مەنىڭ العاشقى ۇستازىم
ومىردەگى ءقادىرلى ورىن - مۇعالىمدىكى.
ماعجان جۇمابايەۆ
«ۇستازدىق - ۇلى قۇرمەت». نەبىر دانىشپان ادامدار، قاراپايىم ەڭبەككەرلەر دە ءبارى ءبىر ادامعا قارىزدار. ول-العاشقى ۇستاز. ءاربىر ادامنىڭ العاشقى ۇستازى بولادى. مەنىڭ العاشقى ۇستازىم مەكتەپ تابالدىرىعىن قورقىنىشپەن اتتاعان كەزىمدە، ءوز مەيىرىمدىلىگىن كورسەتىپ، ەڭ العاش قولىما قالام ۇستاتتى. ءبىزدىڭ ءبىلىم الاتىن ۇيامىز- مەكتەپ ەكەنىن ءتۇسىندىرىپ،مەكتەپ ەرەجەسىمەن تانىستىرىپ، مەكتەپ ءىشىن ارالاتتى. ەندى وقۋشى بولدىڭدار دەگەندە ءوزىمدى ەرەكشە سەزىندىم.
العاشقى ۇستاز بىلايشا ايتقاندا، مەكتەپتەگى ەكىنشى انامىز. مەنىڭ سۇيىكتى دە العاشقى ۇستازىم - ءنازيرا مۇراتجان قىزى انامداي بولىپ كەتتى. ال انا ءاربىر ادام بالاسىنا قىمبات جان. انانى قالاي ارداقتاساق، ۇستازدى دا سولاي ارداقتايمىز.ۇستازىمىز ءاردايىم ءبىزدى جىلى جۇزىمەن قارسى الاتىن.ۇستازىمدى العاش كورگەندە، بىردەننەن بيىك شەبەرلىگىمەن، قاراپايىمدىلىعىمەن، ادامگەرشىلىگىمەن ءبىزدى باۋراپ الدى. ءنازيرا اپاي بىزگە ءبىلىم بەرۋگە بار كۇشىن سالىپ ات سالىستى كوڭىلى پاك،ويى نازىك شاكىرتتەرىنىڭ جۇرەگىنە اقىل ءدانىن سەپتى. ءبىزدى وقۋعا، ەسەپ شىعارۋعا، ويىمىزدى ايتۋعا ۇيرەتتى. اپايىمىز ءبىزدىڭ تارتىبىمىزگە، تازالىعىمىزعا قاتتى ءمان بەرەتىن. بارلىق ساباقتارىن تارتىمدى ءارى قىزىقتى وتكىزەتىن. ءبىزدى ساباققا قىزىقتىرۋ ءۇشىن سىنىپتان تىس ءىس-شارالاردى دا ءجيى ۇيىمداستىراتىن. ول ءار ۋاقىت كەرەك كەزدە كومەگىن اياماي، اقىلىن ايتىپ، جول كورسەتىپ وتىراتىن دانا ادام.
مەن ۇستازىم سياقتى العا قويعان ماقساتىما جەتكىم كەلەدى. ال مەنىڭ ماقساتىم - اباي اتامنىڭ سوزىمەن ايتسام، وسى دۇنيەگە كىرپىش بولىپ قالانۋ. سوندىقتان دا مەن ءنازيرا اپايىمدى ماقتان تۇتامىن. ويىما وي قوسىپ،بىزگە بار ىقىلاسىمەن ءبىلىم بەرگەن العاشقى ۇستازىم ءنازيرا مۇراتجانقىزىنا العىسىم شەكسىز. مەنىڭ جارقىن بولاشاعىما نۇر سەپكەن اپايىما زور دەنساۋلىق، قاجىماس قايرات، ۇزاق عۇمىر تىلەيمىن!
شىمكەنت قالاسى №3 جوببم
6 «د» سىنىپ وقۋشىسى سۋلتانحودجايەۆا روزاننا
You Might Also Like
-
ورتا ءجۇز قازاقتارى جوڭعار شاپقىنشىلىعىنان ءبىرجولا قۇتىلىپ، جەرلەرى جاۋدان تازارعان كەزدە، ابىلاي، تولە بي باستاعان قازاقتىڭ جاقسى مەن جايساڭدارى قالماق حاندىعىنىڭ تاعىنا وزدەرى ۇناتاتىن جانە قازاق ...
-
كوپ جىلدان بەرى بىرگە قىزمەت ىستەپ كەلە جاتقان ەكى جولداس بولادى. مۇنىڭ ءبىرى — ادامنىڭ اڭقاۋى ەكەن دە، ەكىنشىسى — ءارى ايلاكەر، ءارى ەسەپكەر ادام ەكەن.
