اق كوجەك.
اق كوجەك .
اجەممەن بىرگە ءۇي جانۋارلارىن ساتاتىن بازارعا باردىم .ارالاپ كەلە جاتىپ، ەكى كوزى قىپ-قىزىل، ءوزى كىشكەنتاي ، اپپاق كوجەككە كوزىم ءتۇستى.ساتۋشى اق كوجەكتىڭ قارا الا مىسىقپەن جانە سارى كۇشىكپەن بىرگە ساتىلاتىنىن ايتتى .مەنىڭ كوڭىلىمدى قيماعان اجەم ۇشەۋىن بىرگە ساتىپ الدى .اق كوجەككە اكەم ەكەۋىمىز كۇركە سالدىق.باقشادا اق كوجەك جوڭىشقاعا بارىپ، ءبىر مەزگىل اسىر ساپ وينايتىن بولدى .ال قارا الا مىسىق پەن سارى كۇشىك ەسىك الدىندا اق كوجەككە قاراپ جاتاتىن.ءبىر كۇنى تاڭەرتەڭ كۇركەنىڭ ەسىگى اشىق قالىپ ، اق كوجەك جوعالىپ كەتتى، ىزدەپ تاپپادىق.مەكتەپكە بارا جاتقانىمدا ەسىك الدىندا ەركەلەپ اياعىما ورالاتىن قارا الا مىسىعىم مەن سارى كۇشىكتىڭ دە مازاسى جوق ، ەكەۋى ەكى بۇرىشتا كوڭىلسىز كۇيدە جاتىپ قالدى .اق كوجەكتىڭ جوعالعانىنا دا ەكى اي ۋاقىت ءوتتى .ءبىر كۇنى جازدىڭ اپاتاپ ىستىعىندا ، ساكى ۇستىندە ماساحانادا جاتقان ەدىم .سارى كۇشىگىمنىڭ ۇرگەنى تۇنگى تىنىشتىقتى بۇزدى .قاراسام ، قارسى الدىمدا اق كوجەگىم وتىر .ورنىمنان تۇرعانشا ، اق كوجەگىم تومپاڭ- تومپاڭ ەتىپ تىزەمە كەلىپ جاتا قالدى .ول جالعىز ەمەس ەكەن، جانىندا ءتورت كوجەگى بار .قارا الا مىسىعىم مەن سارى كۇشىگىمنىڭ قۋانىشىندا شەك جوق .، اق كوجەكتى اينالىپ جۇگىرىپ ءجۇر .ءبىر - بىرلەرىن ساعىنعان ەكەن.مەن اق كوجەگىمنىڭ ادالدىعىنا تاڭعالدىم .سودان بەرى اق كوجەكتى قارا الا مىسىق پەن سارى كۇشىك قارايلاپ جۇرەتىن بولدى .ءۇي جانۋارلارىنىڭ ءبىر-بىرىن ىزدەپ ، ءتۇسىنىپ ، باۋىر باسىپ قالعاندىعى كورىنىپ تۇر .
You Might Also Like
-
ماماندىق تاڭداۋ ادام ومىرىندەگى ەڭ ماڭىزدى شەشىمدەردىڭ ءبىرى بولىپ تابىلادى. بۇل بەلگىلى ءبىر تۇلعانىڭ مىنەز-قۇلقىنىڭ، ۇمتىلىسىنىڭ، تىلەگىنىڭ جانە ءومىر سالتىنىڭ ايناسى. ادەتتە، بۇل ماڭىزدى شەشىم جاس ...
