InfoHub Logo

تىل-مادەنيەتپەن تىعىز بايلانىستا بولاتىن ونىڭ اجىراماس بولىگى. تىل-دۇنيەنى ەتنيكالىق جاعىنان تانۋدى وزىندىك ەرەكشەلىكپەن كورسەتەدى. تىل-مادەنيەتتىڭ قاجىماس ىرگەتاسى. بۇكىل الەمنىڭ ۇلتتىق بەينەسى،مادەنيەتى،سالت-داستۇرلەرى ۇرپاقتارعا ءتىل ارقىلى بەرىلەدى. ءبىز ءتىلىمىزدى، ءدىنىمىزدى ءاردايىم قۇرمەتتەي ءبىلۋىمىز قاجەت.بۇل ءبىزدىڭ بورىشىمىز دەپ بىلەمىن.ءبىز قازىرگى قوعامدا انا ءتىلىمىزدى قۇرمەتتەي الامىز با،ونى دارىپتەي الامىز با؟ 

ءبىز ادەتتە ادامداردى ونىڭ سويلەۋ مانەرىنە قاراپ، تىلىنە قاراپ جاقسى تانىپ الا الامىز.ءتىل ۇلتىمىزدىڭ اجىراماس ءبىر بولىگى. قازىرگى تاڭدا ءار ادام ءوزىنىڭ قالاعان تىلىمەن سويلەيدى. وعان ەشكىم دە قارسى ەمەس. دەگەنمەن تۋعان ءتىلىمىز قازاق تىلىندە سويلەيتىن بولساق، وزگە ەلگە ۇلگى بولىپ، ءوز ەلىمىزدە باقىتتى بولاتىن ەدىك.قازىرگى تاڭدا كەيبىر جاستارىمىز  قازاق بولا تۇرا، ءوز تىلدەرىن بىلمەيدى. وعان نە سەبەپ؟  ءوز تۋعان ءتىلىن بىلمەي ورىستانىپ كەتكەندەر قانشاما. ارينە، بارلىعى ەمەس،كوپكە توپىراق شاشپايمىن دەگەنمەن كوبىسى ورىس تىلىندە سويلەپ، انا تىلدەرىن ۇمىت قىلىپ جاتىر. مەنىڭ جەكە پىكىرىم بويىنشا، ءبىز ءوز ۇلتىمىزدى، ءوز ءتىلىمىزدى ساقتاماساق، قازاق اتى جويىلىپ كەتۋى عاجاپ ەمەس. ۇلتتىق مۇرانى قالىپتاستىرا وتىرىپ، ءوز بولاشاعىمىز ءۇشىن، قازاق ەلىنىڭ بولاشاعى ءۇشىن ءوز انا تىلىمىزدە سويلەۋىمىز كەرەك.نەگىزى، قازىرگى تاڭدا دا ءوز تۋعان ءتىلىمىزدى ارداقتاپ،سىيلاپ،قۇرمەتتەپ جۇرگەن جاندار قانشاما.سونداي ارداقتى جانداردى كورسەم،قاتتى قۋانامىن.سول سياقتى انا ءتىلىمىزدى قۇرمەتتەيتىن، وزگە ەلگە ناسيحاتتاي الاتىن، قۇدىرەتتىلىگىن تۇسىندىرە الاتىن جانداردىڭ كوپ بولعانىن قالايمىن. حالىقتىڭ جۇرەگى ونىڭ ءتىلى، ال ءتىلى جوعالسا حالقى دا قۇلدىراي باستايدى. سول سەبەپتەن، ءتىلىمىزدى ارداقتاي بىلەيىك. قازاق اتاۋىنا،قازاق تىلىنە ەجەلگى كەزدەن، نامىس جىگەرى مول، قايراتتى، ەر جىگەردى اتا بابالارىمىز جول سالىپ كەتكەن. سول جولدى كىرلەتپەي، بولاشاققا جەتكىزۋ ول جاس ۇرپاقتىڭ،ياعني ءوزىمىزدىڭ قولىمىزدا ەكەنىن ۇمىتپايىق. 

تولەۋحان قىزى بۇلبۇل

---