اقىل، عىلىم، باقىت
اقىل، عىلىم، باقىت – ۇشەۋى بىر-بىرىنەن ارتىقشىلىعىن سالىستىرىپ تالاسىپ ساراپقا ءتۇسىپتى. ساراپشىلار ولارعا بىلاي دەپتى:
ءبىرىنشى، باقىتقا: سەن، تۇراقسىز، وپاسىزسىڭ، ورنىڭدى تاڭداماي قوناسىڭ، قونعانىڭدى ىسىنتەسىڭ، تاسىتاسىڭ، اقىرىندا ءبىر كۇنى لاقتىرىپ تاستاپ كەتەسىڭ. اقىلمەن تىزە قوس، سوندا كوپ جاسايسىڭ، – دەپتى.
ەكىنشى، عىلىمعا: دۇنيەدە سەنەن كۇشتى نارسە جوق، قارا تاستى قايناتاسىڭ، دۇنيە ءجۇزىن جايناتاسىڭ، ساقاۋدى سايراتاسىڭ، جوقتى بار ەتىپ، باردان جوق جاسايسىڭ، بار عالامدى وزىڭە باعىندىرعىڭ كەلەدى، باعىنباعاندى دەمدە الەك قىلاسىڭ. تۇزەۋ دە، بۇزۋ دا سەنەن شىعادى. اقىلمەن بىرىك، سوندا ابىرويمەن ۇزاق جاسايسىڭ، – دەپتى.
ءۇشىنشى، اقىلعا: دۇنيەدە ادامزاتقا سەنەن ارتىق دوس جوق، ءبىراق اشۋ ۇستىڭە كىرىپ كەلگەندە، ورنىڭدى بەرىپ شىعاسىڭ دا كەتەسىڭ. اشۋ ءبۇلدىرىپ-بۇلدىرىپ كەتكەن سوڭ، كىرەسىڭ دە اشۋدىڭ بۇلدىرگەنىن وڭدايسىڭ. اۋەلدەن ورنىڭنان تۇرماي وتىرساڭ، اشۋ سەنىڭ ۇستىڭە كىرمەگەن بولار ەدى.
— بارىڭدار، اقىل، سەن ادام بول، عىلىم، سەن ات بول، باقىت، سەن قامشى بول. ۇشەۋىڭ بىرىكسەڭ ەشبىر مۇڭ-مۇقتاجدارىڭ بولمايدى، – دەپتى.
You Might Also Like
-
ەرتە زاماندا اڭشىلىقپەن كۇنىن كورگەن ءبىر كەمپىر مەن شال بولىپتى. ءبىراق ءومىر بويى ءبىر پەرزەنتكە زار بولىپ ءجۇرىپتى. كۇندەردە ءبىر كۇن كەمپىر جۇكتى بولىپ، قىز تاۋىپتى. اراسىنا ءبىر جىل ارالاتىپ تا...
