتالىعىنىڭ» ديرەكتورى ابىلاي فازىلبەك، پاۆلودار وبلىستىق ءماسليحاتىنىڭ دەپۋتاتى يرينا چيدۋنچي، جاستار قاناتىنىڭ شىعىس قازاقستان وبلىستىق فيليالىنىڭ ءتوراعاسى الماس ايتمۇقاش جانە ت.ب. ءسوز سويلەدى.
ورتالىق كەڭەسكە جاستار ۇيىمدارىنىڭ كوشباسشىلارى، ءماجىلىس جانە بارلىق دەڭگەيدەگى ءماسليحات دەپۋتاتتارى، عىلىم جانە مادەنيەت قايراتكەرلەرى، اتاقتى سپورتشىلار جانە ت.ب. كىرەدى.
ەسكە سالا كەتەيىك، «AMANAT» پارتياسىنىڭ جاستار قاناتى – 105 مىڭنان استام ادامدى بىرىكتىرەتىن ەلدەگى ەڭ ءىرى جاستار ۇيىمى.
You Might Also Like
-
تابيعات – ادامزاتتىڭ ماڭىزدى جانە اجىراماس بولىگى. بۇل ادام ومىرىندەگى ۇلكەن نىعمەتتەردىڭ ءبىرى. تابيعات كوپتەگەن اقىندار، جازۋشىلار، سۋرەتشىلەر جانە كەشەگى باسقا دا كوپتەگەن ادامدار ءۇشىن شابى...
