InfoHub Logo

كوپ جىلدان بەرى بىرگە قىزمەت ىستەپ كەلە جاتقان ەكى جولداس بولادى. مۇنىڭ ءبىرى — ادامنىڭ اڭقاۋى ەكەن دە، ەكىنشىسى — ءارى ايلاكەر، ءارى ەسەپكەر ادام ەكەن.

ءبىر جىلى وسى ەكەۋى سوعىمعا ءبىر سەمىز سيىر ساتىپ الىپ، ونى كوشەمەن جەتەلەپ كەلە جاتادى. اڭقاۋ ەڭ ارعىسى مالدىڭ دا ارىق-سەمىزىن ايىرا بىلمەيدى ەكەن. ال ەندى ايلاكەر قاي مالدى بولسا دا، ءبىر كورگەندە ونىڭ ۇڭعىل-شۇعىلىنا دەيىن بىلەدى ەكەن.

— دوستىم، ساتىپ العان مالىمىز سەمىز بە؟ — دەيدى اڭقاۋ.

— قايدان سەمىز بولسىن. جەرلىك قانا ەتى بار. مەن قار بەكىپ، قىس ءتۇسىپ قالعان سوڭ امالسىزدان الدىم. بولماسا وسى سيىردى الماس تا ەدىم، — دەيدى ايلاكەر.

— وندا مۇنى مەن المايمىن، دوستىم! ءبىراق ەندى سەن رەنجي كورمە. ويتكەنى مەنىڭ بالا-شاعامنىڭ باسى بار عوي. سولارعا كوجە-قاتىق بولارلىق سەمىز ەت كەرەك ەدى، — دەپ، اڭقاۋ ۇيىنە بۇرىلىپ جۇرە بەرەدى.

— اشىقاۋىز اڭقاۋلىعىڭ مەن مال تانىمايتىنىڭ ماعان مۇنداي جاقسى بولار ما؟ بارا بەر، جولىڭ بولسىن، اڭقىلداق اڭقاۋىم! بۇيىرسا، بۇل سيىردان ەكى جارىم بۇت ماي تۇسەدى، — دەپ ايلاكەر ىشىنەن جىمىڭ-جىمىڭ ەتىپ قالا بەرەدى.

 

---