اقىن-جازۋشىلاردىڭ ەرەكشە ىس-ارەكەتتەرى
اقىندىق — جاراتقاننىڭ پەندەسىنە بەرگەن باعى مەن قاتار سورى دا. «اقىن جانىن اقىن عانا تۇسىنەدى» دەگەن تىركەس تەكتەن تەك ايتىلماعان. ولاردىڭ ءبولمىس-پىشىمى كۇندەلىكتى كوزگە بىردەي كورىنگەنىمەن، جان-دۇنيەسى تولعان تەربەنىس، مىنەزدەرى قۇبىلمالى بولىپ كەلەدى.
ونەر ادامدارى: اقىن-جازۋشىلار، قىلقالام شەبەرلەرى، مۋزىكانتتار قىزىق حالىق. شاش قويۋ، كيىم كيۋ ۇلگىلەرى دە وزگەلەردەن ەرەك. ونىمەن قوسا، اتالمىش ادامداردىڭ ەرەكشە ياكي ەزۋگە كۇلكى ۇيىرەتىن وعاش ادەتتەرى دە بار. ەندەشە تانىمال تۇلعالاردىڭ وعاش ادەتتەرىن وقي وتىرىڭىزدار.
تىك تۇرىپ جازاتىن جازۋشى
اعىلشىن جازۋشىسى ۆيردجينيا ۆۋلف جازۋ بارىسىندا ءتۇرلى-تۇستى سيا پايدالانعان ەكەن. جاسىل، كوك، قىزىل دەگەندەي. ىشىنەن كۇلگىن ءتۇستى قاتتى ۇناتىپتى. وسى جاعداياتتار شىعارمالارىنا ارقاۋ بولعان كورىنەدى. قىزىعى ۆيردجينيا ۆۋلف جازبالارىن تىك تۇرىپ جازعان.
ۇستەلسىز جازىلعان شىعارمالار
روالد دال جالعىزدىقتى جاقسى كورگەن. وسىلاي جالعىز قالعان كەزىندە نەبىر اڭگىمەلەرىن ومىرگە الىپ كەلگەن. ول ءۇيىنىڭ اۋلاسىنا كىشكەنتاي ساراي سالىپ، سوندا جالعىز قالۋدى قۇپ كورگەن. باستىسى، ول جەردە ۇستەل اتىمەن بولماعان. ول پاراقتى تىزەسىنە قويىپ جازعان.
پاڭ چەحوۆ
ورىس ۇلتىنىڭ تەڭدەسسىز جازۋشىسى انتون چەحوۆ وتە ۇقىپتى ءارى پاڭ بولعان كورىنەدى. ول جەكە بولمەسىنە اسقان تارتىپپەن قاراعان. بەت-جۇزىنە، كيىمىنە، ءجۇرىس-تۇرىسىنا ەرەكشە ءمان بەرگەن. ءتىپتى، دەمالىس كۇندەرى دە ءۇي ىشىندە كوستيۋىمىن تاستاماعان.
ىدىس جۋۋ شابىت بەرگەن قالامگەر
اگاتا كريستيءدىڭ دەتەكتيۆ جانرىندا جازعان روماندارى وتە كوپ. ۇزىن-سانى 78ء-دى قۇرايدى. ءبىر قىزىعى، ول شىتىرمانعا تولى جازبالارىن ىدىس جۋىپ تۇرعاندا، الما جەپ وتىرعاندا جازاتىن بولعان.
«ىدىس-اياق جۋۋ كەزەكتى قىلمىستى دۇنيەگە اكەلىپ، الما بولسا وقيعا جەلىسىن شيەلەنىستىرە تۇسەدى» دەپ تۇسىندىرگەن. سونداي-اق قولىنان قالام تۇسپەگەن.
تالعامپاز يت
رومانتيكا، ماحاببات باعىتىندا قالام تەربەگەن ۋيليام ۆوردسۆەر تابيعاتتى شابىت كوزى رەتىندە پايدالانعان. العاشقى اۆتورلىق تۋىندىلارىن يتىنە وقىپ بەرىپ، ءوز كەزەگىندە ءيتى ءۇرىپ، مازاسىزدانعان جاعدايدا قايتا وڭدەپ شىعاتىن بولعان.
اڭگىمە ارقىلى كەيىپكەرىن تاپقان جان
رەسەيدىڭ ماڭدايىنا بىتكەن جازۋشىلارىنىڭ ءبىرى فەدور دوستويەۆسكيي ەكەندىگى داۋسىز. فەدور بەيتانىس ادامدارمەن سىرلاسىپ، ولارمەن اڭگىمە-دۇكەن قۇرۋدى كوپ قۇمارتقان. وسى ارقىلى بولاشاق كەيىپكەرلەرىن ويشا جاساپ شىققان ەكەن.
جوعارىدا اتاپ وتكەن اقىن-جازۋشىلاردا كەزدەسەتىن وعاش ىس-ارەكەتتەر قازاق كلاسسيكتەرىنىڭ بويىنان دا تابىلادى. مىسالى: جۇمەكەن ناجىمەدەنوۆ تۋىندىلارىن جازعاندا سىرىڭكەنىڭ تالدارىن بىر-بىرلەپ سىندىرىپ وتىرادى ەكەن. مۇنىڭ سىرىن اقىننان باسقاعا قۇپيا بولىپ قالماق.
جازۋشى اسقار سۇلەيمەنوۆ بولسا كۇندىز ۇيىقتاپ، ءتۇنى بويى كوز ىلمەي، كىتاپ بەتتەرىن پاراقتاپ، جازۋ جازاتىن بولعان ەكەن. دەمەك، شابىتى تۇندە كەلەتىن كورىنەدى.
قالامگەر تىنىمباي نۇرماعامبەتوۆ اۆتوقالامىن سىنعانشا قولىنان تاستاماي، ءىشىن عانا اۋىستىرىپ وتىرادى ەكەن. بىردە:
«مەن تەك اۆتوقالاممەن جازامىن. جازۋدى باستاعالى بەرى اۆتوقالامىمدى ەكى-اق رەت، اسىپ كەتسە ءۇش رەت اۋىستىرىپپىن. قىرىق جىلعا جۋىق ۋاقىت ىشىندە ۇستاعانىم – ءۇش-اق قالام. سەنسەڭىز دە، سەنبەسەڭىز دە وسى. ىرىم. سەنىم» دەگەن ەكەن.
You Might Also Like
-
ن.نازاربايەۆ حالىققا جولداۋىندا «قازاق ءالفاۆيتىن 2025 جىلدان باستاپ، لاتىن گرافيكاسىنا كوشىرۋ ءۇشىن دايىندىقتى وسى باستان قولعا الۋ قاجەت. بۇل – قازاق ءتىلىن جاڭعىرتىپ قانا قويماي، ونى وسى...
