قىز ۇزاتۋعا تىلەكتەر
اپكەمنىڭ تويىنا
قۋانامىن نەگە بۇگىن سونشالىق
شاتتانعاننان كەلىپ جەتتى ءبىر شابىت
قياسىنا ۇشقالى وتىر تاتەمىز
كوڭىلدە ءبىر قيماستىق بار قايتەمىز
قادامىڭىز بۇگىنگى قۇتتى بولسىن
قىدىر دارىپ وتاۋعا باقىت قونسىن
كوتەرگەن جەزدەمىزبەن شاڭىراقتىڭ
ىشىنە قۋانىش پەن كۇلكى تولسىن
ۇلداردى ءناسىپ ەتسىن اقىلدى ۇداي
قىزداردى ءناسىپ ەتسىن كۇن مەن ايداي
وتاۋدىڭ بەرىك قىلىپ بوساعاسىن
بىزدەرگە بولىڭىزدار جاققان شامداي
كوكتەمنىڭ كۇلىمدەگەن كۇنىندەيسىز
دۇنيەنىڭ ەڭ شىرايلى گۇلىندەيسىز
پاپاسى مەن ماماسىنىڭ اسىل قىزى
ءارقاشان جەزدەمىزبەن ءبىر جۇرگەيسىز!
ومىردە ەڭ باقىتتى جان بولىڭىز!
ءماندى دە داڭعىل بولسىن بۇل جولىڭىز!
ماڭگىلىك بىر-بىرىڭە عاشىق بولىپ
كوڭىلى تۋىستاردىڭ ءجۇرسىن تولىپ!
*** *** *** ***
اپا-قارىنداستىڭ ۇزاتىلۋىنا كىشى باۋىرلارىنىڭ تىلەگى
عۇمىرىڭىزدىڭ جارقىن شاقتارى مەن باقىتتى ساتتەرى مول بولعاي. ءومىر ءسىزدى تەك جاقسىلىقتار مەن قۋانىشتارعا جەتەلەسىن. يبالى كەلىن اتانىپ، سول اۋىلدىڭ التىن بوساعاسىندا امان-ەسەن جۇرە بەرىڭىز.
*** *** *** ***
«باقىت دەگەن دوسىڭنىڭ — قاباعىندا، جارىڭنىڭ — جانارىندا» دەيدى. وسىنداي ومىرلىك دوس بولىپ وتىڭىزدەر.
*** *** *** ***
بولاشاقتىڭ اق تاڭدارىن باقىتپەن قارسى الىپ، بارلىق ىزگى ارماندارىڭ ورىندالا بەرسىن. ءومىر جولىندا سەرىكتەرىڭ ساتتىلىك، جولداستارىڭ جاقسىلىق بولسىن.
*** *** *** ***
جۇزدەرىڭىزدەن شاتتىق پەن كۇلكى ءۇيىرىلىپ، كول بەتىنە ورنەك سالعان اققۋداي باقىت بەسىگىندە قۋانىشتى سەرىك ەتىپ، تەربەلە بەرىڭىزدەر!
*** *** *** ***
قازاق قىزىن قاشاندا ءقادىر تۇتقان. قاسيەتكە بالاعان. ءتورىن ۇسىنعان. سەبەبى، قىز — ءورىس. قىز — كيە. قىز — ۇلتىنىڭ ۇياتى. قىز — حالقىنىڭ شىرايى. قىز — ءومىردىڭ باستاۋى. قىز — تىرشىلىكتىڭ تىرەگى.
بۇل قاسيەتتەر قىز عۇمىردىڭ پەشەنەسىنە اۋەل باستان-اق بۇلجىماستاي ەتىپ جازىلعانداي. ال سول اق ۇرپەك بالاپانىن ايالى الاقانىنان ۇشىراردا قاي اتا-انانىڭ بولماسىن كوڭىلى توقىپ، جان تەبىرەنىسىنە تۇسەرى حاق. سوسىن وزەگىن جارىپ شىققان بالاپانىنا: «قۇتتى ورنىڭا قونىپ، باعىڭ اشىلسىن!» دەپ جاراتقاننان تىلەك تىلەۋمەن بولادى.
مىنە، بۇگىن قىزىمىز اتا-انا ۇياسىنان ۇشىپ، جۇرەگىنىڭ قالاۋىمەن ومىرلىك سەرىگى ......(اتى) قول ۇستاسىپ، قىزىعى مەن قيىندىعى قاتار ۇلكەن ءومىر جولىنا اتتاندى. ءسويتىپ اتا-اناسىنىڭ ءورىسىن كەڭەيتتى.
وتباسىن قۇرۋ – ۇلكەن ابىرويلى ءىس. ابىرويلى ىسكە بيىك رۋح كەرەك. بارعان جەرىڭدە باعىڭ اشىلسىن، شاڭىراعىڭ بيىك، بوساعاڭ بەرىك بولعاي! ەكەۋىڭ قازاقتىڭ ۇلگى تۇتار وتباسىنا اينالىڭدار!
*** *** *** ***
ۇزاتىلعان قىزعا تىلەك
تىلەۋىڭ تىلەپ تۇردى اپپاق،
قيمايدى ىشتەي اتا – انا.
قىز ەدىڭ وسكەن بۇلعاقتاپ.
اتتايسىڭ بوگدە بوساعا.
الپەشتەپ باسقان باۋىرعا،
كەم كورمەي ۇلدان شالقىتىپ.
اتا – انا قالىپ اۋىلدا،
اسىقتىڭ تۇر دەپ جار كۇتىپ.
اناڭنىڭ جولىن جالعادىڭ،
جات جۇرتقا كەتىپ باراسىڭ.
ءسۇيۋدىڭ تاتىپ بال ءدامىن،
جارىڭمەن تاپقىن جاراسىم.
باقىت بول بارعان جەرىڭە،
جۇزىنە كىربىڭ جۋىماي.
بەرەكە قونسىن تورىڭە،
دەمەسىن جامان قىلىعى-اي.
قىلىعىڭ تۇزدە – ەرجەتتىڭ،
يە بول اقىل – تىزگىنگە.
گ ۇلى بول بارعان اۋلەتتىڭ،
تاستاي بات، سۋداي سىڭگەن دە.
تىرشىلىك دەگەن مايدان بۇل،
ءومىردىڭ ءالى سىنى الدا.
جارىڭمەن بىرگە جايناعىن
ۇقساعىن اسقاق شىنارعا!
*** *** *** ***
انانىڭ قىز ۇزاتۋ تويىنداعى اق تىلەگى
كەشە عانا جۇرگەندەيسىڭ بالاپانداي ءبۇلدىرشىن،
ءبىلىم الىپ، بوي جەتىپ، وي تۇزەدىڭ.
قاناتىڭ قاتىپ، ۇشىپ كەتتىڭ ۇياڭنان،
قيماستىقتان اۋىردى مەنىڭ جۇرەگىم.
«قىز - ءورىسىڭ»، «جات جۇرتتىق» دەگەن ءسوز بار،
تەڭىڭدى تاپتىڭ جۇرەكتەن شىققان تىلەك بار.
اقىلدى بول، ەركەلىكتى قويارسىڭ،
ءبىر وتاۋدىڭ كەلىنى سەن بولارسىڭ.
ەنەڭدى - انام، اتاڭدى - اكەم دەپ ويلا،
بارعان جەرىڭ - ءوز جۇرتىڭداي سەن سىيلا.
سوندا عانا جاعارسىڭ سەن ەلىڭە،
كىر كەلتىرمە ءوزىڭنىڭ تۋعان جەرىڭە
قۇداي قوسقان قوساعىڭمەن قوسا اعار،
كەشىرىمدى، كىشىپەيىل بولىڭدار.
انالىق جۇرەكتەن شىققان اق تىلەگىم،
«قابىل بولسىن» دەپ اللادان تىلەدىم.
ءبىر اللا تىل-كوزدەن ءوزى ساقتاسىن،
جولدارىڭ اق، ءتۇزۋ بولىپ باستالسىن.
ەكى جاسقا ارنالعان وسى اق تىلەك،
پەرىشتەنىڭ قۇلاعىنا شالىنسىن.
You Might Also Like
-
اباي اكەسىنىڭ جاناندا بولعان جىلدارى ءوز اۋىلىندا بولىپ جاتقان قايشىلىقتاردى، الەۋمەتتىك تەڭسىزدىكتىڭ زارداپتارىن، بولىس-سۇلتانداردىڭ حالىققا جاساپ جاتقان ادىلەتسىز ارەكەتتەرى مەن كەرتارتپا ادەت-عۇر...
-
ادام بالاسىن كەمەلدىككە كەنەلتىپ، وركەنيەتكە جەتەلەيتىن – ءبىلىم مەن عىلىم جولى. الەمنىڭ عۇلاما ويشىلى، شىعىستىڭ ەكىنشى ۇستازى ءابۋ ناسىر ءال-فارابي: “عىلىم جۇيەلى تۇردە قۇرىلعان ءبىلىمنىڭ ...
