ماماندىق تاڭداۋداعى كەڭەستەر
ماماندىق تاڭداۋ ادام ومىرىندەگى ەڭ ماڭىزدى شەشىمدەردىڭ ءبىرى بولىپ تابىلادى. بۇل بەلگىلى ءبىر تۇلعانىڭ مىنەز-قۇلقىنىڭ، ۇمتىلىسىنىڭ، تىلەگىنىڭ جانە ءومىر سالتىنىڭ ايناسى. ادەتتە، بۇل ماڭىزدى شەشىم جاس كەزدە، مەكتەپتە وقىپ جۇرگەن شاقتا قابىلدانادى.
وسىنداي ماڭىزدى شەشىم قابىلداۋ وڭاي ەمەس. كەيبىر جاعدايلاردا جاسوسپىرىمدەرگە اتا-انانىڭ جاعىنان قىسىم كورسەتىلۋى دە مۇمكىن. كەيدە شىن مانىندە نە قالايتىنىڭدى ءتۇسىنۋ وتە قيىن. سونىمەن ماماندىقتى قالاي تاڭداۋ كەرەك؟
1. بەيىمدىلىگىڭىزدى ەسكەرىڭىز
باستاپقىدا ءوز قىزىعۋشىلىعىڭىزعا نازار اۋدارىڭىز. نەمەن اينالىسقىڭىز كەلەدى؟ قانداي پاندەر ۇنايدى؟ بوس ۋاقىتىڭىزدا نەمەن اينالىسقاندى جاقسى كورەسىز؟ ادامدارمەن، اسىرەسە، بوگدە كىسىلەرمەن وڭاي ءتىل تابىسا الاسىز با؟ كوپتەگەن نارسە ءسىزدىڭ بەيىمدىلىگىڭىزگە بايلانىستى.
2. دۇرىس شەشىم قابىلداۋعا تىرىسىڭىز
بۇل تاڭداۋدى ءوز بەتىڭىزشە جاساۋ كەرەكتىگىن سانالى تۇردە ۇعىنىڭىز. اتا-انالاردىڭ، دوستارىڭىزدىڭ ىقپالىنان شىعا الماي قالماڭىز. ولار نە ايتسا دا، بۇل – تەك ءسىزدىڭ تاعدىرىڭىز.
3. ماماندىق تاڭداۋدا ءوزىڭىزدىڭ فيزيكالىق ەرەكشەلىكتەرىڭىزدى، كەمشىلىكتەرىڭىزدى ەسكەرىڭىز.
دەنساۋلىق جاعدايلارىنا بايلانىستى تىيىم سالىنعان ماماندىقتار بولۋى مۇمكىن. مۇنداي ماماندىقتار كوپ ەمەس، ولارعا نەگىزىندە قانداي دا ءبىر فيزيولوگيالىق جۇيەگە ۇزاق اۋىرتپالىقتى تالاپ ەتەتىن ماماندىقتار جاتادى. كومپيۋتەر ماماندارى كوزدەرىنە، ال ۇشقىشتار – جۇرەكتەرىنە اۋىرتپالىق تۇسىرەدى.
4. ماماندىق تاڭداعاندا ونىڭ بولاشاعىن دا ەسكەرگەنىڭىز ءجون. سەبەبى، تەحنولوگيا تەز دامىپ كەلە جاتىر، سونىڭ سالدارىنان بۇگىن كەرەك ماماندىق ەرتەڭ قاجەتسىز بولىپ تا قالۋى مۇمكىن. سول سەبەپتى بولاشاعى بار سالانى تاڭداۋعا كەڭەس بەرەمىن.
5. مامانداردىڭ كومەگىنە جۇگىنىڭىز
ەگەر سىزدە كۇمان تۋىنداسا، مامانداردىڭ كومەگىن پايدالانىڭىز. بۇل رەتتە نە مەكتەپ پسيحولوگىمەن، پسيحولوگيالىق كەڭسە مامانىمەن اقىلداسۋعا بولادى.
الەمدە ءوزى قالامايتىن ماماندىق يەسى بولىپ جۇرگەن قانشاما ادام بار، ءوز جۇمىسىن جانىمەن ءسۇيىپ ىستەيتىن ادامداردىڭ دا سانى از ەمەس. ماماندىق تاڭداۋدان جاڭىلماي، ءوز ءومىرىڭىزدىڭ ءبىر كىرپىشىن دۇرىس قالاۋىڭىزعا تىلەكتەسپىن.
ديانا كوسپانوۆا
You Might Also Like
-
شىڭعىس حان يمپەرياسىنىڭ ۇلى حانى موڭكە ولگەننەن كەيىن ەل بىرلىگى بۇزىلادى. بيلىك ءۇشىن كۇرەسكە حاننىڭ ىنىلەرى قۇبىلاي مەن ارىق بۇعا تالاسادى. «جاساق» زاڭىنا سايكەس، حان سايلاۋ ءۇشىن بارلى...
