اقىماق دوس
ءبىر مىرزا ورماننان ءبىر ايۋ بالاسىن ۇستاپ الىپ، ۇيىنە الىپ كەلىپ، سونشا جاقسى كۇتىپ اسىراپتى. ءبىر كۇندەردە مىرزا قاتتى اۋىرىپ، ءبىر ايداي توسەكتەن تۇرماي جاتىپ، سول ۋاقىتتا ايۋدى دا قاراعان كىسى بولماي، بۇل دا قاتتى جۇدەپ زارىعىپتى. اۋرۋدان از-عانا ءتاۋىر بولعان سوڭ، مىرزا ءبىر كۇنى دالادا، ەسىك الدىنا وتىرىپ، كۇننىڭ جىلىسىمەن ماۋجىراپ قالعيدى، ءبىراق ماڭدايىنا، بەتىنە شىبىن قونىپ، شىداتپايدى. سونىڭ ءبارىن دە ماناعى ايۋ كورىپ وتىر ەكەن. مىرزاعا تىنىشتىق بەرمەگەنى ءۇشىن شىبىنعا قاتتى كەيىدى. ءسويتىپ، ايۋ ىزا بولا تۇرا جۇلقىپ كەتكەندە شىنجىرى ءۇزىلىپ كەتىپ، جۇگىرىپ باردى دا، مىرزانىڭ بەتىنە تابانىمەن سالىپ كەلىپ كەتكەندە، مىرزا قالپاقتاي ۇشىپ، سول جەردە-اق جان تاپسىردى دەيدى.
بۇل ءىس ءداۋىت پايعامباردىڭ زامانىندا بولعان ەكەن. ايۋدى حالىق پايعامبارعا سۇيرەتىپ الىپ باردى، بۇعان قالايىنشا جازا بەرەمىز دەپ.
ازىرەت ءداۋىت ايۋدان سۇرادى:
— نە سەبەپتەن قوجاڭدى ءولتىردىڭ؟
ايۋ جىلاپ ايتتى دەيدى:
— قوجام مەنى بالاسىنداي كۇتىپ، اسىراۋشى ەدى، ول اۋىرعان ۋاقىتتا مەنى كۇتكەن كىسى بولماي، قوجامنىڭ جازىلۋىن تىلەپ زارىقتىم. بۇگىن سول اۋرۋدان تاۋىرىرەك بولىپ، قوجامنىڭ دالاعا شىققانىنا قۋانىپ قاراپ تۇرعانىمدا، مىرزا ەسىك الدىنا وتىرىپ، قالعيىن دەپ ەدى، شىبىندار تىنىشتىق بەرمەدى. سوعان اشۋىم كەلىپ ۇرعانىمدا قوجام، نە سەبەپتەن ەكەنىن بىلمەدىم، ءولىپ قالدى. مەن قوجاما قاستىق ويلامادىم، شىبىندى قىرايىن دەپ ەدىم، — دەدى.
You Might Also Like
-
بىرنەشە ءتاۋىر كىسىلەر ءبىر جەتىم-جەسىر قالعان ءۇي ءىشىن جىلۋ جيامىز دەپ، ءار ۇيگە قىدىرىپ بارىپ ءجۇرىپ، ءبىر بايدىڭ ۇيىنە كەلسە، باي جۇمىسكەرىنە ءبىر كىشكەنتاي ءجىپتى جاڭبىردا ۇمىتىپ، دالادا قالدىرىپسىڭ دە...
