اقپاراتتىق ساۋاتتىلىق – بولاشاققا ۇمتىلىس
ادام بالاسىن كەمەلدىككە كەنەلتىپ، وركەنيەتكە جەتەلەيتىن – ءبىلىم مەن عىلىم جولى. الەمنىڭ عۇلاما ويشىلى، شىعىستىڭ ەكىنشى ۇستازى ءابۋ ناسىر ءال-فارابي: “عىلىم جۇيەلى تۇردە قۇرىلعان ءبىلىمنىڭ جوعارى فورماسى”، - دەگەن ەدى. ءبىلىم مەن عىلىمنىڭ دامۋىندا اقپارات ەرەكشە ورىن الادى. ەلىمىز زامان وزگەرىسىنەن قالماي، باسقا الپاۋىتتى ەلدەرمەن تەرەزەسىن تەڭ ۇستاۋعا تىرىسقان. كوز ىلەسپەس جىلدامدىقپەن وزگەرىپ جاتقان زاماندا، ۇلتتىق قۇندىلىقتارىمىزدى ساقتاپ قالۋ، ونى ءناسيحاتتاۋ الدىمىزدا تۇرعان ۇلكەن مىندەتتەردىڭ ءبىرى.ەلىمىزدە كوشباسشى جوعارى وقۋ ورىندارىندا زامان تالابىنا ساي اقپاراتتىق تەحنولوگيالاردى يگەرۋگەقابىلەتتى مامانداردايارلانادى. ال باسەكەگە قابىلەتتى جاستاردى دايىنداۋعا ءال-فارابي اتىنداعى قازۇۋ ۇلكەن ۇلەس قوسۋدا. بۇگىندە كوپتەگەن حالىقارالىق ۋنيۆەرسيتەتتەرمەن سەرىكتەس، ەلىمىزدەگى جوعارى وقۋ ورىندارى اراسىندا الدىڭعى قاتارلى، كوشباسشى ورىنعا يە. ۋنيۆەرسيتەت ءبىلىم الۋشىنىڭ جان-جاقتى دامۋىنا، ساپالى ءبىلىم الۋىنا قاجەتتى جاعداي جاساۋ ءۇشىن بار كۇش-جىگەرىن سالىپ، ستۋدەنتتىك ءوزىن-وزى باسقارۋعا، كوشباسشىلىق قاسيەتتەردى دامىتۋعا، تاربيەلەۋگە جول اشادى.
قازاقستان رەسپۋبليكاسىنىڭ «سيفرلىق قازاقستان» باعدارلاماسىنا نەگىزدەلىپ، قازىرگى زامانعا ساي مامانداردى دايىنداۋ ماقساتىندا 2018 جىلدىڭ 15 قاڭتارىنان باستاپ ءال-فارابي اتىنداعى قازاق ۇلتتىق ۋنيۆەرسيتەتىندە جەكە فاكۋلتەت رەتىندە اقپاراتتىق تەحنولوگيالار فاكۋلتەتى اشىلىپ، جاڭا باستامامەن جاس تۇلەكتەر ءبىلىمى قولعا الىندى. بۇل قازاقستاندى سيفرلاندىرۋعا، اقپاراتتىق تەحنولوگيا سالاسىندا وقيتىن جانە جاساندى ينتەللەكتپەن، سونىمەن قاتار «ۇلكەن مالىمەتتەرمەن» جۇمىس ىستەي الاتىن جاستاردى كوبەيتۋگە ارنالعان. قازىرگى ۋاقىتتا، فاكۋلتەت ۋرماشيەۆ ب.ا. باسشىلىعىمەن سالاۋاتتى ۇرپاق تاربيەلەۋدە بەلسەندى قىزمەت ەتەدى. فاكۋلتەت قۇرامىندا «جاساندى ينتەللەكت جانە BigData»، «ينفورماتيكا» جانە «اقپاراتتىق جۇيەلەر» كافەدرالارى جۇمىس اتقارىپ جاتىر.
«ينفورماتيكا» كافەدراسى جەكە كافەدرا رەتىندە 2001 جىلدىڭ قاراشا ايىندا ۇيىمداستىرىلدى. كافەدرانىڭ ءبىرىنشى مەڭگەرۋشىسى – فيزيكا-ماتەماتيكا عىلىمدارىنىڭ دوكتورى، پروفەسسور بالاكايەۆا گۋلنار تۋلتايەۆنابولدى. ونىڭ باسشىلىعى كەزىندە (2001-2006 جج.) ۇجىم، وقۋ جوسپارى جانە باعدارلامالارى قۇرىلدى، العاش رەت «ينفورماتيكا»، «ەسەپتەۋ تەحنيكاسى جانە باعدارلامالىق قامتاماسىز ەتۋ» ماماندىقتارىنا ستۋدەنتتەر قابىلداندى. العا قويىلعان ماقساتتار مەن مىندەتتەردى جۇزەگە اسىرۋدا زور ەڭبەك ءسىڭىرىپ، كافەدرا مەڭگەرۋشىسى قىزمەتىن ارى قاراي جالعاستىرعانتەحنيكا عىلىمدارىنىڭ دوكتورى، پروفەسسور شمىگاليەۆا تاتيانا الەكساندروۆنا(2006-2009جج.) بولعان ەدى. اقپاراتتىق تەحنولوگيا سالاسىندا مامان دايارلاۋدا جاڭا سەرپىن قوسىپ، جاڭالىقتار ەنگىزۋدە مەڭگەرۋشى قىزمەتىن تەحنيكا عىلىمدارىنىڭ دوكتورى احمەد-زاكي دارحان جۋماكانوۆيچ(2009–2012جج.) جالعاستىردى. ءوز كەزەگىندە ءبىلىم جۇيەسىنىڭ ساپاسىن ارتتىرۋعا باعىتتالعان باسقارۋ شەشىمدەرىن قابىلداۋدا ۋرماشيەۆ بايداۋلەت امانتايەۆيچ، فيزيكا-ماتەماتيكا عىلىمدارىنىڭ كانديداتى، دوسەنت (2012–2019جج.) جەتەكشىلىك ەتسە، 2019-2021 جىلدار ارالىعىندا PhD، دوسەنت يمانكۋلوۆ تيمۋر ساكەنوۆيچ كافەدرا مەڭگەرۋشىسى قىزمەتىن ۇلكەن جاۋاپكەرشىلىكپەن اتقارعان بولاتىن. 2021 جىلدىڭ قاڭتارىنان باستاپ PhD، م.ا. دوسەنت داريبايەۆ بەيمبەت سەريكوۆيچ كافەدرا مەڭگەرۋشىسى رەتىندە قازاقستان رەسپۋبليكاسىنىڭ پرەزيدەنتىنىڭ مەملەكەتىمىزدىڭ دامۋىنىڭ ستراتەگيالىق جوسپارى بويىنشا جوعارعى وقۋ ورىندارىنا قويىلاتىن تالاپقا سايكەس دامۋ باعىتىندا جۇمىس جاساپ، قىزمەت اتقارىپ كەلەدى. ال پروفەسسورلىق وقىتۋشى قۇرامى ءبىلىمدى دە بىلىكتى، كاسىبي پروفەسسورلار مەن وقىتۋشىلار، عىلىم كانديداتتارى مەن دوسەنتتەردى قامتيدى. قازىرگى كۇنى كوپتەگەن جاڭا ادىستەر ەنگىزىلۋىمەن كەلەسى ءبىلىم بەرۋ باعدارلامالارى قامتىلعان: باكالاۆريات (6B06103 - كومپيۋتەرلىك ينجەنەريا، 6B06104 – كومپيۋتەرلىك عىلىمدار)، ماگيستراتۋرا (7M01502 – ينفورماتيكا، 7M06103 - كومپيۋتەرلىك ينجەنەريا، 7M06104 - كومپيۋتەرلىك عىلىمدار)، دوكتورانتۋرا (8D01502 – ينفورماتيكا، 8D06102 - كومپيۋتەرلىك ينجەنەريا، 8D06103 - كومپيۋتەرلىك عىلىمدار، 8D06105 - جۇيەلىك ينجەنەريا). تەحنولوگيالار قارقىندى دامۋىنا سايكەس زاماناۋي قولدانبالى جانە جۇيەلىك باعدارلامالىق قامتاماسىز ەتۋدى قۇرۋ، ۆەب-ديزاين، ەلەكتروندىق كوممەرسيا جۇيەلەرىن، دەرەكتەر قورىن، جاساندى ينتەللەكت جۇيەلەرىن قۇرۋ، ەسەپتەۋىش لينگۆيستيكا جانە كومپيۋتەرلىك گرافيكا ماسەلەلەرى، اقپاراتتى قورعاۋ سالالارى بويىنشا ءبىلىم بەرىلەدى. كافەدرا عىلىمي - پەداگوگيكالىق باعىتتا تەحنيكا عىلىمدارى مەن اقپاراتتىق-كوممۋنيكاسيالىق تەحنولوگيالار سالاسىندا جوعارى بiلiم بەرۋدى قامتيدى. سونىمەن قاتار، ستۋدەنتتەرى ۋنيۆەرسيتەتتىڭ شىعارماشىلىق جانە سپورتتىق ومىرىنە بەلسەندى قاتىسادى. جاس تاپقىرلار باعدارلامالاۋ سايىستارىنا ۇلكەن ىنتا تانىتادى جانە سايىستاردى جىبەرمەي ولارعا قاتىسۋ ۇستىندە. ساپالى ءبىلىم بەرۋ ماقساتىندى زاماناۋي كومپيۋتەرلىك تەحنيكامەن جابدىقتالعان زەرتحانالاردىڭ جاقسى ماتەريالدىق-تەحنيكالىق بازاسىمەن قامتىلۋ ءىسى جۇرگىزىلگەن.ۇستازدار ىنتالى تۇردە ستۋدەنتتەرىنە باعىت باعدار بەرۋ ۇستىندە.
قازىرگى تاڭدا، ءبىز جاستار، ماگيستراتۋراعا ءتۇسىپ جاڭا فورماتتاعى زاماناۋي تەحنيكالىق باعىتتاردى يگەرىپ، ترەندتەگى ماسەلەلەرگە زەرتتەۋ جۇمىستارىن جۇرگىزۋدەمىز. يگەرىلىپ جاتقان جاڭا تاسىلدەگى تەحنولوگيالار جۇمىستارىمىزدا قولدانىستا قاجەتتى ناتيجەگە جەتۋگە ۇلكەن سەپتىگىن تيگىزۋدە جانە ۇستازدار تاراپىنان دا دامۋ مەن تاجىريبەلىك جاقسارتۋلار ۇزدىكسىز اتقارىلۋدا.
كافەدرانىڭ سالىستىرمالى تۇردە جاس بولۋىنا قاراماستان ۋنيۆەرسيتەتتىڭ بولىمدەرى مەن قىزمەتتەرىندە جۇمىس ىستەپ جۇرگەن كافەدرا قىزمەتكەرلەرى مەن تۇلەكتەرى ءال-فارابي اتىنداعى قازاق ۇلتتىق ۋنيۆەرسيتەتىنىڭ دامۋىنا زور ۇلەس قوسىپ كەلەدى. سوندىقتان ينفورماتيكا كافەدراسى ءوز تۇلەكتەرىنە سەنىممەن قارايدى جانە زامان تالابىنا ساي جاڭا مىندەتتەر مەن جاڭا ماقساتتار قويۋ ارقىلى بولاشاققا ۇمتىلىس جاسايدى!
ءال-فارابي اتىنداعى قازاق ۇلتتىق ۋنيۆەرسيتەتى «ينفورماتيكا» كافەدراسى اعا وقىتۋشى ب.ا.ماكسۋتوۆا «كومپيۋتەرلىك عىلىمدار» ماماندىعى 1-كۋرس ماگيسترانتتارى م.ت.تۋرگانوۆ، س.س.تاناش، ا. د. قاليبەكوۆا
You Might Also Like
-
قۋانامىن نەگە بۇگىن سونشالىق شاتتانعاننان كەلىپ جەتتى ءبىر شابىت قياسىنا ۇشقالى وتىر تاتەمىز كوڭىلدە ءبىر قيماستىق بار قايتەمىز قادامىڭىز بۇگىنگى قۇتتى بولسىن قىدىر دارىپ وتاۋعا باقىت قو...
-
قالايدا حالىقتى وياتۋ، ونىڭ ساناسىنا، جۇرەگىنە، سەزىمىنە اسەر ەتۋ جولدارىن ىزدەگەن اقىن اينالىپ كەلگەندە، ۇلى اباي تاپقان سوقپاق، ورىس ادەبيەتى ۇلگىلەرىن پايدالانۋ، اۋدارما جاساۋ داستۇرىنە مويىنسىنا...
