InfoHub Logo

قازىرگى زاماندى ۇيالى تەلەفونسىز، الەۋمەتتىك جەلىلەرسىز ەلەستەتۋ مۇمكىن ەمەس. بۇل ماقالامدا «الەۋمەتتىك جەلىلەردىڭ» بىزگە تيگىزەر پايداسى مەن زيانى جايلى ايتا كەتكىم كەلىپ وتىر. 21 عاسىر - تەحنولوگيانىڭ شارىقتاۋ كەزەڭىنە جەتىپ جاتقان زامان. بۇگىنگى كۇندە ۇيالى تەلەفون ءومىرىمىزدىڭ اجىراماس بولىگىنە اينالدى. جۇمىستا بولسىن، تاماقتانۋ بارىسىندا، مەكتەپتە ۇيالى تەلەفوندى پايدالاناتىمىز وتىرىك ەمەس.

ال الەۋمەتتىك جەلىلەرگە توقتالاتىن بولساق. جالپى «الەۋمەتتىك جەلى» دەگەنىمىز نە؟ الەۋمەتتىك جەلى-بۇل ميللياردتاعان ادامداردىڭ كۇندەلىكتى جاڭالىقتارىمەن، قىزىقتى اقپاراتتارمەن ءبولىسىپ، حات-حابار الىساتىن سايتتاردىڭ بىرلەستىگى. قولىمىز بوساي سالا، بارلىعىمىز الەۋمەتتىك جەلىلەرگە كىرىپ كەتەتىنىمىز بار. ۆك، فەيسبۋك، ينستاگرام، Whatsapp، You Tube، Tik-Tok جەلىلەرىندە بارلىعىمىز وتىراتىنىمىز راس. الەۋمەتتىك جەلىنىڭ پايداسى مەن قاتار زيانى دا بار. پايداسى جايلى ايتا كەتسەم: الىستاعى تۋعان-تۋىسقاندارىمىز، دوستارىمىزبەن الەۋمەتتىك جەلىلەر ارقىلى حات-حابار الماستىرا الامىز، عالامتوردان قىزىقتى، پايدالى اقپاراتتاردى الۋ مۇمكىندىگىمىز بار. جانە دە، ەڭ كۇشتىسى باسقا مەملەكەتتەردەن قاشىقتىقتان وقىتۋ باعدارلاماسى ارقىلى ءبىلىم الا الامىز. ايتا بەرسەك، پايداسى وتە كوپ. ال زيانىنا كەلەتىن بولساق: ۆيرتۋالدى الەمگە تولىقتاي بوي الدىرعانبىز، كوبىسى عالامتوردا ساعاتتاپ وتىرىپ، التىنداي ۋاقىتتارىن قۇر بوسقا جىبەرىپ قويادى. ونىمەن قوسا جالپى ۇيالى تەلەفوننىڭ ادام اعزاسىنا تيگىزەر زيانى كوپ. ونىڭ ءبىرى -ەلەكتروماگنيتتىك ورىستەر.

مەن دە وسى الەۋمەتتىك جەلىلەردىڭ قولدانۋشىسىمىن. جوعارىدا ايتا كەتكەن بارلىق الەۋمەتتىك جەلىلەرگە مەندە تىركەلگەنمىن، جانە وسى ۋاقىتقا دەيىن تۇسىنگەنىم، ۋاقىتىمنىڭ كوبىن قۇر بوسقا جىبەرەدى ەكەنمىن. جاي ءبىر قاراپ شىعايىن دەپ، مينۋتتاردىڭ قالاي ساعاتتارعا اينالىپ كەتكەنىن بايقاماي قالاتىنىم راس. ەڭ باستىسى، قولدانۋ بارىسىندا الەۋمەتتىك جەلىنىڭ تەك پايدالى جاقتارىن قاراپ، شەكتەن شىقپاعان دۇرىس.

ەسەنگەلدى ديلناز

---