اققابىننىڭ تولقىنى (ءى نۇسقا)
كەرەي رۋىنان شىققان مۇسا دەگەن ءبىر كىسى قىزىن كۇيەۋگە ۇزاتاردا قالىڭ مالىنا قوسىپ، «مىنگىزگەنىم» دەپ بۋرىلات دەگەن اتىن دا بەرەدى. جىل وتكەن سوڭ مۇسا قىزىن كورىپ قايتايىن دەپ جەكجاتىنىڭ اۋلىنا كەلە جاتقان ەكەن دەيدى. اۋىلدىڭ قاراسىن كورگەن سوڭ، قولىنا سىبىزعىسىن الىپ، «اققابىننىڭ تولقىنى» دەگەن كۇيدى تارتقان ەكەن. ءدام-تۇزى بوتەن جەرگە بۇيىرعان بۋرىلات شالعايدان سىبىزعى ءۇنىن ەستىگەندە قۇلاعىن قايشىلاپ، كىسىنەپ قويا بەرەدى. جايىلىپ جۇرگەن ۇيىرىنەن جالعىز ءبولىنىپ شىعىپ، اۋىلدى اينالىپ شابا بەرىپتى. جاستايىنان سىبىزعى كۇيىن ەستىپ وسكەن بۋرىلاتتىڭ بۇل مىنەزىن قىز «اكەم كەلە جاتىر» ەكەن دەگەنگە جوريدى. ايتسا ايتقانداي، قىر باسىنا قىلت ەتىپ شىعا كەلىپ، اۋىلعا قۇلاعان اتتى كىسى اكەسى بولىپ شىعادى.
You Might Also Like
-
باياعىدا ءبىر شال مەن ونىڭ جالعىز قىزى بولىپتى. ولاردىڭ كۇن كورەتىنى دە جالعىز نار ەكەن: ىشسە اسى، مىنسە كولىگى. كۇندەردىڭ كۇنىندە ساۋىپ وتىرعان تۇيەسىنىڭ بوتاسى ءولىپ قاپ، قىزى مەن اكەسى اس-سۋسىز قال...
-
ەرتەدە ءبىر كەدەيدىڭ مال دەگەندە جالعىز تۇيەسى بولىپتى. جازعىتۇرىم تۇيەسى بوتالاپ، ەكى كۇننەن كەيىن بوتاسى ءولىپتى. بوتاسىز قالعان جانۋار يىمەي، جەلىنى سىزداپ، كۇڭىرەنە بوزدايدى. بۇل جاعداي كەدەيدىڭ ...
