InfoHub Logo

سەنىمدىلىك بىزگە كۇندەلىكتى جاعدايدا، باستىقتان قىزمەتىڭىزدى كوتەرۋ تۋرالى سۇراعان كەزدە، كولىك ساتىپ الۋدا، جينالىستا نەمەسە بولاشاق جۇبايىڭىزدىڭ اتا-اناسىمەن كەزدەسكەن كەزدە اسا قاجەت. ەگەر ءسىز كۇدىك پەن سەنىمسىزدىكتىڭ شىرماۋىنان شىعا الماي جۇرگەن بولساڭىز، وندا ءوزىڭىزدى ماقتان تۇتىپ، ەڭسەڭىزدى كوتەرەتىن كەز كەلدى.

1. ەڭكەيە بەرمەڭىز

ەگەر ءسىز دەنەڭىزدى تىك ۇستاپ، باسىڭىزدى كوتەرىپ جۇرسەڭىز كوزدى اشىپ-جۇمعانشا 145%-عا سەنىمدىرەك بولاسىز.

- اۋەلى شاماڭىز كەلگەنشە سوزىلىڭىز. ءسىزدى بىرەۋ ارقانمەن تارتىپ جاتقانداي سەزىنىڭىز.

- جاۋىرىنىڭىزدى مۇمكىندىگىنشە تومەن، جوعارى تارتىڭىز. ەگەر جازۋ ۇستەلىندە ۇزاق ۋاقىت ەڭكەيىپ وتىرساڭىز، بۇلاي ىستەۋ وڭاي بولمايدى. 

- يەگىڭىزدى كوتەرىپ، تۇپ-تۋرا الدىڭىزعا قاراڭىز. ءجۇرىپ كەلە جاتىپ، تومەن قاراماڭىز: ءسىزدىڭ الدىڭىزدا بۇكىل الەم تۇر.

ەگەر دەنە بىتىمىڭىزبەن ءبىراز ماسەلە بولسا، ارقاعا ارنالعان ءبىراز جاتتىعۋلاردى (مىسالعا، پۋلداۋن جانە كىر تاستارىمەن جاتتىعۋلار) جاساپ جىبەرىڭىز. وسىلايشا ءسىز ارقاڭىزدىڭ جوعارى جاعىنىڭ بۇلشىقەتتەرىن جاتتىقتىرىپ، جاۋرىنىڭىزدى دۇرىس ۇستاي الاسىز. نەمەسە، وكشەڭىزبەن، جامباسىڭىزبەن جانە جەلكەڭىزبەن كەرەگەگە سۇيەنىڭىز. ءدال وسىلاي تۇرىپ، وعان جاۋىرىنىڭىزدى دا تيگىزىڭىز. كۇندە وسىلاي جاساڭىز.

ەگەر ءسىز كۇنى بويى كرەسلودا وتىرساڭىز، وندا مىنا جاتتىعۋلاردى جاساپ كورىڭىز: كرەسلوعا وتىرىڭىز، سودان كەيىن ارقاڭىزدى بۇكپەستەن ورنىڭىزدان تۇرىڭىز. ەگەر العا ازداپ بولسا دا ەڭكەيسەڭىز، جاتتىعۋدى دۇرىس جاساي المايسىز.

بەلىڭىز شارشاۋى مۇمكىن. ويتەنى ول مۇنداي قالىپقا ۇيرەنبەگەن عوي. مۇنىمەن دە جۇمىس ىستەڭىز: كۇن ارا پلانكا (قولى جەرگە تىرەپ كەۋدەنى كوتەرۋ جاتتىعۋى) جاساڭىز (ۋاقىتتى 2 مينۋتقا دەيىن ارتتىرا وتىرىپ)، سوندا ومىرتقاڭىزدى ۇستاپ تۇراتىن بۇلشىقەت قىرتىسى تاس سياقتى قاتتى بولادى. 

ءبىر اي بويى ەڭكىشتىكپەن كۇرەسىڭىز – بۇل سىرتقى كەلبەتىڭىزدىڭ سەنىمدى كورىنۋىنە ۇلكەن قادام بولارى انىق. كوپ ۇزاماي-اق ءسىز ەش ويلانباستان ارقاڭىزدى تىك ۇستايتىن بولاسىز.

2. قارقىنىڭىزدى باسەڭدەتىڭىز

ءسىز مازاسىزدانعان كەزدە، داۋسىڭىز ادەتتەگىدەن قاتتى شىعادى جانە ءوزىڭىز ويلاعاننان دا تەزىرەك سويلەي باستايسىز.

ال كوپشىلىكتىڭ الدىندا (تىڭدارمانىڭىز كوپ بولسا دا، از بولسا دا) سويلەگەن كەزدە تولقىساڭىز، ءوزىڭىز قالاعاننان دا باياۋ سويلەۋگە تىرىسىڭىز. تىنىس الۋدى ۇمىتپاڭىز. وزىڭىزگە تىم باياۋ سويلەگەن سياقتى سەزىلۋى مۇمكىن. ءبىراق، سىرت كوزگە ءسوزىڭىز قۇلاققا مايداي جاعاتىن بولادى. 

3. جىميىڭىز

قيىندىققا نەمەسە ىڭعايسىز جاعدايعا تاپ بولعان كەزدە، ءوزىڭىزدى قولعا الۋ وڭاي ەمەس. دەمەك، ءجۇزىڭىز دە مۇڭايىپ تۇرارى انىق. كوپ ۇزاماي-اق ءسىز تۋرالى «انا بۇرىشتاعى ءبىرتۇرلى جىگىت» دەگەن ءسوز ايتىلادى. سوندىقتان، جىميىڭىز. وتىرىك، قورقىنىشتى كۇلكىمەن ەمەس، شىن نيەتىڭىزبەن جىميىڭىز. ول ءۇشىن اينانىڭ الدىنا تۇرىپ، كوزىڭىزدى جۇمىپ، تومەن ءتۇسىرىڭىز. سودان كەيىن كوزىڭىزدى اشا وتىرىپ، كۇلىمسىرەي باستاڭىز. ءسىزدىڭ ناعىز كۇلكىڭىز وسى.  

4. كوز تالاستىرىپ ويناڭىز

ەگەر ءسىز مىسىعىڭىزبەن عانا سويلەسىپ، ۇيدە جۇمىس ىستەيتىن جان بولماساڭىز، وندا ادامدارمەن كوپ قارىم-قاتىناس جاسايتىنىڭىز انىق. مىسالى، تۇسكى اس كەزىندە ارىپتەستەرمەن، دۇكەندەگى ساتۋشىمەن، كافەدەگى داياشىمەن نەمەسە كەزدەيسوق جولاۋشىمەن.  

سوڭعى رەت ادامنىڭ كوزىنە كوزىن تايدىرىپ اكەتكەنشە قاشان قاراپ ەدىڭىز؟ ەگەر ءسىز وزىڭىزگە سەنىمسىز بولساڭىز، وندا كوزىڭىزدى ۇنەمى ءبىرىنشى جىپىلىقتاتىپ قويعان شىعارسىز. 

ەندى ءسىز كىرپىك قاقپايتىن ادام بولاسىز.

ءار ارەكەتكە شاعىن كۇرەس رەتىندە قاراڭىز. كۇلىپ تۇرىپ، كىرپىك قاقپاساڭىز، قورقىنىشتى كورىنبەيسىز. ەگەر ءسىز ۇنەمى ۇيالشاق بولعان بولساڭىز، وندا العاش بىر-ەكى رەت قيىن بولۋى مۇمكىن. ءبىراق، ونى دا ەڭسەرۋگە بولادى. ارەكەتكە كىرىسكەنىڭىزدە، باسقا ادامداردىڭ دا سىزدەن كەم مازاسىزدانباعانىن بىردەن تۇسىنەسىز. ال ولاردىڭ كوزىنە ۇزاق قاراپ تۇرساڭىز، ولار كوزدەرىن تەز تايدىرىپ اكەتەدى.

5. قۇلاقشانى الىپ تاستاڭىز

سىرت بەينەڭىزدى وزگەرتە وتىرىپ، ءسىز ىشكى جان دۇنيەڭىزدى دە وزگەرتۋىڭىز كەرەك. ادامدار كوبىنەسە وزدەرىنىڭ جاڭا ادام بولعانىنا سەنە المايدى. مىسالى، ادام ارىقتاسا دا ءوزىن ءالى تولىق سەزىنىپ ءجۇرۋى مۇمكىن. وزىڭىزگە ءوزىڭىز ءىلىپ قويعان قۇلاقشادان ارىلاتىن كەز كەلدى. ەگەر ءسىز ورتادا ءوزىڭىزدى ىڭعايسىز سەزىنسەڭىز، وندا باسقالار دا مۇنى بىردەن سەزۋى مۇمكىن. بارىمىزدە كۇدىك بولادى. ول تۇيسىك دەڭگەيىندە قالىپتاسىپ، ادەتتە ءبىزدىڭ قالاعان نارسەگە قول جەتكىزۋىمىزگە كەدەرگى كەلتىرەدى. بار بولعانى كوپ ويلانا بەرمەي، ىسكە كىرىسىڭىز.

- ەگەر بىرەۋگە قىزىعۋشىلىق تانىتساڭىز، ءۇش سەكۋند ىشىندە ونىڭ جانىنا بارىڭىز. بۇدان ارتىق ويلانىپ تۇرساڭىز، جاعدايدى ۇزاق ساراپتاپ، اقىرى سوڭىندا قول قۋسىرىپ قالا بەرەسىز.

ەسىڭىزدە بولسىن، ەگەر سۇراماساڭىز، جاۋاپتىڭ ءبارى تەرىس بولادى. سوندىقتان، اياناتىن ەشنارسە جوق.

- كەش كەزىندە تانىمايتىن اداممەن بىردەن تانىسىڭىز. كۇدىكتىڭ ءبارىن كەرى ىسىرىڭىز: سوندا ءسىزدى ءبارى وزىنە-وزى سەنىمدى، كەرەمەت ادام دەپ ويلايدى.

- ايتاتىن ءسوزىڭىزدى نەمەسە تانىستىرۋدى دايىنداساڭىز، بىرنەشە ساعات بويى ۋايىمداپ جۇرمەڭىز – باسقا نارسەگە نازار اۋدارىڭىز. ءوزىڭىزدى ساراپقا سالماي، جوسپار بويىنشا ارەكەت ەتىپ، سابىرمەن ءسوز سويلەڭىز.

ءسىزدىڭ مىندەتىڭىز

وسى بەس قادامدى ورىنداۋ ارقىلى ءسىز بۇرىنعىدان دا سەنىمدىرەك بولا تۇسەسىز. وسىنىڭ ارقاسىندا ءسىزدىڭ الەۋمەتتىك قارىم-قاتىناسىڭىز تابىستى بولا تۇسەدى. بۇل ءسىزدىڭ سەنىمدىلىگىڭىزدى ارتتىرا تۇسەدى. وندا ءسىز بۇرىنعىدان دا سەنىمدى تۇردە قارىم-قاتىناس جاساي الاسىز. وسىلاي كەتە بەرەدى. ءوزىڭىزدىڭ سەنىمدىلىگىڭىزدى الىپ قار كەسەگى دەپ ويلاڭىز. ءسىز ونى يتەرسەڭىز بولعانى، ءارى قاراي ول ءوزى-اق ۇلكەيە بەرەدى.

بۇگىنگى ءسىزدىڭ ءۇي تاپسىرماڭىز – باسىڭىزدى تىك كوتەرىپ، ادەمى جىميىپ كوشەدە سەرۋەندەپ بارا جاتىپ كەم دەگەندە بەس ادامنىڭ كوزىنە تۋرا قاراپ، جاي عانا «سالەم» دەڭىز. ەسىڭىزدە بولسىن، ولار كوزدەرىن ءبىرىنشى ءتۇسىرۋ كەرەك.

اۋەلى ءوزىڭىزدى ىڭعايسىز سەزىنۋىڭىز مۇمكىن. ءبىراق، وعان كىمنىڭ نەسى كەتەدى؟ ءبارىبىر ول ادامداردى ەندى كورمەيسىز عوي. ءارى قاراي تاپسىرمانى كۇردەلەندىرە بەرىڭىز. مىسالى، تانىمايتىن اداممەن اڭگىمەلەسىڭىز نەمەسە كوپشىلىكتىڭ الدىندا ءسوز سويلەڭىز.

ءسوز سوڭىندا ايتارىمىز، ۇلكەن جاۋاپكەرشىلىك ۇلكەن كۇشپەن كەلەدى. باتىلدىق پەن وزىنە-وزى سەنۋدىڭ اراسىندا نازىك شەكارا بار. سوندىقتان، ارتىق كەتپەڭىز. ءوزىڭىزدى وزگەرتىڭىز، ءبىراق وزگەرمەڭىز.

---