اقتاۋدا مەكتەپ وقۋشىسى 60 دوللارعا «اقىلدى ءۇي» جاساپ شىعاردى
اقتاۋ قالاسىنداعى نازاربايەۆ زياتكەرلىك مەكتەبىنىڭ حيميا-بيولوگيالىق باعىتتاعى 12-سىنىپ وقۋشىسى ەسەت سيدەشوۆ «Smart-house» («اقىلدى ءۇي») جوباسىن جاساپ شىعاردى. تۇتاستاي جوبا قۇنى 60 دوللار، بۇل smart-تەحنولوگيانىڭ شىندىققا اينالعانىنا سەندىرە تۇسەدى.
جوبا «روبوت تەحنيكاسى» ۇيىرمەسىندە ونىڭ جەتەكشىسى باقىتجان مۇحاممەدپەن بىرگە جاسالدى.
«ءۇيدى تەلەفون نەمەسە پلانشەت ارقىلى باسقارۋعا بولادى، بۇل ءۇشىن اندرويد-گادجەتكە ارنايى باعدارلاما قۇردىم. ادام ەسىككە جاقىنداپ، «اشۋ» دەگەن تۇيمەنى باسادى، گادجەت كوماندا بەرەدى، سەرۆوموتور ەسىكتى اشادى. ادام بولمەگە كىرگەندە، قۇرىلعى-سەنسور ىسكە قوسىلىپ، جارىق جاعىلادى. مەنىڭ ماكەتىمدە ەسىك، تەرەزە پەردەسى، جاليۋزي، جارىق اۆتوماتتى تۇردە جابىلادى، اشىلادى. بۇل ءۇشىن قۇرىلعى-سەنسور ورناتىلعان. سونداي-اق كامەرا ورناتىپ، جۇمىستا وتىرىپ ءۇيدى باقىلاۋعا بولادى. جوبانى «ناۋرىز كەزدەسۋىنە»، بارلىق قر-داعى نزم اراسىنداعى عىلىمي جوبالار بايقاۋىنا ۇسىنباقپىن»، - دەيدى ەسەت.
بۇل ارزان، قولجەتىمدى جوبانى ىسكە اسىرۋعا بولادى. ءبىر بولمەگە 20 مىڭ تەڭگە جەتكىلىكتى. ول ادام ءومىرىن جەڭىلدەتىپ قويماي، ەلەكتر ەنەرگياسىن، ادام كۇشىن ۇنەمدەيدى.
مامىر سوڭىندا، ەمتيحانداردان كەيىن، شاعىن نۇسقادا جاسالعان جوبانى ول ومىردە پايدالاناتىنداي ەتىپ ىسكە اسىرۋعا نيەتتى.
You Might Also Like
-
تورونتو ۋنيۆەرسيتەتىنىڭ ينجەنەرلەرى پەروۆسكيتتەن جاسالاتىن كۇن پانەلدەرىن شىعارۋ تەحنولوگياسىن جەتىلدىردى. جاڭا ءادىس بولاشاقتا تيىمدىلىگى جوعارى كۇن باتارەيالارىن گازەت سياقتى وڭاي باسىپ شىعارۋعا م...
-
يسلام ءدىنى – ادامزات تاريحى مەن وركەنيەتىنە ايرىقشا ۇلەس قوسقان ەڭ ۇلىق ءدىن. ونىڭ تۋى جەلبىرەگەن جەرلەردە ءاردايىم ءبىلىم مەن عىلىم دامىپ، ادامزات ادامگەرشىلىك پەن پاراساتتىڭ شىڭىنا كوتەرىلگەن....
